Vantar fjölbreytni í afþreyingu í stórmörkuðum.

Það getur verið heilmikið fyrirtæki og tímafrekt að fara í stórmarkaði og skoða varning og kaupa sumt, en hafna öðru. 

Ég er einn þeirra sem hef ekki mikið gaman að sliku, fór til dæmis ekki í Bauhaus fyrr en fimm árum eftir opnun og hef aldrei farið í Costco. 

Í utanlandsferðum getur verið á ferð saman fólk með mismunandi þarfir gagnvart verslun og stórmarkaðarölti. 

Þá getur það verið ákveðin millilending, að þair í hópnum, til dæmis einn í ferð tveggja hjóna, finni sér eitthvað smálegt að narta í og setjist niður við vinnu sína eða annað grúsk á meðan hinir ganga um og versla. 

Síðan er ákveðið að hittast eftir á ákveðnum stað á ákveðinn tíma, til dæmis tveimur klukkustundum eftir inngöngu, og taka stöðuna. 

Stundum tekur mislangan tíma fyrir einstaka aðila að búðarferðinni að finna það sem kaupa á, og einnig verslað á mismunandi stöðum í verslanamiðstöðinni. 

Það geta ekki allir verið a ferð með öllum, og því oft hentuggt að skipuleggja verslunarlabbið og hittast á ákveðinni stund og stað. 

En hvernig sem þessu er varið, er þörfum gesta yfirleitt afar illa sinnt í stórmörkuðum hvað snertir það að geta sest niður sem víðast. 

Þessu þarf að breyta, og dálítið skondið, að það skuli vera í sjálfu kommúnistaríkinu Kína,sem menn verða fyrstir til að sinna einstakleingsþörfum af þessu tagi. 

Bjóða karlaklefa fyrir kaupleiða eiginmenn

Athugasemdir

[Þorsteinn Briem, 30.7.2017 kl. 00:19]

Í verslunarmiðstöð eða miðbæ fara menn einfaldlega inn á kaffihús eða matsölustað, kaupa þar eitthvað, til að mynda ávaxtasafa eða kaffi, tengja fartölvuna við Netið og byrja þar að brima, gapa eða leika sér í einhverjum tölvuleik.

En nískir menn eins og þú, sem láta þar að auki eiginkonuna kaupa á sig öll föt eins og smábarn, læsa sig þar inni á salerni með fartölvuna í nokkra klukkutíma og senda svo "pródúktið" á Netið, Ómar Ragnarsson.

[Ómar Ragnarsson, 30.7.2017 kl. 08:33]

Hvaðan hefur þú það að ég "læsi mig inn á salerni með fartölvuna í nokkra klukkutíma" stórmörkuðum?

Hvers vegna þarf maður að lesa svona skrif jafnvel daglega hér á síðunni?

Það fer senn að vera ólíft fyrir mig að halda úti þessari bloggsíðu þegar umræðan er af tveimur  mönnum dregin niður á þetta plan. 

Þegar í ofanálag er í framhaldi af svona rógi talað niður til þess sem ég skrifa með notkun gæsalappa vaknar spurningin, hvort ekki sé nær fyrir rógberann að stofna sína eigin bloggsíðu sjálfur úr því að hann er svona miklu betur fær til að skrifa og halda úti slíkri síðu. 

Og lofa mér að vera í friði fyrir álognum sökum og í friði með mitt "pródúkt."

[Már Elíson, 30.7.2017 kl. 17:14]

Ekki rétt Ómar - Svona illa innrætta karaktera, sem einokað hafa þessa ágæti síðu þína, og dregið niður á lagt plan, getur þú gert burtræka með einu pennastriki. Þ.e., einni aðgerð. Drífðu bara í því og losaðu þig við þetta fárveika fólk. - Síðan er þín.

[Ómar Ragnarsson, 30.7.2017 kl. 21:20]

Því miður hafa allar tilraunir mínar til þess að koma síðu minni upp úr þessu fari misheppnast, því að þessir tveir menn hafa jafnvel haldið sér vakandi heilu næturnar til að skipta aftur og aftur um IP-tölur eða að copy paste sömu athugasemdirnar og þannig gert mig burtrækan frá stjórn minnar eigin síðu.

Þeir hafa meira að segja sakað mig um að beita þá ofbeldi með með stórlega ámælisverðri ritskoðun,  ef ég dirfist að fara eftir þeim reglum, sem veiting mbl.is hafa sett um bloggsíður.

Þeir telja sig hafa rétt á að viðhalda allt að 26 athugasemdum í röð til að kaffæra jafnvel stutta bloggpistla mína.

Annar þeirra hefur sjálfur játað að hann sé að berjast á móti "lygum, rangfærslum, hugarórum og elliórum mínum" mínum sem "sýni mitt rétta innræti.

Sem sagt: Í heilagri baráttu við úrþvættið mig.

Þetta er algerlega persónulegt hjá honum og skrif hans á netinu beinast nær eingöngu að mér einum.

Ég minnist þess ekki að hann hafi skrifað eina einustu jákvæða athugasemd eða setningu hér á síðunni árum saman.  

Hinn skrifar eingöngu á mína síðu en ekki bloggsíður neinna annarra svo séð verði, og má sem dæmi nefna um málefni, sem fær hann til að moka athugasemdahaugum sínum svo hundruðum skipta nemur á síðu mína, flugvallarmálið, að hann hefur aldrei svo ég viti skrifað eina einustu athugasemd síðustu tíu ár við bloggskrif annarra áhugamanna um flugvallarmálið, og er þó af nógu að taka.

Eina leiðin til að ná stjórn á síðunni er að gera það sem þessir menn láta óátalið hjá öðrum bloggurum, að aðeins verði birtar athugasemdir hér á síðunni, sem ég hef samþykkt eftir að þær berast mér.

Það drepur að vísu niður tempóið og frískleikann á síðunni, því að það bitnar á öllum sem senda inn athugasemdir.

Nú er ég í leiðangri og verkefni þar sem ég ætla ekki að láta þessa tvo menn festa mig við að fást við róg þeirra og illmælgi, og hef í nógu að snúast í næsta leiðangri á eftir þessum, en þar á eftir verður loksins íhugað alvarlega að taka í taumana.

[Már Elíson, 30.7.2017 kl. 22:52]

Það líst mér (öllum) vel á - Þetta er ómögulegt að búa við. Ég held þeir hafi bara gengið á lagið þegar að þeir voru/eru ekki blokkeraðir út. - Talaðu við einhvern sem þekkir vel til, og kann að aðstoða þig við að eyða svona óværu - Þá verður aftur gaman á síðunni  Gangi þér vel.