8.7.2020 | 18:17
Hrist upp í aðgerðunum vegna COVID-19.
Svo er að sjá, að það rót, sem bratthvarf Íslenskrar erfðagreiningar frá skimunum á landamærum hafi hrist upp í aðgerðunum, sem hafa verið í gangi vegna opnunar landamæra landsins fyrir ferðafólki, erlendu og innlendu.
Í ljós virðist vera að koma, að mismunandi mat og sýn þeirra, sem við þetta fást séu að koma fram í því að þessi ólíku og athyglisverðu sjónarmið séu sett fram opinberlega og skapi með því umræðu og tillögur um það, hvort og hvernig tilhögun aðgerðanna verði háttað.
Kannski hefði stefnt í þetta hvort eð er, þótt Kári hefði dregið sig seinna í hlé, því að málið snertir og hefur áhrif á heilbrigðiskerfið í heild sinni og það, hvernig takmörkuðum mannafla og fjármunum er varið.
Skimanir á landamærum sóun á almannafé | |
Tilkynna um óviðeigandi tengingu við frétt |
Bloggar | Slóð | Facebook | Athugasemdir (1)
8.7.2020 | 08:42
Hver er reynslan erlendis?
Nýtilkominn vandi vegna umferðar á rafhlaupahjólum er ekki aðeins íslenskt fyrirbrigði, heldur hefur þetta "æði" breiðst út um alla Evrópu og notkun þeirra er í mikilli gerjun.
Ef rétt er munað, fjallaði þýska þingið nýlega um málið og komst að þeirri niðurstöðu, að helst ætti að nota þær á akbrautum en síður á gangstéttum.
Ef fleiri gögnum er flett upp um stöðu mála þar í landi, virðist málið þó enn vera á dagskrá þar, og í öðrum löndum vera á svipuðu æskustigi og myndin hér við hliðina gefur til kynna.
Skilgreindur mumur á rafhlaupahjólum og rafreiðhjólum felst í því, að staðið er á hlaupahjólunum en setið á reiðhjolunum.
Eðli málsins samkvæmt hefði mátt halda, að úr því að rafhlaupahjólin taka næstminnsta rýmið í umferðinni, og aðeins gangandi maður taki minna rými, ætti forgangsröðin að vera, þar sem þessi umferð blandast saman, svipuð og var upphaflega í fluginu, að svifflugur og loftför, sem ekki eru vélknúin, hefðu forgang fram yfir öll önnur loftför.
Notkun hlaupahjólanna er enn á frumstigi þróunar í flestum löndum, en gagnlegt gæti verið að hér á Fróni yrði hugað að því sem er að gerast erlendis í þessum efnum, með svipuðu hugarfari og hefur verið kjörorð í flugnámi: "Lærðu af mistökum annarra, því að annars muntu aldrei lifa það af að gera þau öll sjálfur."
Rafskúturnar minna á villta vestrið | |
Tilkynna um óviðeigandi tengingu við frétt |
Bloggar | Breytt s.d. kl. 08:58 | Slóð | Facebook | Athugasemdir (3)