Davíð ræður ekki kjaraákvæðum en má gefa laun sín.

Davíð Oddsson ræður ekki kjarasamningum eða úrskurði Kjararáðs, þótt hann langi til að undirbjóða keppinauta sína á einstæðan hátt, vegna þess að hann kom því svo fyrir með sérstakri og sérsniðinni eftirlaunalöggjöf fyrir sjálfan sig og aðra forystumenn stjórnmálaflokka að þeir nytu yfirburða eftirlaunakjara.

Hann er hins vegar auðvitað frjáls að því að gefa af launum sínum til líknarmála eða annarra mála og er ekkert nema gott um slikt að segja.  

Vill ekki þiggja forsetalaun

Athugasemdir

[Þorsteinn Briem, 15.5.2016 kl. 22:33]

Guðni Thorlacius Jóhannesson fæddist árið 1968, Andri Snær Magnason 1973 og Sigmundur Davíð Gunnlaugsson 1975.

Davíð Oddsson fæddist 1948, er því kominn á ellilífeyrisaldurinn og ætti samkvæmt venju að hætta sem ritstjóri Moggans eftir tvö ár, þegar hann verður sjötugur.

[Þorsteinn Briem, 15.5.2016 kl. 22:59]

Talandi páfagaukurinn í næsta húsi segist ekki ætla að þiggja eftirlaun.

Hins vegar eru engar líkur á að hann verði kosinn forseti Íslands frekar en Davíð Oddsson.

[Hilmar (IP-tala skráð) 15.5.2016 kl. 23:22]

Sem betur fer eigum við vandaða og góða stjórnarskrá, en ekki þennan bastarð sem vinstrimenn vildu í þágu ESB. Hin gamla góða stjórnarskrá okkar er þannig úr garði gerð, að hægt er koma því þannig fyrir, að Forseti geti afsalað sér launum.

En það er nú ekki aðalmálið að þessu sinni, heldur þetta ofboðslega hatur vinstrimanna á Davíð Oddssyni. Maður hefði haldið að gamalmenni eins og Ómar Ragnarsson hefðu þann þroska að losa sig við hatur, en það er nú aldeilis ekki. Gamalt fólk getur greinilega verið eins fordómafullt og hatursfullt og það yngra. Eða eins og maðurinn sagði, ungir skíthælar eldast, og verða gamlir skíthælar.

Tökum dæmi, hér að ofan heldur Ómar Ragnarsson því fram, að Davíð Oddsson hafi einn og óstuddur sett lög um kjör embættismanna, sem hafi á einhver hátt hyglt honum umfram aðra. Nú reynir Ómar Ragnarsson að selja sig sem velmeinandi hgamalmenni, sem gerir ekki flugu mein. En í þessu dæmi hunsar maðurinn þá staðreynd að 63 þingmenn setja lög, og lög verða ekki sett, nema að meirihluti sé fyrir þeim á Alþingi. Og í þessu ákveðna tilfelli, þá minnist Ómar Ragnarsson ekki á vinstrimennina sem samþykktu þessi lög, nema náttúrulega Steingrímur J Sigfússon, sem fór í fjallgöngu daginn fyrir lagasetninguna, svo ekki væri hægt að hanka hann á að hygla sjálfum sér. Varaþingmaðurinn sem kallaður var til, kaus svo að sjálfsögðu með launahækkun til Steingríms.

[Ragna Birgisdóttir, 15.5.2016 kl. 23:23]

Hilmar mættur.,...æði var farin að sakna hans 

[Jónas Kr (IP-tala skráð) 16.5.2016 kl. 10:23]

Hilmar: hvar kemur þetta atriði fyrir í stjórnarskránni? "Hin gamla góða stjórnarskrá okkar er þannig úr garði gerð, að hægt er koma því þannig fyrir, að Forseti geti afsalað sér launum."

Ég held að það sé ólöglegt að vinna launalaust. sjá td hér: "„Bandalagið krefst þess að Elding Whale Watching greiði þeim sem ráðnir verða í umrædd störf að lágmarki þau laun sem kjarasamningar tilgreina sem lágmarkslaun fyrir störf af þessu tagi,“ "

http://www.visir.is/lystu-eftir-serfraedingum-i-olaunud-storf-a-hvalaskodunarbatum/article/2016160429896

Davíð getur gefið laun sín ef hann vill. 

[Ásmundur (IP-tala skráð) 16.5.2016 kl. 10:28]

Hilmar, reyndu nú kynna þér málin í stað þess að bulla svona. Aðeins einn Samfylkingarmaður samþykkti eftirlaunafrumvarp Davíðs. Það var Guðmundur Árni Stefánsson.

Davíð reyndi að blekkja vinstri menn til að samþykkja frumvarpið með því að spyrða við það ákvæði um að formenn flokkanna fengju hærri laun en almennir þingmenn. Hann fullyrti ranglega að breytingarnar á eftirlaununum hefðu lítinn sem engan kostnaðarauka í för með sér fyrir ríkið.

Það er því svo sannarlega ástæða til að kenna þessi lög við Davíð. þau voru sem klæðskerasaumuð fyrir hann.

[Ásmundur (IP-tala skráð) 16.5.2016 kl. 10:36]

Vinstri grænir samþykktu heldur ekki eftrirlaunafrumvarpið svo að það var aðeins einn þingmaður vinstri flokkanna sem samþykkti það en Guðmundur Árni var einn flutningsmanna þess.

[Ómar Ragnarsson, 16.5.2016 kl. 16:16]

Í frumvarpinu var meira að segja sérstakt ákvæði, ef ég man rétt, varðandi þá sem skrifuðu bækur, eins og Davíð hafði sjálfur gert.

[Heimir Lárusson Fjeldsted, 16.5.2016 kl. 18:14]

Berin súr.