Íslands þúsund ár

16.1.2016 | 23:07

Alcoa: Stórfelld skattaívilnun marga áratugi fram í tímann.

Bjarni Benediktsson kýs að svara ekki gagnrýni Frosta Sigurjónssonar vegna þeirra undanþága frá íslenskum lögum, sem ætlunin er að Innviðafjárfestingabanki Asíu fái frá íslenskum lögum.

Stórfelldar ívilnanir til handa útlendum fyrirtækjum eru útaf fyrir sig ekki nýjung hér á landi.

Í fyrirlestri á fundi í fyrradag greindi Indriði H. Þorláksson fyrrverandi ríkisskattstjóri frá því, að í skattalöggjöf margra ríkja væru ákvæði um hámark vaxtakostnaðar, sem fyrirtæki mættu telja fram sem kostnað, sem drægist frá tekjum þeirra.

Tilgangur þessa takmörkunarákvæðis væri að koma í veg fyrir að fyrirtæki sem ættu dótturfélög, gætu látið eitt dótturfélag sitt lána öðru dótturfélagi svo mikið fé, að lánþeginn losnaði við að borga tekjuskatt.

Hér á landi gildir þessi regla ekki og þess vegna kemst Alcoa upp með það að borga engan tekjuskatt hér á landi, ekki bara núna eða hingaðtil, heldur allan samningstímann næstu fjóra áratugi!

Indriði upplýsti, að íslensk stjórnvöld hefðu í raun gengist fyrir því að í samningnum við Alcoa væri ákvæði sem tryggði það að Alcoa gæti til enda samningstímans bókfært eins miklar vaxtagreiðslur og þyrfti til að losna við að borga krónu í tekjuskatt!

Með öðrum orðum: Löggjarvald Alþingis til að koma í veg fyrir siðlaus undanskot frá tekjuskatti var í raun tekið af þvi!

	Bjarni segir heimild víst liggja fyrir
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Breytt 17.1.2016 kl. 13:23 | Facebook

Athugasemdir

15.11.2015:

Alcoa aldrei greitt skatt hér á Íslandi - Um 57 milljarðar króna farið frá Alcoa í Reyðarfirði til Lúxemborgar

Þorsteinn Briem, 16.1.2016 kl. 23:12

Febrúar 2009:

"Virðisauki af starfsemi stóriðjuvera hér á Íslandi er ekki mikill.

Samkvæmt ársreikningum þeirra álvera sem störfuðu hér á árinu 2007 má áætla að hjá þeim sé virðisaukinn samtals um 25 milljarðar króna, sem svarar til um 1,8% af vergri þjóðarframleiðslu.

Virðisaukinn lendir að 2/3 hlutum hjá erlendum eigendum álveranna en einungis 1/3 hjá íslenskum aðilum, sem svarar til 0,6%-0,7% af þjóðarframleiðslunni.

Virðisauki vegna sölu á aðföngum til stóriðju er að mestu leyti hjá orkusölum en ekki eru tiltækar talnalegar upplýsingar um hann.

Verð á raforku til stóriðju bendir þó til þess að hann sé ekki mikið umfram vaxtagreiðslur orkuveranna sem renna úr landi og viðunandi ávöxtun eiginfjár.

Því eru líkur á að arður af orkulindinni, auðlindarentan, renni nær óskipt til orkukaupendanna, stóriðjuveranna."

Efnahagsleg áhrif erlendrar stóriðju hér á Íslandi

Þorsteinn Briem, 16.1.2016 kl. 23:13

Í gær:

Laun starfsmanna Rio Tinto fryst

Þorsteinn Briem, 16.1.2016 kl. 23:18

21.2.2014:

Landsvirkjun tapaði 4,4 milljörðum króna árið 2013 vegna lækkandi álverðs

Þorsteinn Briem, 16.1.2016 kl. 23:28

Nettóskuldir Landsvirkjunar voru 1. janúar 2013 309,4 milljarðar króna, samkvæmt ársreikningi Landsvirkjunar fyrir árið 2012, andvirði tveggja Kárahnjúkavirkjana.

Þorsteinn Briem, 16.1.2016 kl. 23:29

26.2.2014:

"Fram til ársins 2018 eru afborganir Landsvirkjunar á erlendum lánum áætlaðar um 128 milljarðar króna [andvirði Kárahnjúkavirkjunar].

Langstærstur hluti af handbæru fé fyrirtækisins frá rekstri mun því líkt og síðustu ár fara í að standa skil á afborgunum erlendra skulda."

Áhersla lögð á að lækka miklar erlendar skuldir Landsvirkjunar næstu árin

Þorsteinn Briem, 16.1.2016 kl. 23:30

"Bending all the rules" sagði Valgerður Sverrisdóttir.

Átti hún kannski við skattareglurnar?

einsi (IP-tala skráð) 17.1.2016 kl. 03:03

17.12.2015:

Norðurál þrýstir á lægra orkuverð

Landsvirkjun segir Norðurál sýna mikla hörku og hóta lokun

Þorsteinn Briem, 17.1.2016 kl. 03:16

Til Beijing fór Bjarni fjári,

á bankabólu og bar,

firrtist við Frosti klári,

á fésbók var alveg snar!

Allkói (IP-tala skráð) 17.1.2016 kl. 10:32

Myndi sem sagt borga sig til lengdar, að láta Alcoa fara sinn veg (eins og þeir hóta), og opna t.d. gagnaver sem þurfa mikla orku, og láta þau borga tekjuskatt, án undanskota...