Fjölhæfnin skilar miklu.

Því blandaðri sem bardagaíþróttin er, því meira máli skiptir fjölhæfni. 

Fyrirfram var talað mest um það að Gunnar væri sterkastur í gólfinu og að því lægju möguleikar hans að komast í færi við andstæðinginn þar. 

En að sama skapi reyndu helstu andstæðingar hans að forðast að láta slíkt gerast, héldu sig í hæfilegri fjarlægð og beittu hnefahöggum eða fótaspörkum. 

Í bardaga Gunnars kom hins vegar vel fram, að hann hefur náð góðum tökum á hnefaleikasviðinu, bæði í vörn og sókn. 

Hann sýndi viðbragðsflýti, snerpu og fótafimi þegar hann vék sér eldsnöggt undan höggi Alans Joubans og gaf honum í framhaldinu beint og þungt hægri handar högg sem hitti í mark. 

Gaman væri ef Gunnar þjálfaði upp færni í að gefa svokölluð gagnhögg, sem eru slegin sekúndubroti eftir að mótherjinn slær sín högg. 

Hvað um það, áhrif höggsins voru um sekúndu að komast niður í fæturna á Jouban, sem misstu allan mátt svo að hann féll í strigann. 

Gunnar gaf honum eldsnöggt spark til að búa enn betur í haginn fyrir að gera atlögu í gólfinu þar sem ekki þurfti að spyrja að leikslokum. 

Nú verður æ skemmtilegra og meira spennandi að fylgjast með Gunnari. 

Hann hefur sýnt flesta bestu hæfileika góðs íþróttamanns í undirbúningi sínum, er hugsandi og skynsamur, flottur á skrokkinn og með úthugsaða og þaulæfða bardagaaðferð, sem skilaði sér svo sannarlega. 


mbl.is Gunnar gæti barist við þann næstbesta
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Halldór Jónsson

Ég sá ekki fyrrfi lotuna. En þetta finnst mér hárrétt greining Ómar, Gunnar hefur bætt sig rosalega í boxinu og þarna borgaði það sig upp, Þetta var rosalega flott hjá honum. Hvað drengurinn var yfirvegaður og góður á taugum skipti sköpum. 

Halldór Jónsson, 20.3.2017 kl. 02:39

2 identicon

Jú, jú, köllum þetta íþrótt. Til að ná "árangri" þarf kraft, þol og mikla þjálfun. En ógeðsleg er þessi íþrótt og primitive.

Haukur Kristinsson (IP-tala skráð) 20.3.2017 kl. 08:47

3 Smámynd: Jón Þórhallsson

Í mínum augum eru þetta bara handahófskennd slagsmál en ekki íþrótt.

=Þarna eru slæmar fyrirmyndir á ferð:

-----------------------------------------------------------------

Ég myndi frekar mæla með viðurkenndum KARATE-FÉLÖGUM: 

http://thjodarskutan.blog.is/blog/thjodarskutan/entry/2182961/

Jón Þórhallsson, 20.3.2017 kl. 10:39

4 Smámynd: Ómar Ragnarsson

Ekki vantar dóma sjálfvitanna á íþróttum á samfélagsmiðlunum. 

Blönduð bardagalist:  Handahófskennd slagsmál. 

Golf: Deyjandi tómstundaiðja, fitl og snobb ríka fólksins. 

Rallakstur: Átakalaust dútl undir stýri. 

Ómar Ragnarsson, 20.3.2017 kl. 11:17

5 identicon

Um það sem kallað er mma þarf ekki frekari fjöllun en hér kemur fram:

http://stormsker.blog.is/blog/stormsker/entry/2192609/#comments

Þorvaldur S (IP-tala skráð) 20.3.2017 kl. 19:57

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband