40 þúsund og eitt fífl?

Þeir, sem sífellt afneita þörfinni á að draga úr notkun jarðefnaeldsneytis, hafa stagast á því að á loftslagsráðstefnum Sameinuðu þjóðanna siti samansafn fífla. 

"40 þúsund fífl í París" er vinsæl setning. 

Ef marka má þetta bjargfasta mat olíu- og koladýrkendanna hefur nú bæst við eitt fífl, David Attenborough. 

Sem sagt: 40001 fífl. 

Afneitunin er alger og í meginatriðum í nokkrum liðum. 

1. Það er engin hnattræn hlýnun. Jafnvel hröð kólnun. 

2. Ef það er hnattræn hlýnun er hún að engu leyti af mannavöldum. 

3. Í 600 milljón ár hefur koltvísýringur ekki verið minni en nú. Sem þýðir að milljarða tonna útblástur af mannavöldum ekki bara hverfur, heldur veldur því að magnið koltvísýrings minnkar í andrúmsloftinu. 

4. Ef númer 3 er rétt, þá eykst ekki súrnun hafsins, heldur minnkar hún. Enda segir Trump að vísindamenn heimsins falsi tölurnar. 

5. Það er til meira en nóg af olíu og söngur um að hún gangi til þurrðar því lygar og blekkingar.  

Mesta ógn mannkyns í þúsundir ára

Aumlegt yfirklór.

Fyrirgefningin er eitt af höfuðatriðum kenninga Krists og kristinnar trúar og gerir hana að trúarbrögðum mannskilnings, mannúðar og umburðarlyndis.

En samhliða fyrirgefningunni verður sönn iðrun og yfirbót að fylgja með. 

Barnalegar tilraunir til útúrsnúninga og aumlegs yfirklórs og málsbóta eru ekki til þess fallnar að lækna og milda, heldur geta gert illt verra, því að með slíku er verið að breyta málinu í misskilning og vænisýki þess sem misgert er við.  

Selahljóðin „líklega stóll að hreyfast“