Yfirlætislaus en árangursrík snilld.

Hún var yfirlætislaus, snilldin á bak við markið, sem Eiður Smári Guðjohnsen skoraði til að opna markareikninginn í leiknum við Kasakstan. Það sem hann gerði virtist svo auðvelt en var samt aðeins á færi afburða knattspyrnumanns. 

Hann kom á fullri ferð á hárréttum hraða og tíma til þess að fá draumasendingu til sín, límdi boltann við fótinn og skaut honum í næsta skrefi svo nákvæmlega og hratt að hann rataði á milli varnarmannanna á eina sekúndubrotinu sem þar var opnun, og þaut síðan áfram í bláhornið á markinu, sekúndubroti áður en markvörður Kasaka næði til hans.

Boltameðferð af þessu tagi er aðeins á færi afar fárra, þeirra allra bestu.

"Þessvegna völdum við hann" segir Lars Lagerback.

Jón Óttar Ragnarsson átti gott og gefandi viðtal við Eið Smára í einum þátta sinna á Stöð 2, viðtal við þroskaðan mann, sem nýtir lífsreynslu sína til að reyna að bæta líf sitt og annarra í kringum sig.  

 

Þessvegna völdum við hann

Athugasemdir

[Haukur Kristinsson (IP-tala skráð) 29.3.2015 kl. 09:58]

Markið minnti mig á sigurmark Þjóðverja - Mario Goetze - í Rio.

[Ómar Bjarki Kristjánsson, 29.3.2015 kl. 10:03]

Já.  Trikkið var hve Eiður var hraður á fótnum.  Stoppar boltann með hægri utanfótar og er svo snöggur að taka aukaskrefið.  Þetta er nánast skot í skerfinu.  Þetta er reynslan.  Varnarmaðurinn býst sennilega við að Eiður vilji komast nær markinu, stoppa, leika alveg á varnamanninn og komast vinstra megin.   https://www.youtube.com/watch?v=G65HCZhUNsE

Samt verður alveg að segjast að varnarleikur Kasaksta var ekki uppá marga fiska þó þeir hefðu marga til að sinna varnarhlutverki.  Það kom svo enn betur í ljós stuttu seinna þegar Birkir var al-einn á besta stað í teignum.

[Þorsteinn Briem, 29.3.2015 kl. 10:39]

Eiður fárra lék þar list,
lógískt var þó markið,
allra bestur eftir Krist,
útvalinn í sparkið.