Þarf meira af merkingum og eftirliti.

Það er ekki nóg að tala um utanvegaakstur og afleiðingar hans heldur þarf aðgerðir, sem kosta bæði peninga og mannskap. Merkingar. Utanv.akstur

Sumt af því sem þörf er á að gera er ekki endilega svo dýrt eins og sést á myndinni hér við hliðina, þar sem sést ódýrt skilti, sem sett hefur verið upp við leiðina. 

Sem dæmi má nefna að á svonefndri Þríhyrningsleið á Norðausturhálendinum, sem myndin er tekin á, getur víða verið freisting fyrir ókunnuga ferðamenn að aka út fyrir leiðina af ótta við vatnið sem er á henni.Utanvega akstur, Þríh,leið

En einmitt það getur komið mönnum í vandræði og þeir fest sig í stað þess að halda áfram klakklaust í förunum, þótt þau liggi í gegnum polla.

Og á nokkrum stöðum á þessari leið eru stór svæði við hliðina á leiðinni útspörkuð eftir bíla og sums staðar ljót ummerki eftir bíla, sem hafa fest sig.

Það hefur væntanlega gerst áður en merkingarnar voru settar upp. Utanvega akstur, merkingar 


mbl.is Láta ferðamenn laga til eftir sig
Tilkynna um óviðeigandi tengingu við frétt

70% brautarinnar er innan kerfis annarra brauta.

Aðeins 30% þriðju brautarinnar á Reykjavíkurflugvell er utan kerfis hinna brautanna, þar með taldar akbrautir fyrir þær.

Það er einungis brautarendinn í Skerjafirðinum sem stendur út fyrir brautakerfi hinna brautanna eins og glögglega sést á kortum og loftmmynum af vellinum. 

Þess vegna er grátlegt það ofurkapp sem lagt er á að koma þriðju brautinni fyrir kattarnef, meðal annars með því að raða helstu byggingum á Hlíðarendareitnum sem næst þversum fyrir aðflugið að brautinni í stað þess að endurskipulegggja reitinn og hafa þessar byggingar annars staðar í honum.

Auk þess er farið á svig við alþjóðlegar reglur um notkunarmörk brauta varðandi þær flugvélar sem nota þessa braut.   


mbl.is Áhættumat bíður næsta fundar
Tilkynna um óviðeigandi tengingu við frétt

Kuldapollurinn á tölvulíkönunum?

Fyrir tuttugu árum var sett fram kenning um þau áhrif loftslagshlýnunar á jörðinni og þungt bráðnunarvatn frá jöklum Grænlands og Íslands myndi valda veiklun Golfstraumsins á nyrsta hluta hans og þar með staðbundna kólnun við Ísland og nyrst í Atlantshafi. 

Svipað kom fram á tölvulíkönum um misjöfn áhrif loftslagshlýnunar á hnettinum. 

Þetta kemur enn fram á tölvulíkönum um áhrif hlýnunarinnar á þessari öld og sjór hefur kólnað syðst á Grænlandshafi, suðvestur af Íslandi. 

Undanfarnar vikur hafa hin miklu hlýindi á meginlandi Evrópu helst átt möguleika á að berast til Íslands með því að berst fyrst norður um Skandinavíu og koma síðan þaðan úr norðaustri til Íslands á sama tíma og svalara loft hefur verið suðvestur af landinu.

Eins og oft áður hafa vísindamenn átt erfitt með að fullyrða um það hvort kólnun veðurfars hér á landi síðustu tvö ár er hefðbundin sveifla, sem oft verður á nokkurra áratuga fresti, eða hvort samhengið sé stærra.  


mbl.is „Þetta er fullkalt fyrir miðjan júlí“
Tilkynna um óviðeigandi tengingu við frétt

Bloggfærslur 16. júlí 2015

Innskráning

Ath. Vinsamlegast kveikið á Javascript til að hefja innskráningu.

Hafðu samband