Hið hættulega gildi játninga.

Þegar Gunnari Tryggvasyni leigubílstjórna var banað lágu fyrir lík, morðstaður, morðvopn í fórum hins grunaða og hugsanleg ástæða fyrir morðinu, 

Hann játaði aldrei verknaðinn og var sýknaður. 

Í Guðmundar- og Geirfinnsmálinu lá ekkert af fyrrnefndum gögnum, nema að þar lá játning fyrir, sem síðar var dregin til baka. 

Tveir menn, sem sátu vikum saman í einangrunarfangavist játuðu aldrei, en búið var að brjóta þá svo miður að litlu munaði, eftir því sem þeir hafa síðar sagt frá. 

Nú virðast Sævar Cieselski og þeir hafa haft sams konar gögn sem benda til sakleysis, en játningar Sævars í upphafi skiptu sköpum. 

Það þýðir einfaldlega að það að knýja fram játningar hefur gildi, og það hefur oft reynst hættulegt gildi, þegar litið er á tugi mála erlendis þar sem komið hefur í ljós að játningarnar voru fegnar fram með hörku í yfirheyrslum og reyndust falskar. 

Sagt sanna sakleysi Sævars

Algerlega einstök persóna.

Margir hváðu þegar nafn Dorritar Moussaieff heyrðist fyrst hér á landi og samband hennar við forseta Íslands. 

Bara nafnið eitt og uppruni hennar var nóg til að vekja athygli og umræðu. 

En það tók Dorrit ótrúlega stuttan tíma að vina hug og hjört þjóðarinnar vegna einstæðrar einlægni hennar, hispursleysis og líflegrar, oft óútreiknanlegrar framkomu, sem var oft alveg á skjön við sem tíðkast á því sviði formfestu og þurrpumpu sem umhverfi æðstu embættismanna hættir til að vera. 

Ekkert líkt þessu hafði áður sést á jafn ólíklegum stað og Bessastöðum og ýmsum öðrum stöðum og athöfnum, þar sem Dorritt kom fram. 

Það var mikið happ að þessi yndislega kona skyldi koma til okkar, lífga upp á tilveruna og leggja sinn skerf til að hleypa gleði og umburðarlyndi inn í okkar litla og stundum stirðlega samfélag. 

Dorrit kvödd í myndum

Milljón í Ameríku; ekki einn stubbur,- hundrað sinnum færri á Íslandi; viðbjóður.

Ég hef verið á þremur útihátíðum í Ameríku um dagana þar sem gestir voru milljón í hvert skipti og ekki eitt einasta karamellubréf eða sígarettustubb að sjá alla mótsdagana. 

Hér á landi eru haugar af viðbjóði eftir að 100 sinnum færri gestir hafa komið ef marka má lýsingar mótshaldara af umgengni landans á Flúðum. 

Ef maður vogar sér að minnast á eitthvað svona er maður skammaður fyrir að tala land og þjóð niður sem "ónýta Ísland." 

Samt er ég sannfærður um að það sé hægt að breyta þessu hér úr því að það virðist auðvelt erlendis og ég er að reyna að tala land og þjóð upp sem "Ísland til fyrirmyndar", eins og það var á EM.

Endurskoða þarf mál á Flúðum