"Örnólfur útigangsmaður...", tákn vanda ferðaþjónustunnar.

Í  tilefni af nýggerðu bannskilti á ferðamannaslóðum, sem framtakssamur maður hefur gert og lýst er í  tengdri frétt á  mbl.is,,er sjálfsagt að  blanda sér í umræðuna:

Dugar ei bull eða blaður. /

Burtrekinn er  /

Örnólfur útigangsmaður  /

og útlægur ger.

 

Umgengnin skánar með sóma´og sann, /

svona´á þetta hér að vera. /

Á skiltinu´er alveg skýrt boð og bann: /  

Burt með skítakaraktera!

 

Áður fyrr hér ánægjunni spillti  /

að ösla drulluna á skónum fínum.  /

Því á að breyta, upp er komið skilti  /

að enginn þurfi´að ganga´í hægðum sínum.  / 

 

En ástandið í raun, það er til ama,  /

um það virðist blöðum ekki´að fletta  /

að ansi mörgum er víst drullusama   /

og engu að síður gefa skít í þetta.

 

Hugarfar úr þessu skilti skín  /

og skrýtín rómantík hjá vorri þjóð: /

"Sestu hérna´á hækjur, ástin mín;

horfðu´á sólarlagsins roðaglóð."

„Örnamaður“ ekki í trássi við reglugerð

Athugasemdir

[Már Elíson, 22.7.2016 kl. 11:15]

Frábært - Snöggur varstu að taka á málinu !

[Ómar Ragnarsson, 22.7.2016 kl. 14:15]

Takk. Kannski finnst einhverjum þetta á gráu svæði sem viðfangsefni en í samræmi við eðli málsins verður mér að vera skítsama.

[Már Elíson, 22.7.2016 kl. 19:19]

......!!

[Halldór Egill Guðnason, 22.7.2016 kl. 21:03]

Væri ekki betur við hæfi að kalla hann Örnólf Úrgangsmann, frekar en útigangsmann? Skiltið er stórfínt og "ljóðabálkurinn" hér að ofan einnig.

 Góðar stundir, með kveðju að sunnan.

[Ómar Ragnarsson, 22.7.2016 kl. 23:31]

Kannski Örnólf utangarðsmann?

Og hafa síðustu hendingarnar:

"  Sestu hérna´á hækjur,ástin mín,

horfðu´á sólarlagsins roðaglóð."?

[Halldór Egill Guðnason, 23.7.2016 kl. 01:58]

Já eða.:

" Sestu hérna'á hækjur, ástin mín,

að skíta úti'er "fíling" góð"

Góðar atundir, með kveðju að sunnan.

[Halldór Egill Guðnason, 23.7.2016 kl. 02:00]

 Ipad stafsetning að stríða.