Viðleitni til að draga úr hrikalegum mistökum fyrri ára.

Vandræðin sem hrannasta hafa upp við Hellisheiðarvirkjun síðustu árin, urð til í tíð þeirra sem réðu ríkjum í orkumálum landsins og hjá OR fram að Hruni. 

REI-hneykslið bara lítill hluti þess. 

"Túrbínutrixið" var margþætt: Vaðið í allt of stóra virkjun með hreinum rányrkjuhugsunarhætti. Orkan seld fram í tímann í fyrirfram ákveðnu magni, þótt viðbúið væri að hún myndi fljótlega minnka.

Að vísu talað um niðurdælingu en ekki minnst á jarðskjálftahættu, þótt dæmi séu um slíkt erlendis.

Niðurdælingin er vegna þess að mengunin frá virkjuninni er margfalt meiri en sagt var, en samt fullyrt þá og nú að hún gefi "hreina og endurnýjanlega orku.

Því var lofað að það yrði ekkert mál að eyða henni og það kostar jarðskjálft.

Allt þetta lenti í fanginu á þeim sem þurftu að taka við og reyna nú að draga úr afleiðingum ruglsins.

Þeir eiga ekki alltaf sjö dagana sæla.   

Aukin hætta á jarðskjálftum

Vinna nógu margir þarna?

Ef stórlega hefur vantað upp á réttar tölur hjá Hagstofunni varðandi raunverulegan útflutning til Rússlands, er tvennt í stöðunni:  1. Það eru ekki nógu margir í vinnu þarna og sú er ástæðan. 2. Þetta eru mannleg mistök, og þau gerast jafnt hjá litlum sem stórum. 

En það mátti svo sem láta sér detta nr 1 í hug því að ég hef það fyrir satt að við það halda Þjóðskrá eina vinni 90 manns, þar af 14 lögfræðingar. 

Kannski er það ekki nóg og að þar á bæ hafi menn verið að bregðast við atvikum eins og þeim, þegar vinur minn var strikaður út af þjóðskrá og taldist ekki lengur í tölu lifenda. 

Hef áður sagt frá því þegar hann sat í fangelsi í viku fyrir það að segja ekki til nafns, sem hafði verið bókað sem nafn dauðs manns!. 

 

Notuðu rangar tölur

Veit um slæmt slys vegna skorts á merkingum.

Nú liggur fyrir að hjóla þjóðveginn vestur frá Akureyri og eins gott að taka mið af því hve hörmulegar axlirnar og oft óútreiknanlegar eru á vegunum. 

Það er alveg eins hægt að slasast alvarlega á litlu og léttu hjóli eins og stóru og þungu. 

Mér er kunnugt um mjög slæmt vélhjólaslys sem varð fyrir um 12-13 árum vegna þess að það var rétt verið að ljúka við að malbika kafla í röku veðri og malbikið varð flughált eins og svell.

Engar merkingar voru til að aðvara um að yfirborðið væri allt annað á þessum kafla en báðum megin við hann og vélhjólamaður, sem skrikaði og féll í götuna á hjóli sínu fékk svo slæma áverka á ökkla, og hann var svo mölbrotinn, að það kostaði meira en áratug í aðgerðum til þess að reyna að laga hann og hann verður aldrei góður.

Brotið var þannig, að sérfræðingar komu til þess eins að skoða mylsnuna sem áður hafði verið ökkli, - höfðu flestir ekki séð annað eins.

Svona beinbrot sáust fyrst í einhverjum mæli í Fyrri heimsstyrjöldinni, þegar flugvélar steyptust á nefið og pedalarnir mölbrutu ökklana á flugmönnunum.

Á efstu myndinni hér á síðunni, sem ég er að setja inn, er rafreiðhjólið Sörli, þar sem hann stendur upp vegg hjá eiganda sínum Gísla Sigurgeirssyni, sem hefur sett á hann merkilegan og mjög tæknilegan búnað

Þarna er Sörli með allar sínar sjö rafhlöður og reiðtygi hvers konar.

 

Á næstu mynd er gamli Subaruinn minn kominn með Sörla upp í Norðurárdal í Borgarfirði, þar sem Bifröst, Grábrók, Rauðbrók, Hvassafell og Baula blasa við, og á neðstu myndinnni gægst inn til Sörla þar sem hann liggur í makindum og bíður eftir "vegum fjalla nýjum", þremur fjallvegum á leiðinni frá Akureyri til Reykjavíkur, ef ferðin gengur vel.  

„Ástandið er mjög slæmt“