Skítur í deyjandi Mývatni! Og allt í lagi með það?

Ég hitti Mývetning í Leifsstöð nú síðdegis, sem hefur árum saman barist gegn þeim árásum á Mývatn, lífríki þess og umhverfi, sem virkjana- og mannvirkjafíklar standa að. 

Fyrir þremur árum rak Landsvirkjun harðan áróður fyrir því að keyra af stað 90 megavatta gufuaflsvirkjun aðeins 2,8 kílómetra frá grunnskólanum í Reykjahlíðahverfi og um 4 kílómetra fyrir austan bakka vatnsins. 

Reynslan af virkjunum eins og Hellisheiðarvirkjun virðist ekki hafa nein áhrif á þessi áform. 

Þessi hætta er ekki liðin hjá, því að engin leið er að fá menn til að falla frá þessum áformum, þótt hlé hafi verið gert á sókninni í bili, og einbeittur vilji er áfram til þess að fara inn á Leirhjúks-Gjástykkis-svæðið með nýjar virkjanir.

En það er sótt í að  reisa fleiri mannvirki og efla sókn gegn einstæðu lífríki Mývatns.

Hreppsnefndin hefur sagt að hún hafi ekki fjármuni til þess að hamla gegn sívaxandi mengun vatnsins vegna frárennslis frá ört vaxandi byggð og umferð ferðamanna.

Að sjálfsögðu er sótt í það að reisa ný hótel og mannvirki sem næst vatninu og herða þannig á þeirri sókn gegn lífinu í því sem engan enda virðist ætla að taka.

Sorgarsagan er orðin 45 ára gömul frá því að Kísiliðjan var sett á fót með tilheyrandi beinum uppgreftri hráefnis fyrir verksmiöjuna, og nú er svo komið að ástandið í vatninu hefur aldrei verið ömurlega, allt frá botni þess upp í gegnum lífkeðjuna í fuglana. 

Viðmælandi minn í dag sagði að erlendir ferðamenn undruðust það sem væri að gerast þarna án þess að vörslumenn þessara heimsverðmæta, sem við Íslendingar eigum að vera, virtust ætla að gera neitt til að andæfa. 

  

Skítur í Skerjafirði

Sanna hnífar og hafnaboltakylfur afbrot?

Hnífar og hafnaboltakylfur eru algeng árásar- og morðtæki. Að þessi tól séu á heimilum einhverra er fullkomlega löglegt og þau eru engin sönnunargögn í afbrotamálum nema haldbærir vitnisburðir séu um notkun þeirra. 

Í bardagaíþróttum eins og júdó eru notuð brögð, sem geta valdið dauða, til dæmis hengingartak. 

Það, að einhver eigi júdóbúning heima hjá sér og sé í honum þegar hann tekur heningartak á æfingum eða í keppni sannar ekki eitt og sér að hann taki þetta taki þetta tak nokkurn tíma á fullkomlega löglegan hátt og því síður að hann sé að hengja fólk á þennan hátt.  

Mun reyna á ábyrgð Fréttablaðsins