Verið að leika sér að eldinum.

Tyrkland er NATO-ríki og á landamæri að Sýrlandi. Ísrael á líka landamæri að Sýrlandi.

Sýrland er inni í miðri púðurtunnu Miðausturlanda.

Ófriðurinn í Sýrlandi er farinn að minna á gamla írska brandarann um slagsmálin á götunni þar sem  aðvífandi maður segir: "Eru þetta prívatslagsmál eða mega allir taka þátt?"

Og síðan skellir hann sér í slagsmálin án þess að hafa fengið svar.

Í Sýrlandi virðist það sama uppi á teningnum, - allir telja sig hafa rétt til að taka þátt.

Munurinn er bara geigvænlegur stærðarmunur og að heimsfriðurinn er í húfi ef allt fer í bál og brand.

Það sem er að gerast minnir líka óhugnanlega á atburði í Gísla sögu Súrssonar þar sem menn reyndu að vísu að afstýra ófriði og morðum með því að ganga í stórt fóstbræðralag, en það mistókst þegar einn gekk undan jarðarmeninu.

Það varð til þess að allir hinir hrukku frá, einn af öðrum og óumfrýjanlegur harmleikur blasti við.   

Flugu í veg fyrir rússneska þotu

Athugasemdir

[Helgi Armannsson (IP-tala skráð) 5.10.2015 kl. 10:06]

SYRIA: War Of Deception (Ken O'keefe on PressTv) TRUTH BE TOLD!!!  

https://www.youtube.com/watch?v=5-Mc0ySVbxU

[Eyjólfur Jónsson, 5.10.2015 kl. 11:47]

Nú, USA á 17 MIG-29 vélar og þessi var ein af þeim geri ég ráð fyrir eftir skoðun á aðstæðum.

[ls (IP-tala skráð) 5.10.2015 kl. 12:20]

Verð að játa að þó að kaninn hafi keypt 21 svona vélar á sínum tíma, sé ég svakalega efins í að þeir séu þá að nota þær til eihverra stríðaðgerða.

[Hörður Þormar (IP-tala skráð) 5.10.2015 kl. 14:44]

Hvað gerist ef rússneskum flugvélum sem eru að gera árás á ISIS lendir saman við tyrkneskar vélar sem eru að ráðast á Kúrda?

[Þorsteinn Briem, 5.10.2015 kl. 14:51]

Syria conflict: The close ties behind the intervention of Russia - BBC

[Hörður Þormar (IP-tala skráð) 5.10.2015 kl. 15:41]

Það mega Rússar eiga að það er þeim að þakka að hluti af Armeníu er til sem sjálfstætt ríki.