"Nú er besta barnið sótt..." "Höfum í búri einn skeggjaðan..."

Nýjasta tækni gerir það mjög ólíklegt að mannkynið geti dáið út vegna ófrjósemi, eins og greint er frá í tengdri frétt á mbl.is. 

Nefna má tvö ljóðræn dæmi í þá veru að sefa áhyggjur. 

Þegar fyrsta íslenska konan átti viðskipti við danskan sæðisbanka var því slegið upp sem stórfrétt í DV hve vel hún lét af þessum viðskiptum sínum. 

Séra Emil Björnsson var þá fréttastjóri og var slyngur hagyrðingur. 

Á fréttafundi kastaði hann fram þessari stöku: 

 

Hreðjum Íslands hrakar ótt

hermir konan unga. 

Nú er besta barnið sótt

beint í danska punga. 

 

Í tví- og kappsöng kvenna og karla hér um árið á skemmtunum hjá mér flugu skeytin á milli kynjanna í fjöldasöngnum "Kynin kljást". 

Viðureignin var tvísýn þar til konurnar gripu til úrslitaráðsins, svo hljóðandi:  

 

Með frjóvgunartækninni öruggt það er 

að úrelta gerum við karlana hér.  

Við höfum í búri einn skeggjaðan skarf

og skreppum í ísskápinn ef að með þarf.

 

Þegar fyrsta 

 

Mannkynið gæti dáið út

Athugasemdir

[Þorsteinn Briem, 26.7.2017 kl. 17:52]

Það er ekki ónýtt fyrir Framsóknarflokkinn að eiga gamla afganga í frystinum.

[Ragna Birgisdóttir, 26.7.2017 kl. 18:35]

Ósýnilegann danskann framsóknarmann,

fullorðinn barnungann feitann,

mætti ég þá heldur biðja um hann

sýnilegann,íslenskann og heitann :)

[Ómar Ragnarsson, 26.7.2017 kl. 19:06]

Hagorðum íslenskum hrakar ei ótt...?

[Ragna Birgisdóttir, 26.7.2017 kl. 20:30]

Haha..með ráðum gert Ómar minn, er búin að vera að lesa skáldsögur Halldórs Laxness og málfræði snillingsins fer í taugarnar á mér....en sögurnar frábærar.Leirburður minn hér að ofan er bara til gamans gerður ;)

[Þorvaldur Sigurdsson (IP-tala skráð) 27.7.2017 kl. 09:51]

Hver er munurinn á málfræði Halldórs og okkar hinna?