Nýr og hvimleiður "ósiður"?

Það þarf ekki talningu til að sjá stórfjölgun rafrettureykingafólks. Nú er það orðið að daglegu fyrirbæri að aka á eftir bíl, þar sem strókurinn stendur út um gluggann hjá bílstjóranum. 

Þar að auki hefur samanlögðum neytendum tóbaksreykinga, munntóbaks og rafretta fjölgað um sex þúsund, og enda þótt margt rafrettureykingafólkið hafi hugsanlega stuðlað að fækkun tóbaksreykingafólks um 5500 á þremur árum, er fjölgun rafrettufólksins um meira en 9000 athyglisverð. 

Þessi hraða þróun vekur nefnilega áleitnar spurningar, til dæmis þá, hvort nikótínfíkn fari vaxandi og greiði jafnvel leið fyrir niktótínfíkn "bakdyramengin" inn í þjóðfélagið og dragi þar með úr þeirri jákvæðu hlið, að tóbaksreykingafólk geti hætt sínum heilsuspillandi reykingum.  

Ávanabinding er nefnilega margslungið fyrirbæri og þarf ekki einu sinni fíkn með beinumm líkamlegum áhrifum til. 

Þar getur sá, sem þetta skrifar trútt um talað, því að í mars í vor náði hann því langþráða takmarki að hætta að naga neglurnar eftir sjötíu ára samfellda baráttu við þennan ósið, sem hefur valdið honum miklum leiðindum og oft vandræðum, og hann hefur skammast sín mikið fyrir. 

Naglanag getur nefnilega orðið sérlega illvígt og neglurnar beinlínis nagaðar í tætlur, framan frá, á hlið, jafnvel neðan frá og aftan frá, auk hvimleiðs nags á annnöglunum.

Ósiðir af þessu tagi og hvers kyns ávanabindandi hegðun sækir oft sem viðbrögð við spennu eða álagi, til dæmis kaffiþamb eða neysla koffíndrykkja, svo að ekki minnst á áhrif sjálfs konungins, Bakkusar.    

 

Þeim sem nota rafrettur stórfjölgar

Stór bréf þarf fyrir stór mál.

Stærð bréfs Kim Jong-un til Bandaríkjaforseta hefur vakið athygli en þarf þó ekki að koma á óvart, því að það er stórmál fyrir Kin Jong-un og harðstjórn hans að halda völdum í Norður-Kóreu.

Í augun stjórnarherranna falla öll raunar öll önnur mál í skuggann.

Fidel Kastro á Kúbu gaf fordæmið með því að sitja af sér ellefu Bandaríkjaforseta, enda þótt sagt væri að fleiri banatilræði hafi verið gerð við Kastró en nokkurn annan ráðamann þessa langa tímabils í sögunni. 

Með því að koma sér upp samningsaðstöðu með Kúbudeilunni svonefndu, tókst Fiedel og Sovétmönnum að fá óformlegt loforð Bandaríkjamanna um að ráðast ekki inn í landið, gegn því að hætt yrði við að setja upp eldflaugakerfi á eyjunni. 

Eitt af því sem gerir Norður-Kóreumálið erfitt og snúið, er að svipað gildir um alþjóðastjórnmál og stjórmál almennt, - þau snúast um traust. 

Stefna Kim og slekts hans hefur snúist um geti treyst loforðum um láta Kim í friði, ef Norður-Kóreumenn afsala sér kjarnavopnum sínum og eldflaugum til að skjóta þeim.

Meðan þessum vopnum er ekki öllum eytt á tryggilegan hátt hafa Norður-Kóreumenn ákveðna samningsaðstöðu, sem heldur málinu föstu. 

En án samninga verður landið áfram í úlfakreppu fátæktar og þrenginga.  

Kim sendi Trump „risastórt“ bréf

17 stig í háfjallasól.

Það var þvílík blíða í flugferð frá Rangárvöllum til Sauðárflugvallar í gær, að það er úr nógu að moða til að setja á blogg og facebook næstu daga. 

Við völtun vallarins, sem tekur heilan dag vegna fjölda og lengda brautanna, var ekki ónýtt að nýta sér það, að það er sóllóga á gamla fornbílnum sem dregur valtarann og hægt að sóla sig helminginn af tímanum. 

Þetta er í 660 metra hæð yfir sjó, svipað og Vífilsfellið, og Snæfell og Kverkfjöll njóta sín vel á svona dögum. 

Á austurenda flugvallarstæðisins er ágætt útsýni yfir Sauðá til Kverkfjalla. 

Þennan stað hef ég nefnt "útsýnisstað Hitlers" í bók, sem ég hef haft í smíðum og fjallar um þýska jarðfræðiprófessorinn Emmy Todtmann, sem fór alls þrettán ferðir til Íslands til mestan part að rannsaka Brúarjökul og sköpunarverk hans. 

Allt að 20 stiga hiti fyrir austan