18 í einkaþotu? Eða Dash 8 Q400 með lið og áhorfendur?

Lars Lagerback upplýsir að 130 manns vinni við útgerð sænska landsliðsins í knattspyrnu en aðeins 18 við það íslenska, og þess vegna sé það pirrandi að fljúga á almennu farrými og þvælast úr einu tengiflugi í annað. 

"Það fer illa með mann" segir sænski verðlaunahafinn. 

Það fylgir að vísu ekki sögunni hjá Lars hvort allir þeir 130 sem vinna við sænska landsliðið fljúgi í öllum landsliðsferðunum, en miðað við það að knattspyrnuliðið, sem fórst um daginn í Suður-Ameríku, var allt í 80 sæta farþegaþotu sem átti að fljúga til borgarinnar, þar sem úrslitaleikurinn átti að verða, mætti ætla að erlendis sé reynt að fara frekar með leikmenn og aðstoðarfólkið allt í sömu vél sem beinast til borgarinnar, þar sem á að keppa. 

Á Íslandi er ekkert leiguflugfélag, sem býður upp á litlar farþegaþotur. 

Það næsta sem hægt væri að komast væri að fá Dash 8 Q400 á leigu hjá Flugfélagi Íslands í slíkt flug og selja áhugafólki um landsleikina sætin 40-50 sem yrðu laus.  

Þetta eru hraðfleygusu skrúfuþoturnar núna, en samt fjórðungi hægfleygari en þotur. 

Á móti kemur að þurfa ekki að vera að skipta um flugvélar á leiðinni með því leiðindaveseni sem fylgir þvælingnum í gegnum flugstöðvarnar með hugsanlega langri rútuferð í lokin.

Og annar vandi blasir við: Varla fer flugvélin að bíða ónotuð á meðan landsliðið lýkur sér af? 

Þá er eftir sá möguleiki að fá leiguþotu erlendis frá sem fer sérstaklega til Íslands til að sækja liðið ef það kemur allt héðan. 

En þá er spurningin hve oft leikmennirnir koma allir úr sömu áttinni á landsleiksstaðinn. 

Og hve oft það myndi verða þægilegt fyrir liðið að fara allt saman í leiguþotu í ferð frá sameiginlegum brottfararstað í Evrópu. 

Hvernig var til dæmis farið til Kína á mótið þar?

Gaman væri ef einhver rannsókarblaðamaður væri settur í að kafa ofan í þetta. 

Lars elskar Ísland en segir eitt pirrandi við landsliðið

Athugasemdir

[Þorsteinn Briem, 17.1.2017 kl. 00:52]

"Ég hef lært svo mikið á að sjá hvernig 330 þúsund manna þjóð get­ur haft það svona gott.

Það skipt­ir ekki máli hvort það sé hundrað manna þorp, það er alltaf lækn­ir og skóli á staðnum."

[Þorsteinn Briem, 17.1.2017 kl. 00:55]

"Gaman væri ef einhver rannsókarblaðamaður væri settur í að kafa ofan í þetta."

Að sjálfsögðu þarf gríðarlega góðan rannsóknarblaðamann til að hringja í KSÍ og spyrja að hvaða niðurstöðu það hafi komist í þessu máli.

[Ómar Ragnarsson, 17.1.2017 kl. 08:38]

Rannsóknarblaðamaður gerir fleira en að hringja eitt símtal í þann aðila sem málið snertir og stundar kranablaðamennsku. Hann fer ofan í það hvernig þetta er gert erlendis og kynnir sér þær aðferðir sem KSÍ notar.

[Þorsteinn Briem, 17.1.2017 kl. 09:21]

Þú veist sem sagt að KSÍ hafi ekkert kannað þetta mál og hafi engar góðar upplýsingar um það, Ómar Ragnarsson.

Telji menn sig hins vegar geta aflað betri upplýsinga um málið en KSÍ, geta þeir að sjálfsögðu farið út í rannsóknarblaðamennsku.

En fyrst reikna menn að sjálfsögðu með að KSÍ hafi kannað málið ofan í kjölinn, í stað þess að byrja á því að gefa sér að allir séu fífl í KSÍ, eins og þú gerir hér greinilega.

[Ómar Ragnarsson, 17.1.2017 kl. 09:56]

Ég gef það hvergi í skyn að KSÍ sé fífl heldur álpast til að fara að pæla í ummælum Lars. Biðst afsökunar á því að hafa dirfst að gera það. 

[Þorsteinn Briem, 17.1.2017 kl. 10:06]

Hringdu í KSÍ, fáðu þeirra hlið á málinu og birtu svo svarið hér, Ómar Ragnarsson.

[Haukur Kristinsson (IP-tala skráð) 17.1.2017 kl. 11:24]

„130 manns vinni við útgerð sænska landsliðsins í knattspyrnu.“ Er eitthvað vit í þessu? Er þetta eitthvað sem ber að hafa sem viðmiðun? Og ef fótboltakapparnir þola ekki eitt eða tvö tengiflug, þá er það merki um að þeir séu bara slappir, hafa lítið þol, lélega „condition.“

[Þorvaldur S (IP-tala skráð) 17.1.2017 kl. 13:37]

Finnst hér einhver vottur af samvinnulöngun? Eða er rétt að gestir hundþvætti húsráðendum fram og aftur?

Mikil er þolinmæði og langlundargeð sumra.

[Már Elíson, 18.1.2017 kl. 00:04]

Þorvaldur - Þú veist að það er eitthvað að "þessum manni" og líka að það þýðir ekkert nudda í Ómari að úthýsa þessari óværu. Hann biðst bara afsökunar á að skrifa á sínu eigin bloggi ! - Hvað er það ?? - Þvílík tök sem "þessi maður" hefur á Ómari.