Útkoman á þessari næst stærstu ferðahelgi sumarsins verður mikilvæg.

Það er líkt og hvítt og svart að fara norðurleiðina frá Reykjavík á þessum laugardegi eða laugardegi fyrir þremur vikum, svo margföld er umferðin núna og líflegat um að litast á áningarstöðum. 

En það er ekki sjálfgefið að þetta sleppi núna, þegar haft er í huga hve alvarlegt ástandið varð í Vestur-Húnaþingi í vor. 

Á Akureyri hefur stór hópur fólks gefið frat í hindranir á átta þúsund manna knattspyrnumóti; varnir, sem sóttvarnarlæknir taldi nauðsynlegar til þess að falla ekki aftur í sama far og á útmánuðum. 

Vonandi sleppur þetta án þess að menn fari á fullu í gamla íslenska farið og treysti endalaust á máltækið: Þetta reddast. 

Myndir úr þessum nýbyrjaða leiðangri verða að bíða þar til eftir helgi.


mbl.is Reynt á þolmörk samkomubanns í Básum
Tilkynna um óviðeigandi tengingu við frétt

COVID-19 áhrifin smjúga víða.

Áhrifin af COVID-19 koma mishratt fram og eiga líklega eftir að breiðast víðar og harkalegar út. 

16 prósent samdráttur í sölu sjávarafurða er grafalvarlegt mál og má nefna tvær ástæðut þess. 

Í fyrsta lagi hefur það verið von manna að góð staða útvegsins, mikil samkeppnishæfni og löng hefð hans gæti myndað góða viðspyrnu þegar svo margt annað hefur orðið illa úti. 

Í annan stað er 16 prósent minnkun alvarleg tala vegna þess að hún er svona há þrátt fyrir lækkun krónunnar. 

Því miður varð hrunið í þjónustu við erlenda ferðamenn strax í upphafi faraldursins, en óvissan varðandi vaxandi áhrif veikinnar á öðrum sviðum þjóðlífs og efnahagslífs er öll á aðra hliðina; ekki spurning um hvort, heldur hve mikið og hve víða. 


mbl.is Útflutningsverðmæti sjávarafurða dregst saman
Tilkynna um óviðeigandi tengingu við frétt

Hreinir rafbílar og léttbifhjól stökkva hátt.

Þegar litið er á nýjasta yfirlit yfir selda nýja bíla á Íslandi síðustu 18 mánuði, sýnir græn lína seldra hreinna rafbíla, að sala þeirra hefur meira en tvöfaldast, úr 17 prósentum í rúm 42 prósent, en bláar línur, sem sýni selda hybrid-bíla og tengiltvinnbíla, (PHEV) eru á svipuðu róli allan tímann í kringum 15 prósentin. 1216717

Fyrirsögn þess efnis, að aðalfréttin sé sú, að sala tengiltvinnbíla hafi aukist jafnt og þétt þarfnast því skýringar. 

Annað línurit, sem lesa má úr tölum Samgöngustofu um nýskráningar léttra bifhjóla síðustu fimm og hálft ár, er athyglisvert. 

Þar sést að nýskráningar léttra bifhjóla hafa tekið risastökk á á árinu 2019 og fyrri hluta 2020. 

NýsLétt bifhjól nýskráningarkráningarnar voru 16 árið 2018, rúmlega tvöfölduðust upp í 33 2019 og voru á fyrri hluta þessa árs orðnar ellefu sinnum fleiri en þær voru allt árið 2018. 

Spurningin er sú, hvort og þá hvaða breytingar á skráningarreglum hafi átt þátt í þessari miklu fjölgun.   


mbl.is Hlutfall tengiltvinnbíla eykst jafnt og þétt
Tilkynna um óviðeigandi tengingu við frétt

Bloggfærslur 4. júlí 2020

Innskráning

Ath. Vinsamlegast kveikið á Javascript til að hefja innskráningu.

Hafðu samband