Kirkjuleiðtogar 500 milljóna manna gegn sérgræðginni.

Á ráðstefnunni Arctic Circle í dag flutti yfirmaður Orthodox kirkjunnar í Constantinópel, sem talar fyrir kirkjudeildiur með 500 milljónir manna innanborðs, ályktun Alkirkjuráðsins sem samþykkt var á Lögbergi á Þingvöllum í í morgun og undirrituð þar, þar sem kennimenn kristinna kirkna um allan heim eru hvattir til að taka afstöðu í umhverfismálum. 

Myndirnar hér á síðunni eru frá Þingvöllum og Hörpu i dag, en á Þingvöllum lásu fjórir fulltrúar yfirlýsinguna. DSCN9082

Það er mikilvægt stórt og fréttnæmt skref bæði á alþjóðlega vísu og hér á landi þegar fjölmennar og áhrifaríkar trúarhreyfingar taka höndum saman í mikilvægustu málum samtímans og framtíðarinnar.

Alkirkjuráðið hefur innan sinna vébanda kristið fólk allt frá Alaska og Samahéruðum Norðurlanda til Fijieyja í Eyjaálfu.  

Fjölmiðlar og margir aðrir áhrifaríkir aðilar virðast hins vegar ekki skynja þetta, og gott dæmi er fréttaflutningur og pistlaskrif, sem líta á Arctic Circle eingöngu út frá sjónarmiðum sérgræði, sem til dæmis endurspeglast í slagorðum á borð við að ráðstefnan snúist eingöngu um það sem við Íslendingar gægum grætt mest á, ný tækifæri til þess að láta norræn lönd blómstra. DSCN9072

Í dag var hins vegar ekki annað að heyra en að aðalverkefni ráðstefnunnar sé að benda á þá ógn sem stafar af hlýnun lofthjúpsins um víða veröld og til dæmis hið beina samhengi á milli þess að bráðið vatn frá jöklunum hækki yfirborð sjávar hinum megin á hnettinum og muni jafnvel færa í kaf heimkynni tuga eða jafnvel hundraða milljóna manna.DSCN9087

Þess vegna sé mannkynið að falla á tíma við að takast á við vandann.  

 

P. S.  Af hverju þarf að þýða "running out of time" hrátt upp úr enskunni: "...renna út á tíma"?

Hingað til hefur nægt að segja á ísleDSCN9099nsku: "falla á tíma."DSCN9085


mbl.is Erum að renna út á tíma
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Þorsteinn Briem

"... eða jafnvel hundruða milljóna manna."

Hér eru hundruð, um hundruð, frá hundruðum til hundraða.

Sem sagt: ... eða jafnvel hundraða milljóna manna.

"Í fleirtölu er nefnifallið ekki hundruðir, þolfallið ekki hundruði og eignarfallið ekki hundruða."

Hundrað - Málfarsbankinn - Árnastofnun

Þorsteinn Briem, 13.10.2017 kl. 23:14

2 Smámynd: Þorsteinn Briem

"... yfirmaður Orthodox kirkjunnar ..."

Á íslensku myndi það vera "Rétttrúnaðarkirkjunnar".

Rétttrúnaðarkirkjan

Þorsteinn Briem, 13.10.2017 kl. 23:41

3 Smámynd: Ómar Ragnarsson

Takk, Steini, fyrir að benda á þessa innsláttarvillu, en því miður líður stundum drjúgur tími frá því að maður leiðréttir svona þangað til leiðréttingin kemst inn. 

"Það sem að helst hann varast vann / varð þó að koma yfir hann." Ég hef varla tölu á þeim skiptum sem ég hef verið að berjast gegn orðinu "hundruðir", sem sí o æ er notað af fjölmiðlafólki. 

Ómar Ragnarsson, 13.10.2017 kl. 23:42

4 Smámynd: Ómar Ragnarsson

Heitið Rétttrúnaðarkirkja hefur vafist svolítið fyrir mörgum, því að í heitinu felst að trúnaður þessarar kirkju sé réttari en trúnaðar annarra kirkjudeilda. 

Orðið "orthodox" þýðir allt eins "hefðbundinn" eða "bókstaflegur" og "orthodoxy" er þýtt bæði sem "rétttrúnaður" eða "bókstafstrú." 

Í fréttatilkynningum frá Biskupsstofu hefur því verið gripið til þess ráðs að þýða ekki erlenda heitið. 

Ómar Ragnarsson, 13.10.2017 kl. 23:52

5 identicon

Orthodoxy er úr grísku; ὀρθοδοξία, og þýðir “rétt skoðun”. Orthodoxy þýðir ekki hefðbundinn eða bókstaflegur.

Haukur Kristinsson (IP-tala skráð) 14.10.2017 kl. 00:07

6 identicon

Orthodoxy er úr grísku "ὀρθοδοξία" og þýðir rétt skoðun. Orthodoxy þýðir ekki hefðbundinn eða bókstaflegur.

Haukur Kristinsson (IP-tala skráð) 14.10.2017 kl. 00:24

7 identicon

Sæll Ómar.

"...eða jafnvel hundraða milljóna manna."

Betra er þetta svona: "...eða jafnvel hundruð milljóna manna."

Orðið hundrað er hvorugkyns nafnorð í setningunni
og "miljóna manna" er eignarfallseinkunn; orðið
hundrað stendur í nefnifalli ft. og á eftir fer svo
eignarfallseinkunnin.
Eignarfallseinkunn á jafnan við nafnorð í nefnifalli.

Húsari. (IP-tala skráð) 14.10.2017 kl. 01:12

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband