Fyrsta lýsing á bráðamóttökunni hér á síðunni var fyrir átta árum en ekkert gerist.

Í desember 2015 höguðu atvikin því þannig til að hingað á síðuna var hægt að setja lýsingu á ástandinu á bráðamóttöku Landsspítalans sem blasti við við meðferð á axlarbroti. 

Vorið eftir kom aftur til skjalanna meðferð á beinbroti, í þetta sinn ökklabroti. 

Sú meðferð varð lengri en ella, vegna þess að í þeim miklu önnum, sem voru á deildinni og lýstu sér í því að starfsfólkið var á hlaupum í kapphlaupi við tímann, mistókst að sjá ökklabrotið á röntgenmynd. 

Á þessum tíma voru umræður í sjónvarpi um ömurlegt ástand á deildinni, þar sem annar viðmælandinn fullyrti, að starfsfólk bráðamóttökunnar væri "setja á svið leikrit" og ljúga upp lýsingu á ástandinu.  

A árunum þar á eftir kom tvisvar til þess að þurfa á meðferð að halda á deildinni, og enn og aftur blasti við svipað ástand og hafði verið síðan 2015 hið minnsta. 

Á þessum átta árum hafa orðið ítrekuð mannaskipti í æðstu stöðum varðandi aðstöðuna og fjárveitingar og enn er svo að sjá að ekkert gerist. 

Þetta er alveg yfirgengilegt.  


mbl.is „Vonin dó í dag þegar ég gafst upp“
Tilkynna um óviðeigandi tengingu við frétt

Í anda Péturs mikla?

Vladimir Pútín vitnaði í Pétur mikla og fleiri aðsópsmikla forystumenn Rússa frá fyrir tíð þegar hann tilkynnti um "sérstakar hernaðaraðgerðir" Rússa í Úkraínu. 

Ef rétt er munað var það einn af burðarásum stefnu keisarans, sem nafn St. Pétursborgar rímar svo vel við að "opna glugga til vesturs og taka virkan þátt í þróun viðskipta í Evrópu. 

Þótt tímarnir núna séu gerbreyttir frá því sem var fyrr á öldum er það umhugsunarefni hvernig gjáin milli Rússlands og annarra hluta Evrópu dýpkar nú hratt og víkkar, því að það er alveg á skjön við það sem margir töldu æskilegt í framhaldi af lokum Kalda stríðsins. 

Þegar því lauk sýndist mmörgum upplagt að leggja Rússum lið við að reisa land þeirra við með eins konar Marshallaðstoð og samvinnu við að opna bæði gluggann frá Rússlandi til vesturs og til Rússlands frá vestri í friðsamlegu bandalagi um farsæld og frið í Evrópu. 

Það tækifæri var látið renna úr greipum og má deila um, hverjum sé að kenna. 

Rússar höfnuðu að vísu tilboði Bandaríkjamanna um Marshallaðtoð til Austur-Evrópuríkja eftir lok Heimsstyrjaldarinnar, en á þeim tíma var Kalda stríðið þegar hafið með gerð Járntjaldsins um þvera álfuna. 


mbl.is Rússar missa aðgang að Netflix
Tilkynna um óviðeigandi tengingu við frétt

"...kát við syngjum alltaf Gaudeamus hátt og snjallt..."

Það var gaman fyrir gamla júbílanta jafnt sem unga að njóta þeirrar stórsamkomu sem stærsta júbílantahátíð MR var í fyrrakvöld.

Þetta var hátíð nemenda elsta skóla landsins og enda þótt gríðarlegar breytingar hafi orðið á flestu síðan í Skálholtsskóla, Hólavallaskóla og Bessastaðaskóla hljómar stúdentasöngur allra stúdentasöngva, "Gaudeamis igitur" alltaf jafn fölskvalaust jafnt hjá nýstúdentum sem stúdentum sem eru að halda upp á 75 ára og jafnvel hærra stúdentsafmæli.

Afnælin voru fjölmörg á hátíðinni, Yngvi Pétursson fyrrverandi rektur með 50 ára afmæli kennaraferils síns þegar hann lætur af störfum, og núverandi rektor, Elísabet Ziemsen lætur af því starfi nú.      

Aldur 62ja ára stúdenta kom ekki í veg fyrir að tíu félagar úr sönghópnum MR60, meðalaldur 82 ár, felldu setninguna í fyrirsögn þessa pistils inn í nýjan júbílantabrag, sem hægt er að nálgast á facebook síðunni omar ragnarsson eins og hann var fluttur á samkomunni stóru. 

Nemendasambandinu er þökkuð góð frammistaða við að láta þennan ljúfa og stóra fagnað heppnast jafn vel og raunin varð. 


mbl.is Afar sáttur með 50 ára starfsferil við MR
Tilkynna um óviðeigandi tengingu við frétt

Starrinn og þokan.

Einn af þrjóskustu fuglum er starrinn. 10333333_10204156721826042_4503018912968148898_o

Hann hefur einstakt dálæti á flugvélum og tekst iðulega að gera sér hreiður inni í vélarrýminu í nefi vélarinnar, þótt reynt sé að loka fyrir allar inngönguleiðir inni í það.

Á mynd af afturhluta flugvélar má sjá leitarsvæði á sinni tíð að því, hvernig í ósköpunum þessi fugl fór að því að gera sér hreiður inni í afturhlutDSC09710

Honum tókst sem sé að finna pínulítið gat á jaðri hins lárétta hluta stélsins, og skríða þaðan fram og til baka drjúga spöl inn í lóðrétta hlutann og búa sér hreiður aftast í skrokknum.  

Á myndinni sést hvernig er búið að troða ljósbrúnum svampi í gatið til að loka þessum magnaða inngangi.  

Starrinn er eitt af því sem fylgir vorinu og það er þokan líka og er lík starranum með það að laumast oft afar lymskulega inn með sjónum í hafgolu og fylla síðan landið með ýmsum tangarsóknum, svo sem inn Kollafjörðinn. 

Yfir borginni má sjá hvernig misjafnlega mikil upphitun sólar veldur því að þokan laumast ýmist sína leið eða hörfar eftir atvikum.DSC09721 

Myndirnar eru teknar í sömu átt, allar nema sú af Kollafirðinum, og það eru blokkirnar við Austurbrún og hái Höfðaturninn lengst til hægri, sem eru aðalleikenddurnir.   

Set hér inn nokkrar myndir af því. DSC09720


mbl.is Breikkað framhjá tjaldshreiðri
Tilkynna um óviðeigandi tengingu við frétt

Þokusælast er snemmsumars; þá er sjórinn svalastur.

Hafgola svonefnd er oft knúin af hlýju uppstreymi lofts vegna sólar inn til landsins. 

Éf Suðurlandsundirlendið hitnar af sterkri sól, stígur heita loftið upp vegna léttleika síns og við það sogast rakft loft af hafi, jafnvel vestur við Faxaflóa, inn í það rými, sem heita loftið skildi eftir sig allt að 50 til 100 kílómetrum austar. 

Rakinn i hafloftinu þéttist við kólnun og myndar þoku, sem nær oft austur að Hengli og Bláfjöllum en þornar við að fara niður Suðurlandsmegin. 

Þegar kvöldar, lækkar sólin, sem oft tekst að seinka myndun þokunnar meðan hún er hæst á lofti og geislun hennar á ströndina og landið mest. 

Hitamunur hafsins og landsins er mestur snemma á vorin þegar sjórinn er enn svalastur eftir veturinn og þokurnar eru því algengastar á vorin.  

Þegar líður fram á sumarið er sjórinn orðinn hlýrri og því sjaldnar þoka en var fyrr um vorið. 


mbl.is Hlýtt loft og vindur af hafi veldur þokunni
Tilkynna um óviðeigandi tengingu við frétt

Breytingar á aldursmörkum hermanna eru oftast veikleikamerki.

Þegar þýski herinn sótti í átt til Moskvu hausið 1941 sagði Hitler í ræðu, að Sovémenn hefðu misst 10 milljón menn og enginn her í heimi gæti ráðið við annan eins missi. 

Í ljós kom hins vegar að nokkur atriði urðu til þess að þýski herinn stöðvaðist við Khimki sporvagnastöðina í norðurjaðri Moskvuborgar, aðeins 19 kílómetra frá Kreml vegna samanlagra ástæðna. 

Nýir T-34 skriðdrekar komu þúsundum saman til vígvallarins og gríðarlegur framleiðslumáttur Sovétmanna var miklu meiri en Þýskalands.  

Rússneski veturinn lamaði þýska herinn mun meir en þann sovéska.

Vel búnar hersveitir streymdu um endilanga Síberíu til vígstöðvanna. 

Sovéski herinn var klæddur fyrir hinn hræðilega rússneska vetur, ekki sá þýski. 

Baráttumóður Rússa í því sem þeir kölluðu Föðurlandsstríðið mikla, háð fyrir "móður Rússlands" var mun meiri þrek Þjóðverja.

Sovétmenn sótu hermenn í varasjóð bardagaþystra manna og voru þrátt fyrir mannmissirinn ekki eins illa staddir og Þjóðverjar urðu í lok stríðsins, þegar bæði unglingar og gamlir menn voru kallaðir í þýska herinn. 

Það var augljóst veikleikamerki og ef eitthvað svipað er á seyði nú hjá Rússum, er það að minnsta kosti ekki styrkleikamerki. 

Benda má á bloggsíðu Einars Björns Bjarnasonar um T-62 skriðdrekana, sem Rússar draga nú fram til örrustu, en Einar Björn er líkast til fróðasti maður um skriðdreka hér á landi. 


mbl.is Rússnesk fyrirtæki stytta vinnutíma starfsfólks
Tilkynna um óviðeigandi tengingu við frétt

"Svalt að vera stúdentar", glæsileg 8-900 manna útskriftarhátíð MR í gærkvöldi.

Það hefur verið árlegt fyrirbæri að Nemendasamband MR haldi sérstaka útskriftarhátíð eftir lok hvers skólaárs í MR. En vegna kórónaveriunnar féllu hátíðirnar noður 2020 og 2021. 

Hátíð í Valsheimilinu í gærkvöldi varð því só stærsta hingað til því að árgangarnir tveir, MR 1960 og 1961 fengu nú uppbót í troðfullu Valsheimilinu, þar sem 8-900 manns fögnuðu skólaslitum á fjölbreyttan hátt. 

Á hófinu fluttu tíu félagar í sönghópfnum "MR60, sem starfað hefur síðan 1994, lagið "Svalt að vera stúdentar" og var allt söngfólkið á níræðisaldri.

Til stendur að setja lagið á facebook núna á eftir.  

 


mbl.is Dúxaði í MR og síðan til Taílands
Tilkynna um óviðeigandi tengingu við frétt

Viðbrögðin í Ulvade voru ekki í samræmi við aðferðir, sem átti að beita.

Í sambandi við skotárásir á skóla og fólk var fróðleg umfjöllun um þær í bandarísku sjónvarpi fyrir nokkrum árum. 

Það var lögð áhersla á aukinn hraða viðbragðsaðila og aðferðir til að buga árásarmanninn sem fyrst í stað þess að gefa honum færi á tíma til að drepa sem flesta. 

Það sem gerðist í Ulvade er langt frá lýsingunni í þessum fróðlega sjónvarpsþætti og það hlýtur að vera óhjákvæmleg afleiðing af hrakförum lögreglunnar þar, að hún geti verið bæði fljótari og betur búin til að klófesta árásarmenn eða yfirbuga þá í framtíðinni.  


mbl.is Mistök að bíða eftir liðsauka
Tilkynna um óviðeigandi tengingu við frétt

Reykjanesskagi, Öræfi, Land, Rangárvellir,Mýrdalur, Álftaver þjóðaröryggismál.

Í aðdraganda Eyjafjallajökulsgossins, sem stóð í ellefu ár, var skipulega unnið að gerð viðbragðsáætlana, sem geta gert gagn síðar meir ef gýs þar á ný, 

Sama á við áætlanir varðandi stórfelld áhrif Kötlugosa með hamfarahlaupum, sem geta farið í þrjár áttir frá jöklinum og lagst yfir blómlegt hérað í Rangárvallasýslu. 

Hekla getur gosið hvenær sem er. 

Öræfajökull er virkt eldfjall og sum gos ur honum geta verið stórgos, svo sem gosið mikla 1262, sem eyddi blómlegri byggð.  

Á Reykjanesskaga standa virkjanir heits og kalds vatns á hraunum og Grindavík, Vogar, Hafnarfjörður, Garðabær og Reykjavík standa að meira eða minna leyti á hraunum, sem hafa runndið á síðustu árþúsundum. 

Enginn  veit hvenær, hve mikið eða hvar gýs næst og aðgerðarleysi í málum sem þessum er ekki í boði í raun. 


mbl.is Eldgosið raunverulega ógnin
Tilkynna um óviðeigandi tengingu við frétt

Eitt sinn lyftist tíu hjóla trukkur og flaug hundruð metra hjá Steinum.

Fyrir þá, sem eru nógu gamlir til að muna eftir þeim tíma í stríðinu þegar veðurfregnir voru ekki sagðar í útvarpinu, er það ekki aðeins minnisstætt þegar byrjað var að lesa þær á nýjan leik, heldur ekki síður setningin "rok undir Eyjafjöllum", þegar þeirri setningu var bætt við spána fyrir Suðurland. 

Nú kemur í viðtengdri frétt á mbl.is enn fram staðfesting á því að undir Eyjafjöllum sé ennþá varasamasti hviðustaður landsins. 

Ein frétt frá því fyrir rúmum aldarfjórðungi kemur í hugann. Það var þegar tíu hjóla hertrukkur, sem stóð úti á túni við bæinn Steina, tókst eitt sinn á loft í fárviðri og flaug nokkur hundruð metra í einu flugi án þess að snerta jörð og lenti á hjólunum eins og ekkert væri sjálfsagðara. 

Hrikalegt fjallið fyrir ofan Hvamm með sínu lóðbeina og íhvolfa hamrastáli að baki bænum er augljóslega rétt valinn staður hjá veðurfræðingunum, sem vindhviðustaður landsins við þjóðvegi, en nefna má stað við Tíðaskarð syðst við gamla Hvalfjarðarveginn þar sem myndast getur mikið sog ásamt hvirflum. 

Dæmi um það var þegar níu manna International ferðabíll stöðvaðist á veginum vegna þess að hann hoppaði lóðrétt upp á hjólunum í firnasterkum hvirfilvindi og snerist þannig hoppandi á veginum, þar til allt í einu heyrðist hvellur, og húddlokið á honum rifnaði lóðrétt upp þegar það sleit festingarnar og skrúfaðist tugi metra í loft upp en skall síðan lóðrétt niður skammt frá bílnum. 

Við þetta fór hluti af sogkraftinum undir bílnum upp í gegnum opið vélarrýmið og bíllinn hélst því á veginum. 

Í utanverðum Langadal hefur lengi verið leiðinda rokkafli í hvassri norðaustanátt með tilheyrandi skafrenningi og blindhríð og fleiri svona staði má nefna. 


mbl.is Hvammur varasamasti hviðustaður landsins
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband