Kirkjugarðar eru mikilvæg græn svæði. Margnota kistur?

Kirkjugarðar taka að sönnu mikið rými og á þessari bloggsíðu hafa áður verið reifaðar hugmyndir um breytta tilhögun við greftrun, sem fæli að vísu ekki í sér brennslu, heldur umhverfisvænni notkun á líkkistum og minni grafir. 

Í stuttu máli felst hugmyndin í því að vefja líkið inn í vistvænan poka og nota margnota kistur, sem væru með opnanlegum botni á hjörum, þannig að eftir að allir væru farnir frá gröfunni, kæmu starfsmenn kirkjugarðsins, losuðu botninn, sem sérstök taug lægi í, hífðu kistuna upp og mokuðu mold ofan á likpokann. 

Með þessu væri komist sem næst moldunartextanum "af jörðu/moldu ertu kominn..." og sparaður trjáviður. 

Nýtt kirkjugarðsstæði í hlíð Úlfarsfells er ágæt hugmynd hvað varðar það, að ekki er heppilegt við íslenskar aðstæður að hafa íbúðabyggðir í miklum bratta að vetrarlagi. 

Kirkjugarðar geta verið ágæt svæði til útivistar, svo framarlega sem gengið er um þá af hljóðlátri virðingu. Og frá komandi kirkjugarði í hlíð Úlfarsfells yrði prýðis útsýni. 

Á legsteinunum má stundum ráða í ákveðna sögu, svo sem í áletrununum  "Hér hvíla hjónin...." eða þegar lítið barn hefur fengið legstað hjá fullorðnum. 

 

Nýr kirkjugarður mótaður í Úlfarsfelli

Athugasemdir

[Þorsteinn Briem, 18.4.2017 kl. 12:42]

Framsóknarflokkurinn og flugvallarvinir verða grafnir í mold af Hlíðarendasvæðinu.

[Arnar Guðmundsson (IP-tala skráð) 18.4.2017 kl. 15:05]

Það er ágætt að velta því fyrir sér hvar látnir eiga að liggja. Gufuneskirkjugarður var tekinn í notkun fyrir u.þ.b. 40 árum og fer senn að verða fullnýttur. Hann er á einum skjólsælasta stað Grafarvogshverfisins og þekur álíka stórt svæði og allt Húsahverfið. Ég fer oft um og framhjá þessum garði, og undrast alltaf þá sömu staðreynd sem kemur upp í hugann á þeirri leið, hversu margir lifendur hefðu getað átt þar sitt líf, þó ekki væri nema þann tíma sem tekur að fullnýta hann. Segjum fimmtíu ár. Og, n.b. þar verða engin kynslóðaskipti. Það má því segja að ef þessi aðferð verður notuð áfram, að jarða fólk í kistum, sé ekki góð nýting á landi sem hentar vel til íbúðabyggðar. Endurskoðun á greftrunarmálum í þéttbýli er þannig í raun íbúamál.

[Jósef Smári Ásmundsson, 18.4.2017 kl. 17:48]

Er ekki bara málið að láta fólk snúa upside down til að nýta plássið betur?

[Þorvaldur Sigurdsson (IP-tala skráð) 18.4.2017 kl. 21:12]

Að hvaða leyti minnkar plássið sem menn þurfa ef þeir liggja á grúfu?

[Már Elíson, 18.4.2017 kl. 23:24]

Hann meinar nú "uppréttur" eða þá með hausinn niður....Les ég út úr þessu.

Mér hefur sjálfum dottið það í hug sem plásssparandi dæmi en það þarf þá reyndar dýpri holu.- Jæja, þetta verður bara svona áfram. - Ég var að heyra það á dögunum að sumar kistur væru nú frekar niðurbrotslegar í reyndinni og lokið þannig gert að það brotni og falli niður tiltölulega fljótt.

Maður heyrir nú svo margt.