Lítið sem hundstungan finnur ekki.

Georg konungur Bretlands á stríðsárunum, vann sér aðdáun og virðingu þegna sinna fyrir það hvernig hann brást við loftárásum Þjóðverja og annarri áþján, sem á Bretum dundi í stríðinu og Elísabet dóttir hans og breska konungsfjölskyldan hefur notið þess æ síðan. 

Játvarður bróðir Georgs var hins vegar talinn full stimamjúkur við Þjóðverja en sagði af sér eftir stutta feril í hásæti þremur árum áður en stríð við Þjóðverja braust út. 

Nokkrum mánuðum eftir valdatöku Hitlers, þegar Játvarður er enn prins, festist það á mynd að hann sýnir sjö ára frænku sinni hvernig Þjóðverjar heilsa nýjum þjóðhöfðingja sínum. 

Þess má geta að afmælisdagur Adolfs Hitlers var einum degi á undan afmælisdegi Elísabetar. 

Enginn veit hver alvara bjó að baki þessu eða hver aðdragandinn eða tilefnið var. 

Kannski var tilefnið það að þegnar Hitlers heilsuðu þjóðhöfðingja sínum svona degi fyrir afmælisdag Elísabetar. 

Samt er þetta 82ja ára gamla atvik úr bernsku núverandi drottningar notað til að sverta ímynd hennar, þegar hún er orðin 89 ára.

Íslenskt máltæki segir: Það er lítið sem hundstungan finnur ekki.  


mbl.is Rannsaka nasistakveðju drottningar
Tilkynna um óviðeigandi tengingu við frétt

Stefnt að áfanga í samgöngusögu landsins.

Fyrir hálfum öðrum áratug gerðist það í fyrsta sinn að rafknúnum bíl, Peugeot 106, var ekið hringinn í kringum landið, og tók ferðin sex sólarhringa. IMG_0620

Nú fyrir hádegi hóf Gísli Gíslason að aka Tesla S rafbíl frá Akureyri til Egilsstaða við þriðja mann og ætlar sér að aka hringinn á þjóðvegi eitt á sólarhring og verða sex sinnum fljótari en Peugotinn hér um árið.

Sýnir það hve miklar framfarir hafa orðið í smíði rafbíla og gefur vonir um enn frekari framfarir. 

Nýlega hafa verið um það fréttir á RUV að alger skortur sé á hraðhleðslustöðvum úti á landi og að engin slík sé á leiðinni milli Borgarness og Egilsstaða og Egilsstaða og Selfoss.

Gísli hleður bílinn þar sem hægt er að komast í nægt þriggja fasa rafmagn, en þessi hringferð sýnir nauðsyn þess að koma upp slíkum stöðum.

Á leiðinni milli Mosfellsbæjar og Akureyrar eru tólf bensínstöðvar svo að það ætti ekki að vera ofætlun að hægt sé að hlaða rafbíla á nokkrum stöðum á leiðinni í landi, þar sem raforka frá hreinum orkugjöfum eins og vindorku er á hverju strái.  


mbl.is Virkja íslenska vindinn
Tilkynna um óviðeigandi tengingu við frétt

"Farðu og finndu eitthvað á hann!"

Ofangreind orð virðast vera greypt í huga margra stjórnmálamanna. Í stað þess að setja fram það sem þeir sjálfir telja sig hafa fram að færa er reynt að leita að höggstöðum á keppinautunum og jafnvel settir menn í það verkefni. Tilgangurinn virðist að draga aðra niður til að hefja sjálfan sig upp. 

Ummmæli Donalds Trumps um John McCain eru dæmi um þetta. 

Í þættinum "Vetrarbrautin" á Rás 1 eftir veðurfregnir í fyrramálið mun ég geta um dæmi úr bandarískum stjórnmálum þegar hinn hæfileikaríki tónlistarmaður Bobby Darin hafði hug á að hasla sér völl í bandarískum stjórnmálum. 

Hans nánustu þorðu ekki annað en að upplýsa hann um atriði sem farið hafði leynt en þeir töldu nauðsynlegt að hann vissi um áður en lengra yrði haldið, atriði, sem átti stóran þátt í þeim harmleik sem ævi þessa mikla listamanns varð. 


mbl.is Trump: McCain er ekki stríðshetja
Tilkynna um óviðeigandi tengingu við frétt

Auðvelt að nýta sé reynslu annarra þjóða og dreifa ferðamönnum.

Til eru svæði erlendis sem eru skipulögð þannig, að þar sem ferðamenn vilji upplifa ósnortin víðerni er það tryggt að þeir geti það, en á öðrum stöðum er varðveisla náttúruverðmætanna örugg, jafnvel þótt meira en tvær milljónir manna fari árlega um lítil svæði á borð við Old Faithful. 

Sem eitt af mörgum dæmum má nena, að í efri hluta Þjórsár eru þrír stórfossar, tveir þeirra á stærð við Gullfoss. Auðveldlega mætti auka umferð að þeim og bæta aðgengi að þeim án þess að þar verði örtröð.

En í 17 ár hefur skipulega verið í gangi þöggun um þessa fossa og aðgengi að þeim afar erfitt, af því að stefnan er að virkja þá og veita vatni þeirra frá ánni um Norðlingaölduveitu í stað þess að leyfa þeim að "renna óbeisluðum til sjávar", - en í huga Íslendinga virðast þessi fimm orð "...að renna óbeisluðum til sjávar..." vera ígildi glæps. 

Samt horfum við á Gullfoss sem dæmi um það að enda þótt ekki sé hægt að segja að hann skapi eina einustu krónu í beinar tekjur, er hann svo stór hluti af ímynd Gullna hringsins, að hann skapar miklu meiri tekjur tæknilega óbeislaður heldur en ef þar væri þögult og þurrt gljúfur. 

Um fossinn gildir hugtak, sem kalla mætti "verndarnýtingu" í stað þess að stilla dæminu þannig upp, að einasta mögulega nýtingin sé að virkja hann og taka vatn Hvítár inn í aðrennslisgöng virkjunar. 


mbl.is Massatúrismi af verstu gerð
Tilkynna um óviðeigandi tengingu við frétt

Bloggfærslur 19. júlí 2015

Innskráning

Ath. Vinsamlegast kveikið á Javascript til að hefja innskráningu.

Hafðu samband