Mjög óvenjulegt flugslys.

Milljón flugvélar eru í notkun í heiminum og því er margt sem getur gerst. En flugslysið í Nepal í fyrra var afar óvenjulegt. 

Að visu er ákveðinn blær yfir flugvellinum í Katmandu vegna hrikalegs fjallalandslagsins og flugs að og frá honum, en þó er það ekkert óviðráðanlegt með nútíma flugtækni.

Þess vegna kom það síðuhafa í opna skjöldu á sínum tíma að lesa skýrslur um þetta flugslys og það, að það gæti tekið tíma að komast að niðurstöðu um orsök þess, sem virtist jafn mikið "úti á túni" og brotlendingin sjálf varð. 

Kom alveg upp úr þurru.

Niðurstaðan er jafn óvenjuleg og flugslysið og aðdragandi þess: Taugaáfall flugstjórans.

En meðan flug er, þrátt fyrir alla sjálfvirknina, jafn háð beinni stjórn manna, gildir sennilega það sem faðir siðuhafa hafði stundum á orði: "Svo er margt sinnið sem skinnið." 

 

   "

 

 


mbl.is Flugstjóri fékk taugaáfall
Tilkynna um óviðeigandi tengingu við frétt

Bára grunsamlega útbúin á Austurvelli?

Frettin um konu sem lægi í annarlegu ástandi i tengdri frétt á mbl.is er ekki sú eina af því tagi þassa dagana. 

Krafan um lögreglurannsókn á hinum raunverulegum afbrotamönnum i Klausturmálinu, sem rekin hefur verið daglega á samfélgasmiðlum síðustu vikur tekur nefnilega á sig æ athyglisverðari mynd. 

Hið nýjasta er að benda á grunsamlegan mun á þvi hvernig Bára Halldórsdóttir hefði verið útbúin og klædd, annars vegar á Austurvelli i gær, dúðuð, sitjandi í hjólastól, en hins vegar allt öðruvísi útbúin á Klausturbarnum 20. nóvember sl.

Það er verulega áhugavert að taka þátt í þessari rannsókn, því að sakbendararnir hafa ekki fyrir því að afla augljóslegra gagna í málinu með því að leita til upplýsinga Veðurstofunnar um aðstöðuna á þessum tveimur stöðum og leita skýringa á því af hverju Bára sat í hjólastóli á Austurvelli, því að verulega grunsamlegt sé hve miklu meiri tíma hun var á basrnum en á vellinum.  

Þessi gögn eru fljótfundin:  

 

Klausturbarinn 20. nov: 

Vindur:  Logn. 

Hiti ca 23 stig.

Hiti, ef vindndkæling er tekin með:  Sami, vindkæling engin, nema hugsanlega ?örlítill gustur þegar dyrnar voru opnaðar augnablik og ískur i hemlum reiðhjóls heyrðist í þann mund sem rætt var um hljóðin sem fylgdu persónu sem rætt var um.

 

Austurvöllur 27. jan: 

Vindur:  Norðan 5 - 7 m/sek, ( 10 - 15 hnútar) 

Hiti: Frost 3,5 stig. 

Hiti, ef vindkæling er tekin með: Meira en 10 stiga frost.

Snjóþekja á jörð.

 

Nú er hægt að bera þessi skilyrði saman með því að hafa þessi gögn í höndum. 

 

Bára sat í stól á báðum stöðunum. 

Grunsamlegt þykir að hún skyldi sitja i hjólastól á Austurvelli. Það þarf að komast til botns í því, - ekki satt? 

Ef hún sat við stól við borð inni á veitingastofunni, - af hverju sat hún ekki við borð á Austurvelli?

Og síðan er það sem þykir ekki standast: Að hún hafi haldist við í heilar 3,5 klukkustundir á barnum, úr því að hún þurfti að eigin sögn að sitja kappklædd í hjólastól á vellinum í aðeins rúman hálftíma.

Tölur, sem gætu hjálpað;

Austurvöllur í 0,5 klst í ca 30 stiga minni raunhita en á 3,5 klst fundi á Klausturbarnum.

 

Frekari ábendingar og gögn eru vel þegin í athugasemdum við bloggpistilinn. 

 

 

 

  

  

     


mbl.is Var að njóta snjókomunnar
Tilkynna um óviðeigandi tengingu við frétt

Sólinni fagnað líka heima hjá síðuhafa.

Þannig háttar til þar sem síðuhafi býr, að ákveðinn dag seint í janúar kemst sólin upp fyrir þakbrún á álmunni beint á móti í um það bil hálftima. 

Hins vegar verður enn ansi löng bið á því að versta skammdeginu ljúki. 

Það verður nefnilega ekki morgunbjart á vökutima fyrr en eftir þrjár vikur, af því að klukkan okkar er er hátt i tvær klukkustundir of fljót, miðað við raunveruglegt hádegi og miðnætti.

  

 


mbl.is Sólinni fagnað á Siglufirði
Tilkynna um óviðeigandi tengingu við frétt

Sagan, sem ekki má gleymast.

Saga uppgangs, sigurg0ngu, einstæðra illvirkja og síðar hrikalegs falls og hruns nasismans, mestu villimennsku í sögu mannkynsins, má aldrei gleymast sem víti til varnaðar og sígildur lærdómur. 

Þegar fullyrt er að þetta hafi verið hámark villimennsku byggist slíkt mat á því hvernig einstaklega háþróuð tækni mikilla kunnáttumanna og stórbrotið útrýmingarkerfi var notað til að murka lífið úr milljónum fórnarlamba Adolfs Hitlers og glæpagengis hans. 


mbl.is Var ókunnugt um sögu nasista
Tilkynna um óviðeigandi tengingu við frétt

Hvers vegna er Sjálfstæðisflokkurinn með 40% fylgistap?

Frá stofnun Sjálfstæðisflokksins 1920 til 2013 naut flokkurinn í kringum 40% fylgis á landsvísu og komst í 48% 1931.

Allt til 1994 var flokkurinn með meirihluta í borgarstjórn Reykjavíkur, að undanskildum árunum 1978-82; fylgið komst 1959 og í valdatíð Davíðs Oddssonar, - og fylgi Sjalla allt til 2010 nægði til að leiða meirihluta að mestu á árunum 2006-2010.

En síðan 2010 hefur fylgi flokksins verið aðeins  um helmingur þess sem áður var.

Hrun.

Og á landsvísu hefur ástand hruns líka ríkt síðan 2009 með 40% minna fylgi en var fyrir 2009.

Hvers vegna hefur þetta gerst? spyrja margir. 

Góð spurning.    


mbl.is Þykir alltaf vænt um Sjálfstæðisflokkinn
Tilkynna um óviðeigandi tengingu við frétt

Hvað um bílljósin?

Af einhverjum ástæðum virðist oft erfiðara að mæta nýjustu bílunum með skæru LED-ljósin sín í myrkri en bílum með eldri ljósum.

Hvers vegna?

Margir ökumenn slíkra bíla virðast líka svo uppnumdir af þeirri ljósadýrð sem öflugur ljósabúnaður bíla þeirra gefa, að þeir beita honum langt umfram þarfir, öðrum vegfarendum oft til erfiðleika og skapraunar. 

Síðan er mibeiting ljósa við akstur á efti öðrum bílum efni í heilan bloggpistil. 


mbl.is LED-lýsing getur haft áhrif á svefn
Tilkynna um óviðeigandi tengingu við frétt

Görótt blanda en óhjákvæmileg.

Í aðdraganda Hrunsins komu þau gömlu sannindi í ljós að peningar og stjórnmál eru eitruð blanda, Það hefur sannast víða um heim, til dæmis í Bandaríkjunum þar sem meirihluti vinnu þingmanná fer í þjónkun við fjársterkustu fyrirtækin og auðkýfinga, sem styðja þingmenn beint. 

Það er engin tilvilljun að Trump gerir hvað hann getur til að losa hömlur af því auðræði sem ásamt tilheyrandi spillingu er einn helsti dragbíturinn á bandarísku lýðræðisþjóðfélagi.

Öll félagsleg starfsemi þarf einhver framlög eða fjármuni til þess að koma boðskap á framfæri. 

Það er af þessum sökum sem það er illskárra, þótt það þyki geta falið í sér görótta blöndu og því fylgi gallar, að styðja nauðsynlega starfsemi stjórnmálaflokka af opinberu fé.

Lýðræði kostar peninga.  

En miklu skiptir að gera það á sem sanngjarnastan hátt auk þess að setja jafnframt sem skynsamlegastar reglur um beinan stuðning einstaklinga og fyrirtækja.    


mbl.is 744 milljónir króna til flokkanna
Tilkynna um óviðeigandi tengingu við frétt

Algengt og meinlaust vitleysisröfl í fylleríi?

Gagnsókn Klaustursmanna í málinu sem kennt er við barinn gegnt Dómkikjunni, er nú orðin að stórsókn á mörgum vígstöðvum fjölmiðla og samfélagsmiðla.

Sumir bloggarar skrifa jafnvel tvo pistla á dag um málið.

Sóknin byggist á tvennu:

1. Að gera sem minnst úr því sem sagt var á barnum og spurt:

"Hver er glæpurinn sem felst í því að drekka sig fullan og röfla einhverja vitleysu, sem engar afleiðingar hefur nema einhvern móral?"  

Sem sagt; það er engin ástæða til að gera neitt veður út af jafn algengu og sakleysislegu fýrirbæri og því sem uppvíst varð um á Klausturbarnum. .

2. Lögregla þarf að rannsaka hinn raunverulega "glæp", - samsæri vinstri manna og RÚV undir stjórn Helgu Völu Helgadóttur og síðar hins "hefndarþyrsta" Steingríms J. Sigfússonar. Yfirmenn RÚV eiga að segja af sér.   

 

 


mbl.is Segir viðbrögð Sigmundar barnaleg
Tilkynna um óviðeigandi tengingu við frétt

"Virkja stanslaust! Annars verður kreppa og atvinnuleysi!"

Fróðlegt er að rifja upp 20 ára gamalt samtal síðuhafa við einn af helstu ráðamönnum landsins í tilefni af áframhaldi þeirrar stífu stórvirkjanastefnu sem boðuð er raforkustefnu sem kynnt er í Morgunblaðinu í dag.   

Ofangreind orð sagði Finnur Ingólfsson við síðuhafa þegar hann réði miklu um orkumálin í embættum iðnaðarráðherra og Seðlabankastjóra og framundan voru virkjanir á næstu árum, sem þrefölduðu raforkuframleiðslu Íslands svo að hún yrði fimmfalt meiri en Íslendingar þyrftu sjálfir fyrir eigin heimili og fyrirtæki:

Finnur:

"Þú veist það, að við verðum að virkja stanslaust, því að annars verður hér kreppa og atvinnuleysi."

Síðuhafi: 

"En hvað eigum við að gera þegar við erum búin að virkja allt semvirkjanlegt er og fórna fyrir það helstu náttúruperlum landsins?"  

Finnur:

"Þá verðum við dauðir, svo að það verður bara viðfangsefni þeirra kynslóða sem þá verða í landinu."


mbl.is Þörf fyrir tvær Búrfellsstöðvar
Tilkynna um óviðeigandi tengingu við frétt

Bara ef hann hefði getað bjargað ummælum Nóbelsskáldsins!

"Herranenn, er ekki hægt að lyfta umræðunni upp örlítið hærra plan...?" eru líklega fleygustu ummæli Halldórs Laxness, ekki hvað síst vegna þess að hann viðhafði þau í einum af fáum umræðuþáttu- og rökræðuþáttum í sjónvarpi, sem hann tók þátt í. 

Frammistaða Nóbelskáldsins í þessum þætti, þar sem tekist var á um álitamál í íslenskri menningu á einstaklega eftirminnilegan hátt, vakti gríðarlega athygli á sínum tíma, en því miður var bæði myndupptökunni og sérstakri hljóðupptöku fargað. 

Þá kostuðu myndbandsspólur morð fjár og ekki var fjármagn hjá Sjónvarpinu til að geyma nema hluta þeirra. 

Á þeim tíma var síðuhafi ritstjóri dagskrár og sér æ síðan eftir því að hafa ekki komið undan og varðveitt hljóðupptökuna með einhverjum ráðum.

Til að gera eiithvað, þótt seint væri, lagði ég ummælin á minnið og hélt þeim lifandi. 

Fór, ca 35 árum síðar í Kastljóssupptöku og flutti þau. 

Fékk þau viðbrögð frá þálifandi þátttakanda, að rétt hefði verið farið með.

Bara að Hafsteinn Filippusson hefði þá verið uppi og getað bjargað þessum ómetanlegu verðmætum frá glötun!


mbl.is Stendur vörð um íslenska menningu
Tilkynna um óviðeigandi tengingu við frétt

« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband