Þetta var hægt áfallalaust fyrir 60 árum.

Ég vann í nokkur sumur á unglingsárum við gröft á húsgrunnum og hitaveituskurðum og lengst af við að bora holur fyrir sprengiefni í klappir og við það að ganga tryggilega frá fyrir sprengingar.

Sprengt var í óteljandi skipti og aldrei fór neitt úrskeiðis.

Ég skil ekki af hverju ekki er hægt að gera þetta núna eins og fyrir 60 árum.

Ótrúleg heppni að ekki varð slys

Vissi ekki að kjánar væru á 2000 metra dýpi.

Hún er skemmtileg, fréttin um fisktegundina kjána, sem lifir allt niður á 2000 metra dýpi, sem manni finnst einhvern veginn mikill kjánaskapur.

 

Kjána undirdjúpa ei ég þekki

en aðra kannski betur, því er ver,

því sumir kjánar ættu bara ekki

ofansjávar nokkurn rétt á sér.

Kjáni til Eyja

"Innra flæðið" í Norður-Ameríku og í Evrópu.

Þegar ferðast er um Bandaríkin sést vel að svokallað "innra flæði" vinnuafls og flutninga er einn af lyklunum af efnahagslífinu þar í landi.

Flutningabílar, lestir og fólksbílar flæða tugþúsundum saman frjálst og óheft á miklum hraða yfir landamæri ríkjanna 49 ef Kanada er talið með.

Ekki var hróflað við þessu flæði í kjölfar árásanna á Bandaríkin 11. september og heldur ekki eftir hrinu árása í Evrópu 2004 og 2005.

Evrópubúar horfðu á þetta með aðdáun í áratugi áður en þeir fóru út í aðgerðir til að opna landamæri sem flestra af þeim 47 ríkjum sem eru aðilar að Evrópuráðinu og koma á svipuðu flæði vinnuafls og flutninga og er vestanhafs.

Rétt eins og ríki Norður-Ameríku reyna að verja sig fyrir innrás hryðjuverkamanna með sem bestu eftirliti á "ytri landamærum" var ætlunin með Schengensamkomulaginu að líkja eftir því.

Augljóst er á ferðalagi um Evrópu að útilokað er að skrúfa fyrir þetta flæði á milli Evrópuríkja nema að mjög takmörkuðu leyti.

Í staðinn verður að herða og bæta það eftirlit sem heftir ekki innri flutninga og flæði.

Bið í umferðarteppu í á aðra klukkustund á landamærum Þýskalands og Austurríkis um daginn, þar sem meðfylgjandi mynd var tekin, áður en hryðjuverkin voru framin í París, sýndi vel, við hvað er að fást.

Þrátt fyrir þessa miklu truflun tókst lögreglunni ekki að skoða nema örfáa bíla af þeim þúsundum sem stöðvuðust.

Evrópuþjóðir reyndu að læra af Ameríkönum varðandi flæðið um æðakerfi veganna en vakna nú upp við vondan draum og sjá, að líka þarf að læra af Könunum varðandi eftirlit og löggæslu.  

Evrópa vakni og verji sig