Loksins! Keldnaland fyrir spítala rímar við norska reynslu.

Nú eru fjórtán ár síðan síðuhafi skoðaði og kynnti sér spítalana í Osló og Þrándheimi, sem þá voru nýbyggðir með tveimur ólíkum aðferðum: Í Osló á auðri lóð, alveg frá grunni, en í Þrándheimi með bútasaumsaðferðinni sem hér er í gangi við Hringbraut. 

Í Noregi var það manna mál 2005 að spítalinn nýi í Osló mætti teljast flottasti spítali í Evrópu, en að hins vegar væri bútasaumsspítalinn í Þrándheimi "víti til varnaðar."

Fréttaflutningur um þessi spítalamál Norðmanna var kæfður með mjög úthugsuðum aðferðum þeirra, sem af einhverjum ástæðum höfðu gert Hringbrautarspítalann að eina kostinum hér heima. 

Á þeim tíma hefði hugsanlega verið skárra að byggja við Borgarspítalann vegna meira landrýmis, en í staðinn var landrýminu eytt í nýja íbúðabyggð, sem að mestu leyti var fyrir eldri kynslóðina. 

Keldnalandið fékkst aldrei rætt, en þó liggur það skammt frá stærstu krossgötum landsins og höfuðborgarsvæðisins.  

Loksins nú örlar á framtíðarsýn, sem betur hefði verið látin ráða ferð fyrir 15 árum og er ástæða til að fagna því. 

 


mbl.is Vill skoða Keldnaland undir nýjan spítala
Tilkynna um óviðeigandi tengingu við frétt

Helmingur allra banaslysa á vélknúnum hjólum er vegna vímu.

Ef menn kynna sér gögn um slys á vélhjólum og bera þau saman við gögn um slys á bílum, kemur í ljós, að ríflega helmingur banaslysa og alvarlegra slysa á vélknúnum hjólum er vegna þess að ökumaðurinn er í vímu af völdum áfengis eða annarra vímuefna. 

Þetta er meira en þrefalt hærri tala en raunin er hjá ökumönnum bíla. 

Rafhlaupahjól og rafreiðhjól eru vélknúin farartæki og því einkennilegt að lesa í fréttum, að einhver undrist og finnist "mikið gert úr því" að árekstur og slys hafi orðið vegna hugsenlegrar ölvunar ökumanns á rafhlaupahjóli.   


mbl.is Þótti mikið gert úr hlaupahjólsárekstrinum
Tilkynna um óviðeigandi tengingu við frétt

Dýrlegur sumardagur í gær. Skaflinn merki um kalt sumar?

Dýrlegt sumarveður var á stórum hluta landsins í gær og sem dæmi um blíðuna eru myndir, sem teknar voru í Hvalfirði og verða settar á síðuna, en Hvalfjörður er ekkert sérstaklega þekktur fyrir að vera spegilsléttur í norðaustanátt. Saurbær á Hvalfj strönd 29.9.19

Öll hæstu fjöllin á suðvesturhorninu voru snjólaus á þeim hliðum, sem sneru að sól, og sum raunar snjólaus með öllu eins og Skjaldbreiður, sem er 1060 metra hár. 

Það er óhætt að segja að sínum augum líti hver á silfrið hvað snertir þræturnar um hlýnandi loftslag. 

Nýjasta innleggið hjá einum af þeim, sem síðuhafi rakst á í fyrradag, var athyglisvert. 

Hann sagði það væri augljóst merki um það að sumarið hefði verið kalt, hvað það tók skaflinn í Gunnlaugsskarði í Esjunni langan tíma að hverfa með öll. Hvammsnes í Hvalfirði 29.9.19

Ef sumarið hefði verið hlýtt hefði hann horfið mun fyrr í stað þess að hverfa ekki alveg fyrr en í blálokin á september!  


mbl.is Skaflinn í Gunnlaugsskarði aftur horfinn
Tilkynna um óviðeigandi tengingu við frétt

Frazier-Pryce og Gatlin undraverð.

Að 37 ára gamall maður skuli geta verið enn á svipuðu róli í 100 metra hlaupi og hann var tíu árum fyrr en eitthvað, sem flestir sérfræðingar hefðu varla getað ímyndað sér fyrir nokkrum áratugum. 

En eftir að Linford Christie hélt sér á toppnum í 100 fram yfir 35 ára aldur, verður að samþykkja að svona storkun við það, sem talið varl náttúrulögmál, er eitthvað sem nútíma meðhöndlun afreksfólks í viðbót við sérstæða hæfileika getur fætt af sér. 

Því að spretthlaup eru einfaldlega þess eðlis, að minnkandi snerpa og hraði eftir 25 ára aldur, sem viðurkennd hefur verið sem náttúrulögmál í vísindum, er eitthvað sem hægt er að framlengja eitthvað meira en áður hefur verið talið mögulegt. 

Óteljandi afreksmenn hafa orðið að lúta þessu lögmáli, og var Usain Bolt bara eitt dæmi um slíkt. 


Frazier-Pryce og Gatlin undraverð.

Að 37 ára gamall maður skuli geta verið enn á svipuðu róli í 100 metra hlaupi og hann var tíu árum fyrr en eitthvað, sem flestir sérfræðingar hefðu varla getað ímyndað sér fyrir nokkrum áratugum. 

En eftir að Linford Christie hélt sér á toppnum í 100 fram yfir 35 ára aldur, verður að samþykkja að svona storkun við það, sem talið varl náttúrulögmál, er eitthvað sem nútíma meðhöndlun afreksfólks í viðbót við sérstæða hæfileika getur fætt af sér. 

Því að spretthlaup eru einfaldlega þess eðlis, að minnkandi snerpa og hraði eftir 25 ára aldur, sem viðurkennd hefur verið sem náttúrulögmál í vísindum, er eitthvað sem hægt er að framlengja eitthvað meira en áður hefur verið talið mögulegt. 

Óteljandi afreksmenn hafa orðið að lúta þessu lögmáli, og var Usain Bolt bara eitt dæmi um slíkt. 


mbl.is Fjórði heimsmeistaratitill Frazer-Pryce
Tilkynna um óviðeigandi tengingu við frétt

Umferðaróhapp: Árekstur við álft!

Honda PCX, ´Léttir  við JökulsárlónFuglar geta komið við sögu í umferðinni á margvíslegan hátt eins og tengd frétt á mbl.is greinir frá. 

Dæmi: 

Eftir 13 þúsund kílómetra akstur á léttu vespuhjóli síðustu þrjú ár, þar sem átta þúsund kílómetrar hafa verið farnir á þjóðvegum landsins allt frá Reykjavík vestur á Ísafjörð, norður á Siglufjörð og austur á Egilsstaði og Hornafjörð, hefur síðuhafi aðeins lent í einum árekstri. 

Það var árekstur við álft, og auðvitað Í nágrenni Álftafjarðar.  

Þegar komið var yfir brú við fjörðinn kom skyndilega álft fljúgandi í hálfs metra hæð þvert fyrir endann á brúnni. 

Hún sást ekki fyrr, af því að hún var greinilega nýkomin á loft í hvarfi við steinhandriðið og hugsanega að færa sig til yfir í álftahóp hinum megin við brúna. 

Óumflýjanlegur árekstur varð léttari en búast mátti við, álftin lenti inni í álftahópnum og haltraði inn í hann og hvarf þar, þannig að ekki var hægt að huga að því hvort hún hefði hlotið alvarleg meiðsl. 

Það er vel við hæfi að birta góðveðursmynd af hjólinu á jafn miklum góðviðrisdegi og var í dag.  

Kannski koma myndir frá því í dag í kjölfarið hér á síðunni. 


mbl.is Stöðvuðu umferð vegna álftar með unga
Tilkynna um óviðeigandi tengingu við frétt

Ungum og reynsluminni flugmönnum hefur fjölgað.

Þegar kíkt er á nýjustu umsagnir sérfræðinga um Boeing 737 Max vandræðin hefur eitt atriði komið fram, sem gæti hafa haft áhrif á það hvernig þetta mál hefur þróast. 

Mikil fjölgun ferðamanna og tengdur uppgangur í farþegaflugi hefur kallað á öra fjölgun flugmanna, sem aftur á móti hefur valdið því ungum og reynsluminni flugmönnum hefur fjölgað. 

Nefnd eru dæmi um flugmenn, sem eru komir við stýrin eftir 240 klukkustunda reynslu, þar sem aðeins nokkrir tugir tíma voru í raunverulegu flugi en megnið í flughermi. 

Skýrsla Flugöryggisnefndar Bandaríkjanna og tillögur um einfaldari viðbragðsreglur fyrir flugmenn, sem þurfa að taka flóknar ákvarðanir í flýti, er tengd þessum veruleika. 

Sem minnir síðuhafa á ágiskun eins af elstu núlifandi flugstjórum okkar, þegar hann var spurður um útskýringu á mörgum mannskæðum flugslysum hér á landi á fyrstu árum innanlandsflugsins, að ein skýringin gæti verið sú hve ungir og óreyndir flugmennirnar voru á þessum fyrstu vaxtarárum flugsins hér á landi. 


mbl.is Mátu viðbrögð flugmanna MAX-þotanna ranglega
Tilkynna um óviðeigandi tengingu við frétt

Því svæsnari árásir, þeim mun meiri rökþrot.

"Fatlaður unglingur" eru ummæli um Gretu Thunberg, sem lenda svona í miðju þeirra ummæla sem óvildarmenn hennar velja henni. Mörg eru miklu verri og lýsa meira þeim sem láta þau um mun fara, því að í flestum þeirra speglast sterkir fordómar sem hitta því þá sjálfa fyrir sem nota þau. 

Og þegar íslenskir pistlahöfundar afgreiða Gretu útaf borðinu með því að nota orðin "fatlaðan ungling" skín fordómafull sýn í gegn. 

Greta hefur meðal annars tekið þeim með því að segja, að þeim mun meira af slíkum ummælum sem andstæðingar hennar nota, því betri merki séu þau um rökþrot. 

Slíku hefur verið lýst á íslensku með því að segja að það sé hjólað í manninn en ekki boltann. 


mbl.is Segja Gretu Thunberg „truflaðan Messías“
Tilkynna um óviðeigandi tengingu við frétt

"Hesturinn ber ekki það sem ég ber."?

Þekkt er þjóðsagan af manninum sem sagði: "Hesturinn ber ekki það sem ég ber" þegar hann steig á bak hesti sínum með poka á baki sér. 

Þetta getur átt við ýmsa tekjumöguleika, sem menn finna í hagkerfinu og mikla mjög fyrir sér, svo sem í sambandi við stórfelldar samgönguframkvæmdir langt fram í tímann. 

Meðal þess, sem þarf að íhuga, og Runólfur Ólafsson hjá FÍB bendir á, er að skoða þarf vel samhengi og samband nýrra tekjustofna við aðrar fjármagnshreyfingar, sem þessir peningar gætu verið hluti af og skoða þarf einnig hvaða ávinning framkvæmdirnar geti haft til sparnaðar. 

Gott dæmi um fljótfærnislegar ályktanir eru ævintýralegir útreikningar á þeim gríðarlegu tekjum, sem Reykjavíkurborg gæti haft í formi fasteignagjalda af því að leggja niður Reykjavíkurflugvöll. 

Í þessum hátimbruðu útreikningum er engu líkara en menn haldi, að þessir peningar detti niður af himnum og séu ekki borgaðir af neinum. 

En málið er flóknara en svo, því að finna þarf út að hvaða notum þetta fjármagn gæti komið ef því væri varið í eitthvað annað en fasteignagjöld og einnig þarf að skoða hvar hægt væri að nota þá til að borga fasteignagjöld annars staðar.  


mbl.is „Rennur allt upp úr sama vasanum“
Tilkynna um óviðeigandi tengingu við frétt

Úrval rafhjóla er ævintýralegt.

Hraðri framför í smíð rafknúinna hjóla hefur áður verið lýst hér á síðunni, en um er að ræða allt frá litlum rafskútum eða raftítlum upp í meira en 200 kílóa rafhjól, sem ná 160 kílómetra hraða og komast meira en 100 kílómetra á einni hleðslu. Ducati Super Soco rafhjól.

Og ekki er síðri framför í gerð rafhjóla af öllum stærðum með útskiptanlegum rafhlöðum, sem gefa meiri hraða við skiptistöðvar en fæst við að setja bensín á bíl. 


mbl.is Rammgerðar rafskútur til leigu í Reykjavík
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband