3.12.2020 | 22:42
Það þýddi lítið að sýna íshótelið í Jukkasjarvi í RÚV 2005.
Fyrir fimmtán árum hafði finnskur blaðamaður, sem kom til Íslands, greint mér frá því að í Lapplandi, sem liggur nyrst í þremur löndum, Svíþjóð, Noregi og Finnlandi, væru ferðamenn á veturna miklu fleiri en þeir væru allt árið á Íslandi.
Þegar hann var spurður hvað Lapparnir gætu selt erlendum ferðamönnum í landi, sem væru svo óralangt frá fjölmennustu löndum Evrópu og það í svartasta skammdeginu var svarið:
1. Myrkur. 2. Kuldi. 3. Þögn. 4. Ósnortin náttúra.
Við þetta mætti bæta jólasveinum í Rovaniemi.
Í ferð um Lappland 2005 í febrúar gafst færi á að skoða þessi firn, sem við Íslendingar teldum, ásamt því hve land okkar væri afskekkt, koma í veg fyrir ferðaþjónustu á veturna.
Meðal þess, sem skoðað var, var hið stórkostlega íshótel í Jukkasjarvi, sem er Svíþjóðarmegin í Lapplandi og ekki langt frá Kiruna og Gellivara sem allir Íslendingar lásu um í landafræðinni vegna hinna merkilegu járnnáma þar.
Margt fleira var skoðað og myndað, svo sem allt umstangið i kringum "Land jólasveinsins" í Rovaniemi, en um miðja síðustu öld var straumur bréfa evrópskra barna til "jólasveinsins á Íslandi" talið óæskilegt og jólasveininum vísað af höndum okkar í framhaldinu.
Gerðar voru tveir eða þrjár fréttir um þessi mál til dæmis borið saman, hve miklu fjölbreyttara land jólasveinsins væri á Íslandi en í Finnlandi, því að til dæmis á Austurlandi væri ekki aðeins að væru frosin vötn og skógar auk hreindýra, heldur eldfjöll, Grýla, Leppalúði og allir jólasveinarnir og álfarnir.
Fréttaflutningurinn féll í grýtta jörð, jafnvel þótt á það væri bent að það væri lengra fyrir ferðamenn frá stórþjóðunum að fara til Lapplands en til Íslands.
Ótrúlegt íshótel í Svíþjóð | |
Tilkynna um óviðeigandi tengingu við frétt |
Bloggar | Breytt s.d. kl. 22:53 | Slóð | Facebook | Athugasemdir (0)
3.12.2020 | 13:34
Allar slembitölur eru jafn fordæmalausar til lengri tíma litið.
Þekkt er dæmisagan af sjóliðanum á orrustuskipi, sem var í bardaga og hann stillti sér upp við gat á þilfarinu sem kom frá skoti óvinaskips.
Spurður af þvi hvers vegna hann gerði þetta svaraði hann: "Líkurnar á því að önnur kúla lendi á sama stað eru einn á móti þúsund og þess vegna er þetta gat öruggasti staðurinn á skipinu til að standa á."
Ný könnun á vali fólks á talnaröðum fyrir lykilorð á ýmsum hlutum hefur sýnt að röðin 1-2-3-4-5 er algengust.
Þess vegna er það kannski ekkert ólíklegra að slík tala komi upp í lottódrætti en hver önnur, og ef að margir hafi valið sér svona talnaröð, muni margir fá vinning.
5, 6, 7, 8, 9 og 10 vekja furðu | |
Tilkynna um óviðeigandi tengingu við frétt |
Bloggar | Breytt s.d. kl. 14:55 | Slóð | Facebook | Athugasemdir (0)