15.11.2015 | 16:31
Drápu þeir alls hátt á fjórða hundrað manns?
ISIS segist hafa staðið fyrir því að drepa 224 farþega í rússneskri þotu á dögunum, langflestir farþegarnir voru rússneskir.
Lýst var yfir þjóðarsorg í Rússlandi.
Ekki mun sannast endanlega hvort þetta var hryðjuverk fyrr en að rannsókn lokinni, en langmestar líkur eru á því að þarna hafi ISIS verið að verki.
Ef þetta er svona, hafa samtökin grandað á fimmta hundrað manns samtals í Frakklandi og Rússlandi og að þessar tvær stórþjóðir hafi orðið fyrir barðinu á þessum villimönnum.
Ættingjar árásarmanns handteknir | |
Tilkynna um óviðeigandi tengingu við frétt |
Bloggar | Breytt s.d. kl. 20:31 | Slóð | Facebook | Athugasemdir (12)
15.11.2015 | 10:35
Að hika er sama og að tapa.
Markmið árásanna á Bandaríkin 11. september 2001 var að eyðileggja það frelsi, jafnrétti, bræðralag, mannréttindi, öryggi og frið, sem þróast hefur á Vesturlöndum og víðar um heim síðan í amerísku og frönsku byltingunum seint á 18. öld.
Allar gerðir ofsafenginna hryðjuverkamanna síðan þá hafa miðað að þessu sama, svo sem um miðjan síðasta áratug í Madrid og London.
Ætlunin er að láta ógn og skelfingu vegna hryðjuverka leiða af sér hatur, ósætti, átök og nógu mikla skerðingu mannréttinda til að rífa vestræn samfélög og friðinn í þeim niður, ekki bara með árásum utan frá, heldur líka innan frá.
Þetta má ekki gerast og hér má ekki hika aða hrekjast undan.
Í kjölfar árásarinnar á Charlie Hebdo í fyrravetur fóru leiðtogar fjölda ríkja sérstaklega til Parísar til þess að sýna fram á óhagganlega samstöðu gegn ófriði, úlfúð og ótta.
Augljóst er að árásinni í fyrrakvöld er sérstaklega beint að þeim mikilvæga miðpunkti alþjóðasamfélagsins sem á að verða í París eftir hálfan mánuð.
Nú ríður á að hika ekki eða hopa gagnvart eyðingaröflum ofstopafullra glæpamanna, heldur safna liði og taka hraustlega á móti á þann eina táknræna hátt sem mögulegur er, líkt og gert var eftir síðasta hryðjuverk í París.
Jafnframt þessu verður að sýna fyllstu hörku og samstöðu gegn ISIS í Sýrlandi og uppræta þessi samtök ógnar, forneskju, dauða og kúgunar.
Ekki hætt við loftslagsráðstefnuna | |
Tilkynna um óviðeigandi tengingu við frétt |
Bloggar | Slóð | Facebook | Athugasemdir (7)
15.11.2015 | 01:20
"Betri" veðurspá er ekki endilega réttari spá.
Það hefur tvívegis gerst hér á landi að fararstjórar leituðu fanga hjá veðurstofum í nágrannalöndum okkar og fundu "betri" veðurspá þar hvað snerti veður á þeim slóðum, sem þeir ætluðu með ferðamannahópa sína, en íslenska veðurstofan spáði.
Í bæði skiptin lentu hóparnir í miklum hremmingum og mátti þakka fyrir að ekki urðu banaslys.
Augljóst var þegar staðbundnar aðstæður voru skoðaðar fyrirfram, að íslenska spáin var rétt en ekki þær spár sem fararstjórarnir notuðu.
Í ýmsum tilfellum ber veðurspám ekki saman, jafnvel ekki í grundvallaratriðum, og þá getur það stundum verið heppni á hvað hver veðurstofa veðjar.
Í slíkum tilfellum getur það verið einhver erlenda veðurstofan sem hefur vinninginn.
En í tilfellunum tveimur, sem nefnd eru hér að ofan, skipti miklu máli að veðurfræðingur sem gerði spá væri kunnugur staðbundnum aðstæðum sem geta haft áhrif á veður á einstökum svæðum og stöðum.
Þar reyndist íslenska veðurstofan hafa vinninginn.
Það eru góðar fréttir að íslenska veðurstofan sé með endurbætur í framsetningu í undirbúningi, svo góðar, að veðurspárnar verði betur framsettar en fyrr og því "betri" í þeim skilningi.
Hvers vegna er norska veðurspáin betri? | |
Tilkynna um óviðeigandi tengingu við frétt |
Bloggar | Breytt s.d. kl. 01:24 | Slóð | Facebook | Athugasemdir (3)