Hvílíkur "Englendinga endir"!

Tvö blogg hjá mér í röð um einn leik. Fullkomlega réttlætanlegt. Ævintýri með Víkingahróps endi!!

"Aron Einar kastar upp..." En hvílíkur endir!!

Á leiðinni hingað í Búðardal í bíl datt útsendingin á Rás 2 út örstutta stund en þegar hún kom aftur voru fyrstu orð þularins:  "Aron Einar kastar upp..." en síðan kom hann inn aftur, og af framhaldinu mátti ráða að Aron Einar hefði ekki orðið óglatt, heldur kastað botanum "upp" völlinn og fylgdi með að boltinn væri á niðurlaið og þarna væri "langur bolti" á ferð.

Sem er illskiljanlegt, því að maður hefði haldið að allir boltar væru alveg hnöttóttir en ekki mislangir. 

En,- gamanlaus, af hverju er ekki hægt að segja að boltanum sé leikið fram eða aftur og að sendingarnar seu mislangar?

Í hálfleik bjóst Eiður Smári við því að Króatar myndu haga leiknum þannig að Íslendingar þreyttu sig á hlaupum og eftir kortérs leik í síðari hálfleik virðist það alveg eins geta gerst. 

Hvað um það. Lokamínturnar núna, með tveimur dauðafærum og marki!!!!

Hrikaleg markmannsmistök króatíska markvarðarins, sem virtist halda að boltinn færi yfir. Ó, hve flott afgreiðals hjá íslenska liðinu!  

.

 

Dramatískur sigur gegn Króatíu

Það er líka "suðvesturhorn" á Vestfjarðakjálkanum.

Það er lítið með það gert vegna þess að tveir þriðju hlutar þjóðarinnar búa á "suðvesturhorni" landsins, og það þykir fréttnæmt í norðlægum og norðaustulægum vindáttum, að besta veðrið sé þá á "suðvesturhorni landsins," að þá er svipað góðviðri á öðru "suðvesturhorni".

Það er suðvestur Vestfjarðakjálkans, og einnig verður að geta þess, að veðurspáin fyrir Breiðafjörð gildir oft ekki um alla strandlengju Breiðafjarðar, heldur Barðaströnd og Vesturbyggð sér á parti. 

Gott dæmi um þetta er veðrið hér á Patreksfirði um þessa helgi, bjartviðri og sólskin. 

Suðvesturhorn Vestfjarða nýtur nefnilega skjólsins af hálendi Vestfjarðakjálkans.

Til dæmis má nefna, að þegar allir flugvellir á norðanverðu landinu eru lokaðir í norðan stórhríð, er Bíldudalsflugvöllur eini flugvöllurinn á þessu svæði, sem er opinn. 

Þess vegna myndi það skapa Vestfirðingum alþjóðaflugvöll sem væri opinn allan sólrhringinn ef slíkur völlur yrði gerður hér á Patreksfirði og frá honum góð heilsárstenging á landi til Ísafjarðar. 

Læt hér fylgja með myndir frá hátíðarhöldunum í dag, en eftir eftirminnilega og hjartnæma messu með fjöldasöng frá hjarta allra kirkjugesta, var farið í skrúðgöngu og lagðir blómsveigar að þremur minnisvörðum hér. 

Tengslin við hafið og lífsbjörg þess eru afar sterk og þess vegna bæði upplifun og sálarefling fólgin í því að koma hingað vestur og drekka í sig sögu genginni kynslóða og lífsbaráttu þeirra, sem skóp þjóðinni þann auð sem hún býr við. 

Í kirkjunni og við samkomur hér vestra er ekki þurrð á tónlist og ljóðum fólks héðan, svo sem Jenna Jóns, Jóns úr Vör og Steingríms Sigfússonar. 

Og ekki ónýtt þegar heil helgi umvefur söng og hljóðfæraslátt með þvílíku blíðviðri og hér ríkir þessa vordaga.

Afsakið að ein myndin birtist fyrir handvömm tvisvar hér á síðunni.  

Besta veðrið á suðvesturhorninu

Slæmir stjórnendur velja sér oft slæma ráðgjafa.

Ráðgjafar svonefndir segja oft sögu af þeim sem þeir gefa ráð. Yfirleitt velja hæfir og góðir stjórnendur sér góða ráðgjafa og dæmin um slæma ráðgjafa eru mýmörg. 

Síðustu 15 árin sem Henry Ford eldri réði yfir bílaverksmiðju sinni lét hann Harry nokkurn Bennett fá æ meiri völd til ills eins. 

Bennett sá um öryggismál og samskipti við starfsmenn á þann hátt að illræmt varð. 

Með því að fara meira eftir því sem Bennett sagði en Edsel Ford, sonur Henrys, varð veran hjá Ford smámsaman ofviða Edsel sem lést langt um aldur fram. 

Þegar Henry Ford yngri tók við rak hann Bennett, og þó fyrr hefði verið. 

Litlu munaði að Fordverksmiðjurnar færu í hundana á fimmta áratugnum, en Henry Ford yngri kunni að velja sér ráðgafa sem gátu gert endurreisnarstarfið mögulegt. 

Ég held að ýmsir íslenskir stjórnmálamenn hafi goldið þess að hafa slæma ráðgjafa. 

Stundum er eins og ráðamenn sækist eftir jámönnum sem jánka hverju sem er. 

Ég varð til dæmis þess var í samskiptum mínum við Halldór Ásgrímsson á síðustu valdaárum hans, að hann hlustaði of mikið á slæma ráðgjafa, sem báru í hann rangar upplýsingar.  

Ráðgjafar May segja af sér