"Það var afleitt að við skyldum stífla skurðinn..."

Nú kemur í ljós að þessi hending úr laginu "Halló, mamma" frá 1966 hefur verið meira en fimmtíu árum á undan sinni samtíð, ef marka má ummæli landgræðslustjóra um verkefnin í landgræðslunni, sem muni taka heila öld. 

Ofangreindur lagatexti var hluti af því þegar ölvaður unglingur undir stýri á leið heim af sveitaballi er að reyna að sefa foreldra sína eftir að hafa valdið fjöldaárekstri og hvolft bílnum. Samhengið var svona: 

 

Hvað, voru þeir fleiri? Ég straujaði fjóra

og flatti Bjúkkann hans Óla stóra. 

Það skemmdist ekkert; - bara önnur hurðin; - 

en það var afleitt að ég skyldi stífla skurðinn." 

 

Nú, meira en hálfri öld síðar, leggur Landgræðslustjóri það sérstaklega til að setja í forgang að moka ofan í skurði, sem liggja meðfram vegum, og auka slysahættu. 

Var ekki seinna vænna að drífa í því að ekki sé nú talað um hve það hefði átt að samþykkja nú landgræðslulög fyrir mörgum áratugum. 

Síðuhafi hefur ekki farið yfir nýju lögin í heild, en það verður til lítils að auka sjálfbærni á sviði beitar, ef ekki verður hægt að beita viðurlögum að gagni. 

Það hefur ekki verið hægt fram að þessu, en slíkt ekki síður nauðsynlegt á þessu sviði en til dæmis í fiskveiðum. 

Er mál að þessu máttleysi linni. 

 


mbl.is Verkefni í landgræðslu taka eina öld
Tilkynna um óviðeigandi tengingu við frétt

Minnir að vissu leyti á Max-málið.

Tveir brunar í sama skólanum með tveggja mánaða millibili minnir dálítið á Boeing MAX málið. 

Einn bruni hringir ekki bjöllum og flugslys ekki alltaf, en tveir svipaðir brunar í röð og tvö flugslys í röð við eins aðstæður á sömu flugvélategund hringir bjöllum.  

Það versta við slys eða óhöpp, sem hægt væri að fyrirbyggja en gerast samt, er að ekkert sé gert fyrr en eftir að skaðinn er skeður. 

Enn verra ef það þarf tvö samskonar atvik í röð til að það hringi bjöllum og gripið sé til rannsóknar á því hvað gerðist og mótaðgerða í samræmi við það. 


mbl.is Eldsvoðinn á að „hringja öllum bjöllum“
Tilkynna um óviðeigandi tengingu við frétt

Bloggfærslur 13. maí 2019

Innskráning

Ath. Vinsamlegast kveikið á Javascript til að hefja innskráningu.

Hafðu samband