"Illa felur eigin slóð..."

"Follow the money", "rekið slóð peninganna," og um það hefur fréttaflutningur fjölmiðlanna snúist síðustu daga. 

Viðskiptaráðherrann frá árinu 2003 harðneitar því að nokkur tengsl hafi verið milli Ólafs Ólafssonar og Framsóknarflokksins á þeim tíma, en nú má heldur betur sjá hið gagnstæða í blöðunum. 

Ef eitthvað misjafnt þurfti að rekja á þessum tímum varð til orðtak hér á landi, hliðstætt við "fylgið slóð peninganna" í Ameríku og "gætið að konunum í spilinu" í Frakklandi, orðtakið "Finndu Finn!" (Ingólfsson).  

Nú harðneitar Finnur, sem var þó lengi vel varaformaður Framsóknarflokksins, öllum tengslum við hinn Framsóknartengda Ólaf, sem reyndar var haldið fram á tímabili í málaferlunum, að hefði verði allt annar Óli. 

Og svo er að sjá að umsvif sumra til að maka krókinn, sem stærstu slóðirnar hafa að fela, hafi sjaldan verið meiri. 

Öll þessi fjölbreytta viðleitni til að fela slóð hér og fela slóð þar minnir á gamlan kviðling sem mér hefur verið sagt að Hákon heitinn Aðalsteinsson hafi kveðið, þessa fínu hringhendu, sem mætti umorða svona: 

Illa felur eigin slóð

auðvalds deli grófur. 

Áfram kvelur okkar þjóð

ágjarn steliþjófur. 

Finnur: „Ég á ekki þetta félag“

Loksins í átt að vitrænni sýn.

Þyrlur hafa marga stórkostlega kosti fram yfir flugvélar, en líka ókosti. Enn ókostur er hve flóknar og dýrar þær eru og að viðhaldið á þeim sé bæði margfalt dýrara og tímafrekara en á svipaðri stærð flugvéla. 

Þess vegna var þyrlusveit varnarliðsins á Keflavíkurflugvelli hér um árið með fimm þyrlur til þess að tryggja að geta sinnt öllumm þörfum og útköllum. 

Á sama tíma hefur ástandið hjá Landhelgisgæslunni verið galið þegar stundum hefur ekki verið nein flughæf þyrla hjá Gæslunni.  Þegar hún verður búin að eignast þrjár þyrlur verður það stórt skref í rétta átt og í áttina að vitrænni sýn, en þó ekki nóg. 

Þrjár nýjar þyrlur á næstu fimm árum

Ekki þægilesta leiðin til "að græða á daginn og grilla á kvöldin."

Það er ekki aðeins skortur á karlmönnum í kennarastörf heldur einnig á karlmönnum, sem ljúka háskólaprófi. 

En gróft yfirlit yfir valdastéttina bæði hér á landi og út um allan heim sýnir, að mestöll völd, auður og áhrif í heiminum liggja hjá hvítum miðaldra samkynhneigðum körlum sem hafa ekki þurft og þurfa ekki að háskólamennta sig til þess að ná hámarksárangri í því "að græða á daginn og grilla á kvöldin", heldur flýta sér eins og hægt er til að byrja að græða, stjórna, deila og drottna.  

Um leið og konur lenda í störfum og menntun, sem gera þær í drjúgum meirihluta á viðkomandi sviði, er talað um það eins og sjálfsagðan hlut að þær "verðfelli" störfin og menntunina og dragi launakjörin niður.

Viðkomandi störf eins og til dæmis í heilbrigðiskerfinu og launakostnaður við þau eru gerð að helstu "vandamálunum" í rekstri þjóðfélagsins. 

Komið verði í veg fyrir kennaraskort

Blindir olíuhagsmunir ráða för.

Rétt eins og steinold og bronsöld fengu nöfn af notkun þessara hráefna, mun tími okkar, sem nú lifum á jörðinni, verða nefndur eftir hráolíunni og kallaður olíuöldin. 

Munurinn er hins vegar gríðarlegur hvað umfang og tímalengd snertir. 

Umfang olíunýtingarinnar er hrikalegt og sömuleiðis línuritið yfir notkunina, sem rís eins og stærðar stólpi upp á þeim blöðum þar sem slíkar tölur verða sýndar grafískt. 

En ekki síður verður brattinn upp og niður athyglisverður, því að olíuöldin verður hvað tímalengd snertir aðeins örstutt brot af þeim tíma sem steinöld og bronsöld tóku. 

Öld jarðefnaeldsneytis hófst með iðnbyltingunni á 18. öld, færðist í aukana með gufuskipunum og járnbrautunum á 19. öld, en síðan óx notkun olíunnar með veldishraða á 20. öldinni og hefur náð hámarki núna. 

Ljóst er, að leiðin hlýtur að liggja niður á við á þessari öld og að olíuöldn verði varla lengri en rúmlega öld. 

Olían er takmörkuð auðlind en skammtímasjónarmið helstu stórfyrirtækja og stórvelda eru svo yfirgengileg og skammtímagróðinn svo mikill, að nú hafa forystumenn tveggja ríkja, sem dýrka jarðefnaeldsneyti öllu fremur, Bandaríkjanna og Rússlands, tekið höndum saman um að sinna í engu varnaðarorðum vísindamanna varðandi afleiðingarnar af því að nú hefur þegar verið dælt svo miklu af koltvísýringi upp í lofthjúpinn, að hann hefur ekki verið meiri í fjórar milljónir ára. 

Og höfin súrna jafnt og þétt með vaxandi afleiðingum fyrir lífríki þeirra. 

Til skamms tíma á Rússland allt undir því að geta grætt sem mest á olíuvinnslu til að bæta upp hinar litlu þjóðartekjur landsins.

Ein af helstu ástæðum falls Sovétríkjanna á sínum tíma var þaulhugsuð flétta Bandaríkjamanna og Sádi-Araba um að auka svo mikið framboð á olíu, að verðið félli og Sovétríkinn yrðu af miklum tekjum af olíuútflutningi.

Olían á engan sinn líka í að stjórna heimsmálunum og hefur í raun gert það síðan um miðja síðustu öld. Skeytingarleysið um afleiðingar á þessari takmarkalaus dýrkun á olíuguðnum er algert.  

Hlýnun jarðar ekki af mannavöldum