"Bahrain norðursins" síbyljan. Hið ódrepandi Hrunæði.

Í áfergju sinni í að virkja öll helstu ósnortnu náttúruverðmæt Íslands sundur og saman hafa menn farið óravegu fram úr sjálfum sér í áratugi. 

Þegar margumtalaður sæstrengur milli Íslands og Skotlands kom fyrst til umræðu fyrir um tveimur áratugum var skrifað fjálglegt Reykjavíkurbréf um málið á þá lund að "Ísland gæti orðið Bahrain norðursins," og í framhaldinu var farið að ræða um það að orkan væri svo gífurleg, að við Íslendingar gætum stjórnað orkuverði í Evrópu! 

Setið við strenginn sem nokkurs konar ígildi olíufursta í skikkjum með vefjarhetti og deilt og drottnað á meginulandinu! 

Þegar nánar var aðgætt kom í ljós að öll þessi gífurlega orka Íslands var langt innan við eitt prósent af orkuframleiðslu álfunnar! 

En síbyljan holar steininn og enn er fimbulfambað með þetta mál á sömu nótum og ævinlega, og framlag fransks fyrirtækis til strengsins miklað mjög. 

Þegar það er skoðað út af fyrir sig nemur það um einum þúsundasta af kostnaðinum, sem áætlaður er! 

Rætt er um í tengdri frétt að sæstrengurinn gæti gert fyrirhugað kjarnorkuver í Hinkley óþarft. 

Ekki er haft fyrir því að fletta upp hvað það á að verða stórt, en áætlað afl þess verður 3200 megavött eða hátt í fimm Kárahnjúkavirkjanir! 

Sem sagt: Öll núverandi orkuframleiðsla Íslands næstum þrefölduð! 

Það þurfti bankahrun til þess að slæva aðeins tryllingslegar hugmyndir manna um að Ísland gæti orðið Singapúr norðursins. 

En ekkert virðist geta slævt hugsunina um "Bahrain norðursins".

Íslensk eldfjöll hiti upp bresk hús

Athugasemdir

[Már Elíson, 27.11.2016 kl. 14:06]

Enda ber þessi grein öll þau merki að málið er illa ígrundað og lyktar af græðgi. - Ekkert mark á þessu takandi. - Það er eins og að það sé gúrkutíð hjá blaðamönnum sem eru sífellt að magna upp nýja græðgisvæðingu í þessari þykjustu-uppsveiflu sem er á landinu um þessar mundir.

[Ómar Ragnarsson, 27.11.2016 kl. 14:39]

Fjárhæðirnar sem ferðamannasprengingin hefur borið með sér fela að vísu í sér uppsveiflu, en í stað þess að fara þar að með gát og fyrirhyggju með því styrkja undirstöðuna, svo að hún bresti ekki, er kynt upp græðgisknúið gullæði, sem breiðist út um þjóðarlíkamann.

Á tímum síldaræðisins gerði ég lagið "Ég hef aldrei nóg" þar sem reynt var að fanga þennan anda hins takmarkalausa óþols, sem gegnsýrði allt þjóðlífið.

Fjórum árum síðar hafði okkur tekist í góðri samvinnu við Norðmenn að eyða síldarstofninum.

Ekki hafði mig grunað svo skjóta birtingu áhrínsorðanna í lok textans: "..óseðjandi eins og þró...þurrkast út, því ég hef aldrei nóg."  

[Þorsteinn Briem, 27.11.2016 kl. 17:59]

"Aðspurður hvort [raforkustrengur til Bretlands] muni hækka raforkuverð á Íslandi segir [Hörður Arnarson forstjóri Landsvirkjunar] að ekki sé þörf á því en ríkisstjórnin þurfi samt að finna leið til að halda verðinu niðri.

Ef norska leiðin yrði farin yrði orkuiðnaðurinn enn með góð kjör og langtímasamninga en verð til almenna markaðarins væri svo pólitísk ákvörðun.

Gert er ráð fyrir að um 20 ár tæki að greiða upp slíkan streng og endingartíminn yrði um 40 ár."

Lokaskýrsla ráðgjafahóps um lagningu sæstrengs til Bretlands, júní 2013, bls. 20

[Þorsteinn Briem, 27.11.2016 kl. 18:01]

Yfirleitt er ekki hægt að banna útlendingum að dvelja hér á Íslandi eða Íslendingum að veita þeim hér þjónustu samkvæmt samningnum um Evrópska efnahagssvæðið, meðal annars um frjálsa för fólks og frjáls þjónustuviðskipti á svæðinu.

Og Kínverjar sem komnir eru inn á Evrópska efnahagssvæðið, til dæmis til Noregs, geta að sjálfsögðu flogið þaðan hingað til Íslands.

Hins vegar er hægt að meina glæpamönnum sem búa á Evrópska efnahagssvæðinu landgöngu hérlendis.

[Þorsteinn Briem, 27.11.2016 kl. 18:02]

17.2.2016:

"Helga Árna­dótt­ir fram­kvæmda­stjóri Sam­taka ferðaþjón­ust­unn­ar seg­ir að umræðan um fjár­mögn­un innviða ferðaþjón­ust­unn­ar sé á villi­göt­um.

"Hvernig stend­ur á því að stjórn­mála­menn velti fyr­ir sér af hverju þurfi að eyða fjár­mun­um í ferðaþjón­ust­una?," spurði hún á fundi sem Íslands­stofa boðaði til í morg­un um sam­starf og markaðssetn­ingu er­lend­is á ár­inu 2016.

Helga sagði að stjórn­mála­mönn­um ætti að vera ljóst að um góða fjár­fest­ingu sé að ræða sem muni skila sér marg­falt til baka.

Hún nefndi að inn­an 15 ára geti gjald­eyris­tekj­ur Íslands í ferðaþjón­ust­unni numið svipaðri tölu og heild­ar­gjald­eyris­tekj­ur þjóðar­inn­ar eru í dag.

Einnig sagði Helga að áætlað sé að gjald­eyris­tekj­urn­ar í ferðaþjón­ust­unni hafi auk­ist um 100 millj­arða króna frá ár­inu 2013 til 2015.

"Stund­um finnst mér eins og stjórn­mála­menn séu ekki til­bún­ir til að samþykkja þenn­an nýja veru­leika," sagði hún.

"Það þarf að byggja upp innviði fyr­ir þessa at­vinnu­grein eins og aðrar.

Upp­bygg­ing­in nýt­ist okk­ur öll­um vel.""

Umræðan um fjármögnun innviða ferðaþjónustunnar er á villigötum - Framkvæmdastjóri Samtaka ferðaþjónustunnar

[Steindór Sigurðsson (IP-tala skráð) 28.11.2016 kl. 03:59]

Ég lenti á spjalli við þjóðverja fyrir nokkrum árum. Þessi maður er yfirmaður í fyrirtæki sem séhæfir sig í að leggja bæði síma or rafstrengi neðansjávar um allan heim. Þessi maðir sagði mér að það væri ekki hægt að leggja rafstreng til Evrópu frá Íslandi. Aðalástæðuna sagði hann að dýpið væri svo mikið að allir rafstrengir myndu bara pressast í drullu undan fargi sjávarins. Ég þóttist skilja hvað maðurinn var að fara, vegna þess að ég hef tekið þátt í grálúðuveiðum á 500 til 700 faðma dýpi. Þar sem stábobbingar pressuðust í drullu og flotkúlur splundruðust undan fargi sjávarins.

Svo er annað að ég heyrði fyrir stuttu síðan að kaldur kjarnasamruni myndi líta dagsins ljós innan tveggja ára og ef það er rétt þá eru allar virkjanir á Íslandi verðlausar.