"Eðlilegt" það sem þurfti að breyta ?

Jóhanna Sigurðardóttir flutti árum saman sömu tillöguna um að hér á landi yrðu teknar upp svipaðar reglur um stuðning við stjórnmálamenn og flokka og tíðkast víða erlendis til að koma í veg fyrir hagsmunatengsl og spiilingu.

Þetta féll í grýttan jarðveg hjá flokkum og stjórnmálamönnum sem hafa haft bestan aðgang að fjármagni.

Loks fór þó svo að ekki varð lengur streist á móti því að gera þessi mál svipuð hér á landi og annars staðar. Rökstuðningurinn fyrir ríkisstyrk til stjórnmálaflokkanna og takmörkun á upphæð styrkja frá öðrum var sá að með því væri komið í veg fyrir óeðlileg hagsmunatengsl styrktaraðila og þiggjenda og hamlað gegn tortryggni og vantrausti sem hið gamla fyrirkomulag hafði í för með sér og var hvati að spillingu.

Þessi rök að ofurstyrkir til flokka og frambjóðenda séu óeðlilegt fyrirkomulag stangast alveg á við skilning Guðlaugs Þórs þess efnis að þetta hafi verið eðlilegt.

Segir 40 aðila hafa styrkt sig

Athugasemdir

[Kristján Sigurður Kristjánsson, 23.4.2009 kl. 12:21]

Menn og konur verða að skoða í hvaða umhverfi Jón Ásgeir veitti nefnda styrki. Í áratug á undan hafði hann mátt sæta ofsóknum ríkisvaldsins. Gagnrýnendur geta ekki látið eins og ekkert hafi verið að og gleymt því.

Í því ljósi eru þessir styrkir eðlilegir.