Þetta er risavaxið. En hvað var þá Skaftáreldahraun?

Vist er Holuhraun orðið stærsta hraun sem runnið hefur hér á landi síðan á 19. öld. Á flugi framhjá því í morgun flaug margt um hugann.

Fyrst okkur finnst þetta hraun risavaxið eins og mér fannst það í morgun, hvaða lýsingarorð ætti þá að nota um Skaftáreldahraun 1783, sem þakti níu sinnum meira land og var með hraunrennsli sem var mörgum tugum sinnum meira?

Strax á fyrstu dögum Skaftárelda fyllti hraunið eitt stærsta gljúfur landsins og steindrap ána, sem var að nálgast sumarrennsli, á augabragði.

Allt þetta hraun rann á rúmum þremur mánuðum.  

Móðan frá gosinu fór í kringum jörðina og drap milljónir manna í þremur heimsálfum, samkvæmt nýlegum rannsóknum. 

Ætla að skella mynd eða myndum úr ferðinni í morgun á facebook síðu mína. Á þeirri fyrst er horft yfir Jökulsá á Fjöllum og hraunjaðarinn við hana, en nýja hraunið og gosstöðvarnar eru í baksýn..  

 

  

Hraunið frá Holuhrauni er risavaxið

Athugasemdir

[Þorsteinn Briem, 30.10.2014 kl. 18:01]

"Svokallað hr(a)un."

[Ómar Ragnarsson, 30.10.2014 kl. 21:42]

Takk, Steini. ÉG fer á milli hrauna þessa dagana, var á Gálgahraunstónleikum í gær og í Holuhraunsleiðangri í morgun.

[Þorsteinn Briem, 30.10.2014 kl. 23:35]

Glæsilegt!

[Ómar Óskarsson (IP-tala skráð) 31.10.2014 kl. 11:08]

Hvað með STÓRA- hraun, eða litla-HRAUN.