Hvað næst? Flugliðaafsláttur?

Ef það heitir að "sitja við sama borð og aðrar stéttir" að ríkið borgi sjómönnum ígildi dagpeninga, sem aðrar stéttir fá, gætu flugliðar alveg eins krafist þess að láta ríkissjóð standast straum af "flugliðaafslætti" vegna langrar fjarveru þeirra frá heimilum sínum og vegna gisti- og fæðukostnaðar erlendis. Ef sjómenn væru í vinnu hjá sjávarútvegsfyrirtæki í opinberri eigu ættu þeir að sjálfsögðu kröfu á að fá dagpeninga eða hliðstæða greiðslu hjá viðkomandi fyrirtæki í opinberri eign, ríkis- eða sveitarfélaga og "sitja við sama borð og aðrir ríkis- eða bæjar/borgarstarfsmenn.  

En þeir eru ekki í vinnu hjá hinu opinbera. Þeir eru í vinnu hjá einkafyrirtækjum og ef það á að berja sjómannaafsláttinn gamla í gegn og gera hann að aðalmálinu í vinnudeilunni, sem nú er í gangi, er verið að ríkisvæða sanngjarnar kröfur launþega á hendur einkafyrirtækjum. 

Og ekki bara það. Aðrar hliðstæðar stéttir fengju ekki "að sitja við sama borð", borð ríkissjóðs, nema þær fengu líka samsvarandi "afslátt."  

Sjómenn hafna tilboði SFS

Athugasemdir

[Júlíus Valsson, 14.2.2017 kl. 23:31]

Þú hittir naglann á höfuðið Ómar, eins og vanalega. 

[Þorsteinn Briem, 14.2.2017 kl. 23:53]

Fyrst útgerðarmenn hafa efni á að kaupa stóran hlut í Mogganum eftir að hafa gert Glitni gjaldþrota upp á nokkur þúsund milljarða króna hljóta þeir einnig að hafa efni á að greiða sjómönnum hærri laun sem nemur sjómannaafslættinum, sem er að meðaltali 16 þúsund krónur á mánuði.

Steini Briem, 27.11.2009

[Þorsteinn Briem, 14.2.2017 kl. 23:55]

Útgerðin á að sjálfsögðu sjálf að greiða öll laun sjómanna og hún hefur vel efni á því, í stað þess að láta ríkið niðurgreiða launin og halda því svo fram erlendis að hún fái hér enga ríkisstyrki.

Steini Briem, 27.11.2009

[B.N. (IP-tala skráð) 15.2.2017 kl. 00:04]

,,Dagpeningar ríkisstarfsmanna á ferðalögum innanlands - auglýsing nr. 2/2016

Ferðakostnaðarnefnd hefur ákveðið dagpeninga til greiðslu gisti- og fæðiskostnaðar ríkisstarfsmanna á ferðalögum innanlands á vegum ríkisins sem hér segir:

• Gisting og fæði í einn sólarhring                                                   kr.      25.700

• Gisting í einn sólarhring                                                                  "        14.500

• Fæði hvern heilan dag, minnst 10 tíma ferðalag                        "        11.200

• Fæði í hálfan dag, minnst 6 tíma ferðalag                                    "          5.600

Dagpeningar þessir gilda frá og með 1. nóvember 2016. Jafnframt fellur úr gildi auglýsing nr. 1/2016 dags. 27. maí 2016.

Nefndin fer þess á leit við ráðuneyti og stofnanir að viðmiðunarfjárhæðir um greiðslur dagpeninga um gistingu og veitingar verði kynntar starfsfólki.

Athygli er vakin á að meginreglan er að greiða skal kostnað vegna ferðalaga innanlands, s.s. fargjöld, fæði og gistingu, eftir reikningi. Viðmið ferðakostnaðarnefndar eru hámarksupphæðir vegna greiðslu slíkra reikninga.

Vakin er athygli á því að auglýsing ferðakostnaðarnefndar um dagpeninga er á vefsíðu fjármálaráðuneytisins og er veffangið eftirfarandi: www.fjarmalaraduneyti.is/ferdakostnadur .

Reykjavík, 27. október 2016

                             Ferðakostnaðarnefndin,,

Baldvin Nielsen

[Ragna Birgisdóttir, 15.2.2017 kl. 00:09]

https://indridih.com/audlindir-fiskveidar-2/nidurgreiddur-sjavarutvegur/

[Þorsteinn Briem, 15.2.2017 kl. 00:16]

Þegar undirritaður var á ferðalögum erlendis fyrir Moggann greiddi blaðið kostnaðinn vegna hótelgistingar þar og fæðis á veitingastöðum en ekki ríkið, enda er Mogginn einkafyrirtæki.

[Þorsteinn Briem, 15.2.2017 kl. 00:29]

Gisting eins manns í einn sólarhring á Hótel KEA á Akureyri kostar núna 14.232 krónur.

[B.N. (IP-tala skráð) 15.2.2017 kl. 00:39]

Þá þarf hann sé um ríkisstarfsmann að ræða a.m.k að borga skatt af 268 krónum pr. nótt á hótel KEA ef ég les þetta rétt

Baldvin Nielsen

[Þorsteinn Briem, 15.2.2017 kl. 01:11]

Hef einungis unnið hjá einkafyrirtækjum og á eigin vegum, fyrir utan eitt sumar hjá Akureyrarbæ, en ef viðkomandi starfsmaður ríkisins ræður sjálfur hvar hann gistir gæti hann greitt meira eða minna en 14.500 krónur fyrir gistingu í einn sólarhring.

Ef hann greiðir meira en 14.500 krónur þarf hann væntanlega undir venjulegum kringumstæðum að greiða mismuninn úr eigin vasa en greiði hann hins vegar minna fyrir gistinguna geri ég ráð fyrir að hann þurfi ekki að tíunda það sérstaklega.

Sjómannaafsláttur er hins vegar ekki sama eðlis og greiðsla vegna gistingar á hótelum og fæðis á veitingastöðum hér á Íslandi og erlendis.

[B.N. (IP-tala skráð) 15.2.2017 kl. 06:20]

Á tímamótum

Birtist í Morgunblaðinu 2004 en þá var sjómannaafslátturinn en þá við lýði

 

,,Nú hafa hinir fáu útvöldu tekið a.m.k. 50 milljarða kr. út úr greininni til einkanota með þessari aðferð.

KVÓTAKERFIÐ undir verndarvæng stjórnarliða er að leiða þjóðina út á ystu nöf sjálfstæðis síns efnahagslega og í skjóli þess hrifsa þeir fáu útvöldu til sín eignir og réttindi almennings í landinu. Það er einkennileg tilviljun að þá andstæðu póla á 100 ára afmæli Heimastjórnar á Íslandi skuli bera upp á sama tíma og 20 ára arðrán kvótabraskkerfisins er staðreynd.

Erlendu vinnuafli fyrir utan Evrópska efnahagssvæðið (E.E.S.) er boðið upp á vistarband til að geta viðhaft félagsleg undirboð á vinnumarkaðnum og þeim haldið á lægstu töxtum. En þetta er ekki nóg fyrir þetta sjálftökulið, kvótagreifana, nú skal sverfa til stáls og afnema sjómannaafsláttinn til þess að flæma þessa fáu sjómenn vora sem eftir eru í land.

Örlög sjómannastéttarinnar hjá fiskiskipaútgerðinni munu með þessu áframhaldandi enda eins og með kaupskipin að þau verða næstum eingöngu mönnuð erlendu vinnuafli.''

Ég reyndist hafa haft rétt fyrir mér með sjómannaafsláttinn ef við eigum að tala um hann sérstaklega sjómannaafslátturinn er farinn og kemur líklega aldrei aftur.

Verða íslenskir skattgreiðendur á fiskiskipunum okkar árið 2034 að starfa við svipuð kjör og þau voru árið 2004

Baldvin Nielsen

[B.N. (IP-tala skráð) 15.2.2017 kl. 07:04]

Sjómannaafslátturinn var tekin af eftir hrunið. Í dag fá sjómenn rúmar 1600 krónur á dag í fæðispeninga frá útgerðinni sem eru skattlagðir meðan ríkisstarfsmenn sem dæmi fá 11.200 krónur á dag ef þeir eru minnst 10 tíma í burtu í ferðalagi skattfrjálst.

Sjómenn vilja fá þetta bætt fá hærri fæðispeninga og segja útgerðina eiga að greiða það og ríkið eigi svo í framhaldinu að leyfa sjómönnunum okkar að njóta skattafsláttar á fæðispeningum eins og gert er almennt fyrir aðra í þjóðfélaginu sem dæmi er gert fyrir flugmenn okkar og ríkisstarfsmenn.

Baldvin Nielsen

[ls (IP-tala skráð) 15.2.2017 kl. 09:38]

Flugliðar fá skattfría dagpeninga eins og nánast allir aðrir launamenn (hvort sem er hjá Ríkinu eða ekki) séu þeir að vinna fjarri heimilum.  Sjómenn vilja að sömu reglur gildi um þá.

Það er hins vegar greinilegt að sumir vilja vera jafnari en aðrir.

[Þorsteinn Briem, 15.2.2017 kl. 09:43]

"Dagpeningum sem greiddir eru vegna ferðalaga launamanna á vegum launagreiðanda er ætlað að standa undir kostnaði launamannsins vegna fjarveru frá heimili sínu, s.s. gisti- og fæðiskostnaði og öðrum tilfallandi kostnaði sem af ferðinni hlýst.

Heimilt er að færa frádrátt á móti dagpeningum sem launamaður hefur fengið greidda frá launagreiðanda sínum þegar öll eftirfarandi skilyrði eru uppfyllt:

• Dagpeningarnir voru greiddir vegna tilfallandi ferða á vegum launagreiðanda.
  
  

• Dagpeningarnir voru greiddir vegna ferða utan venjulegs vinnustaðar.
  
  

• Launamaðurinn hefur sannanlega greitt ferðatengdan kostnað samkvæmt reikningi og geti sýnt fram á það.
  
  

• Að fyrir liggi í bókhaldi launagreiðanda, sem og launamanns, gögn um tilefni ferðar og fjölda dvalardaga, fjárhæð ferðapeninga eða dagpeninga, svo og nafn og kennitala launamanns.

Á hverju ári eru settar reglur um hámark frádráttar frá dagpeningagreiðslum. Reglurnar eru birtar í skattmati.

Heimill frádráttur getur þó tekið breytingum á tekjuárinu og eru þær í samræmi við ákvörðun Ferðakostnaðarnefndar ríkisins um dagpeninga ríkisstarfsmanna á ferðalögum innanlands og erlendis.

Ekki þarf að draga staðgreiðslu frá dagpeningunum ef greiðslurnar eru ekki hærri en ákvörðun ferðakostnaðarnefndar segir til um á hverjum tíma.

Séu þær hærri ber að halda eftir og standa skil á staðgreiðslu af mismuninum."

[Þorsteinn Briem, 15.2.2017 kl. 09:49]

Ómar Ragnarsson 27.11.2009:

"... það er slæmt að þessi svonefndi "afsláttur" skuli vera nefndur "sjómannaafsláttur", því að upphaflega var hann settur á til að leysa kjaradeilu og létta undir með útgerðarmönnum.

Fyrir bragðið gátu þeir borgað sjómönnum lægri laun en ella.

Þessi afsláttur ætti því að heita "útgerðarmannaafsláttur" og umræðan um hann að vera á þeim nótum."

[Þorsteinn Jónsson (IP-tala skráð) 15.2.2017 kl. 10:34]

Baldvin Nilsen skilur náttúrulega ekki dagpeninga frekar en nánast nokkur annar í þessu máli. Ríkisstarfsmenn og líka starfsmenn almenna markaðarins fá dagpeninga vegna tilfallandi ferða á vegum vinnuveitanda utan fastrar starfsstöðvar. Þeir þurfa svo sjálfir og starfsmenn einkageirans að borga fæðið og gistinguna úr eigin vasa. Þetta er í samræmi við Prússnesku skattaregluna frá nítjándu öld.

Þúsundir ríkisstarfsmanna fá greidda fæðispeninga eins og sjómenn á sínum föstu starfsstöðvum og borga fulla skatta af þeim.

Ef að ríkið á að fara að borga einhvern bónus á laun sjómann með ríkisstyrkjum þá hlýtur það að verða krafa opinberra starfsmann í næstu kjarasamningum að veiðigjöld verði hækkuð til að borga bónus á laun ríkisskarfsmanna. Það er fullkomlega rökrétt.

[ls (IP-tala skráð) 15.2.2017 kl. 11:30]

Af hverju fá flugliðar skattaafslátt af sínum fæðispeningum en ekki sjómenn?

[Þorsteinn Jónsson (IP-tala skráð) 15.2.2017 kl. 11:46]

Það er nefnilega málið "ls" ég er alveg sammála því. Ætli að sé ekki út af því að það eru kjeddlingar sem sitja í þessum ríkisstjórnum sem eru alltaf að reyna að spila sig vinsæla hjá flathyggjuliðinu.

Ef þetta væru menn með bein í nefinu sem stjórnuðu landinu þá væru þessir dagpeningar náttúrulega teknir af flugmönnum og flugfreyjum. Reglubundið áætlunarflug á milli landa getur ekki talist tilfallandi ferð á vegum vinnuveitanda þegar starfsemin einfaldlega fellst í þessu.

[ls (IP-tala skráð) 15.2.2017 kl. 13:11]

Það er víst yfirskattanefnd eða eitthvað svoleiðis sem ræður þessari túlkun.

Hins vegar færi það vel saman við tilgang skattaafsláttarins að þessar stéttir fengju þennan afslátt. fyrirvarinn um reglulega starfsöð er aðallega hugsaður þegar maður vinnur í Reykjavík en kýs sjálfur að búa í Keflavík. Þá er óeðlilegt að fá dagpeninga sem nytu skattaafsláttar.

[Þorsteinn Briem, 15.2.2017 kl. 16:38]

Í dag:

Skattlagning fæðis- og dagpeninga - Fjármálaráðuneyt­ið

[Jóhann Kristinsson, 15.2.2017 kl. 19:49]

Það er alveg sjálfsagt að flugliðar fái skattafslátt eins og sjómenn, ég er uppgjafa flugliði og hefði ekkert haft á móti skattaafslætti. Enda eru til hellingur af peningum hjá ríkinu, það hafur vinstraliðið tjáð mér í ræðu og riti þegar er spurt út í kostnað fyrir hælisleitendur og sumir sjallar.

Kveðja frá Houston