Bandarískur Sumarliði og sjálfviti kastar úr glerhúsi.

Texti Bjartmars Guðlaugssonar "Sumarliði fullur" kemur ansi oft upp í hugann þegar Donald Trump lætur vaða á súðum. Trump er þó að því leyti til verri en Sumarliði, að ekki er hægt að kenna drykkjuskap um stóryrði hans, hroka og yfirlæti. 

Sumarliði vissi allt miklu betur en allir aðrir, skildi allt og vissi allt miklu betur en fúll á móti klykkti oft út með "haltu kjafti!" 

Trump, sem hefur límt sig við olíuseljendurna Sádi-Araba, einhverja harðsvíruðustu einvalda og mannréttindatraðkara heims, og gert sér dælt við Vladimir Pútín gas seljanda, ræðst nú með offorsi á Evrópumenn fyrir að kaupa gas af Rússum. 

Sjálfur er Trump ákafur talsmaður þess á heimsvísu að efla framleiðslu á jarðefnaeldsneyti sem allra mest og gera veg olíu- og kolaframleiðenda sem mestan, og kastar því úr afar stóru glerhúsi. 

Hellti sér yfir fundargesti

"Þegar sendingin kom" er rangt. "Þegar boltanum var spyrnt" er rétt.

Annars ágætur lýsandi leiks Englendinga og Króata sagði nú rétt áðan, að rangstaða leikmanns miðaðist við það hvar hann var "þegar sendingin kom." 

Hér var átt við það þegar dæmd var rangstaða á Harry Cane. 

Þetta er annað hvort mismæli eða hreinlega rangt. 

Rangstaða miðast við það hvar leikmaður er staddur þegar boltanum er spyrnt. 

Mikilvægt er að orðanotkun sé rétt þegar fjallað er um svona atriði, þar sem áhorfendur eru kannski ekki alltaf með allt á hreinu, ekki síst varðandi rangstöðu. 

Króatar í úrslit í fyrsta skipti

Þar kom að því. En bara á einum stað.

Eftir margra áratuga reynslu af Grjótagjá hlaut að koma að því að eitthvað yrði til bragðs að taka til þess að binda enda á umgengnina um eina af þekktustu náttúruperlum landsins sem hefur verið þjóðarskömm. 

Þá rifjast upp fjölmargar sjónvarpsfréttir um svipað, sem fluttar hafa verið. 

Geysir. Viðtal fyrir meira en 20 árum við erlendan Íslandsvin, sem segir að umgengnin um Geysissvæðið sé þjóðarskömm. Hún er það enn. 

Bithagi hesta við Laxnes fyrir 25 árum. Nauðbitið og nítt land, margir ferkílómetrar. Er það enn. 

Lakagígar fyrir um 20 árum. Einn af helstu ráðamönnum þjóðarinnar stendur fyrir margra tuga hrossa hestaferð þvert yfir viðkvæmta náttúru svæðisins í trássi við bannskilti. Ekkert var gert. 

Strútslaug um svipað leyti. 110 hestar fara í einni fjöldafeð um svæðið, sparka allt út, og menn skilja eftir mannasaur og klósettpappír. Talsmaður þessara afreksmanna telur þetta hafa verið sjálfsagt mál. "Það hefur verið riðið um þetta svæði frjáls og óhindra í þúsund ár" er svarið.

Krepputunga fyrir fimm árum. Spólað hefur verið utan vega í marga hringi í gulum vikri og stórt svæði sparkað út af bílum, sem róta þannig í vikrinum, að stór og áberandi svartur vikur undir eim gula kemur í ljós. Í umræðu á netinu var sagt að þetta væri bara hver annar sandur og ekkert við þetta að athuga. 

Listinn er mjög langur um stórfelldan uppblástur af völdum fjárbeitar á óbeitarhæfum afréttum. Frá því að þjóðargjöfinn svonefndu 1974 var kyrfilega eytt á örfáum árum hefur verið kosið þrettán sinnum til Alþingis. Ekkert hefur verið gert til að útvega Landgræðslunni lagaleg tæki til að hamla gegn þessari stóru þjóðarskömm. 

Núna heyrist viðkvæðið að það séu bara erlendir ferðamenn, sem um sé að kenna. 

Vitanlega er misjafn sauður í mörgu fé, en ótal dæmi sýna, að Íslendingar hafa reynst fullfærir um að fara svona með verðmætt land sitt.  

„Virðingarleysið er algjört“

Talsvert er um að misfarið sé með stæði hreyfihamlaðra.

Fyrir nokkrum árum var fjallað um það í allmörgum pistlum hér á síðunni hvernig stundum væri misfarið með stæði fyrir hreyfihamlaða. 

1. Fullfrískt fólk leggur í stæðin og afsakar sig með því að það "ætli að skreppa stunda stund inn." En hvernig á hinn hreyfihamlaði, sem kemur að uppteknu stæðinu að vita um það?

2. Fullfrískt fólk leggur í stæði fyrir hreyfihamlað ef annað stæði við hliðina er laust. En hvernig getur sá sem þetta gerir verið viss um hve lengi stæðið við hliðina verði autt? Afsökunin hefur hjá sumum verið sú, að stæðin séu of mörg, til dæmis við bankaútibú Lb í Hamraborg. Þegar því er bent á að nær sambyggt sé hús með fjölmörgum öldruðum, og einnig apótek og þjónusta þarna, sem veldur því að miklu fleiri hreyfihamlaðir eru þarna á ferð en annars staðar, segjast hinir ganglötu ekki hafa vitað um það. Svona eins og að þeir sem ákváðu að hafa stæðin fleiri en eitt hafi ekki vitað hvað þeir voru að gera. 

3. Verst er þegar fullfrískir aðstandendur hins hreyfihamlaða leggja bílnum í sérmerkt stæði þótt enginn hreyfihamlaður sé í bílnum, jafnvel fyrir utan Tryggingarstofnunina! Engir ættu að vita það betur en hinir nánustu hve mikils virði þessi stæði eru fyrir raunverulega hreyfihamlað fólk. Ég hef orðið vitni að því að sumir bílar með merkinu í glugganum eru sárasjaldan með hinn hreyfihamlaða um borð. Og jafnvel að merkið sé flutt á milli bíla, af því að verið sé að reka erindi hins hreyfihamlaða, sem er heima hjá sér, -eEinhver lélegasta og eigingjarnasta afsökun sem hugsast getur.  

4. "Stæði fyrir fatlaða" er ónákvæmt orð og einnig eru brögð að því að fólk herji út merki í glugga bíls síns út á sjúkdóm, sem hefur enga hreyfihömlun í för með sér. 

4. 

Nýja merkið sýnir manneskju í virkni