"Meiriháttar þorrablót" á Youtube og facebook.

Atvinnurekstur jólasveina er kannski nýr sem formlegur rekstur eins og "Umboðsmaður jólasveina, Skyrgámur", virðist vera, en hann má sjá nefndan á ja.is.

En fyrir um hálfri öld var það bara talsverður rekstur á tveimur jólasveinum, Gáttaþef og Ketkróki, að sinna um það bil 600 jólaböllum samtals á tólf árum og gefa út fjórar jólaplötur, þar af þrjár breiðskífur. 

Síðan var þessum rekstri hætt en þorrablótin voru komin til sögunnar á undan Gáttaþefi og hafa haldið sínu alla tíð síðan. 

Í tilefni af Þorrabyrjun var laginu "Meiri háttar þorrablót"  ýtt á flot á ljósvakanum í flutningi nokkurra Frumherja rokksins og einnig á facebook, en er nú komið á youtube og slóðin er:   

www.youtube.com/watch?v=NixavxrYuLU

Og lagið er líka á facebook síðu minni, en gæði myndar og hljóðs eiga að vera betri á Youtube.

P.S. Við athugun hefur komið í ljós að af einhverjum ástæðum kemst ég ekki inn á lagið á þessari slóð eins og er. Ástæðan er ókunn, en það skotgengur ef slegið er inn:

Youtube. Ómar Ragnarsson: Meiri háttar þorrablót.  

Skoða þetta betur í fyrramálið.

P.S. númer 2:  Mér var send slóðin í athugasemd á facebook og hún opnaði auðveldlega aðgang að laginu á Youtube og aðrir, sem ég hef haft samband við, komast greiðlega inn.   

Umboðsmaður jólasveinsins

Athugasemdir

[Þorsteinn Briem, 24.1.2017 kl. 01:27]

Meiriháttar þorrablót - Myndband

[Halldór Egill Guðnason, 24.1.2017 kl. 05:24]

Ekki gleyma Halldóri Gröndal. Af öllum mönnum ólöstuðum átti hann mestan þátt í endurreisn þorrablótanna, sem vert á Naustinu, áður en hann gekk Guði á hendur. Þar til hann endurvakti þennan forna sið, hafi blótið sem slíkt og áhugi landsmanna á þorranum legið í láginni. Væri vel við hæfi að karlinum þeim væri með einhverjum hætti launuð endurkoman. Hér með auglýst eftir hugmyndum.

 Góðar stundir, með kveðju að sunnan.

[Halldór Egill Guðnason, 24.1.2017 kl. 05:27]

Af öllum mönnum öðrum ólöstuðum, var ætlunin að rita í fyrstu línu.

 Góðar stundir, með kveðju að sunnan.