4.11.2015 | 17:32
Hagvaxtartrúin tröllríður öllu.
Helstu trúarbrögð mannkyns eru ekki hin gömlu hefðbundnu trúarbrögð heldur trúin á hinn endalausa og alltumlykjandi hagvöxt, hvað sem á dynur.
Engu virðist skipta þótt sýnt sé fram á með óyggjandi staðreyndum að rányrkja á helstu auðlindum jarðar, endalaus fjölgun mannkyns og elstu aldursflokkum þess og afleiðingar hitnunar lofthjúpsins muni fyrr eða síðar þýða skipbrot hagvaxtartrúarinnar.
Ékki aðeins krafan um hagvöxtinn óbifanleg, heldur líka trúin á þá slembilukku að hann haldi áfram og áfram út í eitt.
Skyld hagvaxtartrúnni er hrifningarglýjan í augunum við það að þensla eyskst svo að farið er að minna óþyrmilega á 2007 og síbyljan um nauðsyn þess að keyra áfram ekki minni virkjana- og stóriðjustefnu og þá ríkti.
Hagsmunir kröfuhafa en ekki heimila? | |
Tilkynna um óviðeigandi tengingu við frétt |
Bloggar | Slóð | Facebook | Athugasemdir (9)
4.11.2015 | 12:38
Vandi pírata: Kynging helsta stefnumálsins.
Píratar eru sá flokkur sem hefur mest beitt sér fyrir beinu lýðræði og gerð nýrrar stjórnarskrár.
Margir kusu Píratanna aðallega í í borgarstjórnarkosningunum vegna þessarar stefnu þeirra, til dæmis þeir flugcallarinir sem vonuðustt til þess að Piratar myndu halda myndu halda þesau aðalmáli sínu til streitu í borgarstjórn.
En þannig fór það ekki. Píratar urðu eini flokkurinn í núverandi meirihluta, sem voru með þessa stefnu, og töldu sig þurfa að bakka með hana.
Þetta er vandi Pírata sem getur vaxið eftir því sem þeir komast oftar í þá aðstöðu að ynda meirihluta hér og þar í landsmálum og sveitarstjórnqarmálum.
Viðvarandi halli í borginni | |
Tilkynna um óviðeigandi tengingu við frétt |
Bloggar | Breytt s.d. kl. 12:40 | Slóð | Facebook | Athugasemdir (16)
4.11.2015 | 06:55
Þegar "aðeins einu sinni á ævinni" verða áhrínsorð.
Eftirsókn útlendinga eftir Íslandsferðum byggist meðal annars á því að upplifa eitthvað sem maður upplifir aðeins einu sinni á ævinni (once in a lifetime).
Þetta er mannleg fyrirbrigði og marg af hættulegum uppátækjum unglinga byggist á því að þeir eru máta sig við lífið og allar þess margvíslegu uppátæki, - stundum kallað fikt.
Dæmi um svona fyrirbrigði hér á landi var þegar hægt var að vaða upp eftir ánni Volgu inn í íshelli sem hún rennur úr undir Kverkjökli, fara inn í hellinn á stað þar sem lóðrétt gat var upp í gegnum jökulinn og baða sig þar.
Þar féll ísköld buna niður í gegnumm gatið og hægt var að liggja fyrst í baðinu, en fara síðan í kalda sturtu.
Þetta íshellisferðalag var ekki hættulaust, því að stundum hrundu klakastykki úr lofti eða munna íshellisins.
Eitt þúund tonna ísstál hrundi eitt sinn niður á stað, þar sem myndatökumaðurinn hafði staðið tveimur mínútum fyrr.
Líkurnar á að ná því myndskeiði voru 1 á móti 20 milljónum, - þetta gerðist aðeins einu sinni í svona stórum mæli á sumri.
Ég álpaðist í stuttmyndasamkeppni til þess í hitteðfyrra að fara í rólegheitum á galopnum örbil í sundbol gegnum bílaþvottastöð í fimm stiga frosti og norðan garra úti á Granda.
Ég mæli ekki með slíku fyrir nokkurn mann og myndi ekki gera það aftur fyrir nokkurn pening.
En þetta var eitthvað sem maður gerir "einu sinni á ævinni", svipað eins og þiggja kaffibollann forðum hjá Gísla á Uppsölum.
Uppátæki Justins Bieber er vafalaust mun hættulegra og gæti leitt til þess hjá einhverjum, sem slíkt reynir, að orðin "einu sinni á ævinni" (once in a lifetime) verða að áhrínsorðum, það gefst ekki annað tækifæri á ævinni til að reyna þetta.
Óttast að fólk elti Bieber | |
Tilkynna um óviðeigandi tengingu við frétt |
Bloggar | Breytt s.d. kl. 06:57 | Slóð | Facebook | Athugasemdir (1)