Vonandi ekki sápuópera eða leðjuslagur í talningarmálinuú

Á fyrstu stigum talningarmálsins í Borgarnesi á dögunum virtust flest atriði benda til þess að hægt væri að komast að sæmilegri niðurstöðu sem byggðist á staðreyndum, sem kæmu fram í rannsókn þess og málarekstrinu. 

Nú eru að vera liðnar fjórar vikur frá kosningunum og því miður er kominn eins konar sápuóperu- eða leðjuslagskeimur af ýmsu. 

Svo sem misvísandi álit deiluaðila á því hvort kjörgögnin hafi verið sýnileg á vefmyndavélum allan tímann þannig að hægt sé að skoða það eftir á með óyggjandi hætti hvort einhver hafi komist í tæri við þau. 

Nú ber mönnum ekki einu sinni saman um það, að enda þótt ekki væri farið eftir ákvæðum um að innsigla kjörkassana, hafi í einu ög öllu verið farið að lögum.  

Málið stefnir stöðugt í þá átt að verða æ einstæðara, enda hefur verið nefnt í því samhengi, að líkurnar á því að hið dæmalausa og umfangsmikla dómínófyrirbrigði færi í gang væru einhverjar þær einstæðustu sem gætu átt sér stað. 


mbl.is Ingi svarar: Órökstuddar aðdróttanir
Tilkynna um óviðeigandi tengingu við frétt

Tímanna tákn, gamall kunningi kvaddur.

Bensínstöð Olís neðst við Háaleitisbraut var sú bensínstöð, sem var næst heimili síðuhafa í þau 29 ár, sem hann átti heima þar skammt frá. 

Fyrstu árin evar mikið verslað þar, enda hverfið stútfullt af barnafjölskyldum. Síðan hófst rólegt samdráttarskeið samfara því sem börnin uxu og fluttu burt, götunni var breytt úr breiðgötu með miklum hraða og tilheyrandi umferðarslysum, í rólega og bugðótta götu í tvennu lagi og auk þess voru alls fimm bensínstöðvar á svæðinu. 

Bílar hafa orðið sparneytnari og þörfin á að kaupa eldsneyti á þá hefur minnkað.

Þótt bensínbílum virðist lítið fækka enn sem komið er, þrátt fyrir fjölgun rafbíla, liggur fækkun bensínstöðva í loftinu, hún er tímanna tákn. 


mbl.is Íbúðarhús í stað bensínstöðvar
Tilkynna um óviðeigandi tengingu við frétt

Bloggfærslur 21. október 2021

Innskráning

Ath. Vinsamlegast kveikið á Javascript til að hefja innskráningu.

Hafðu samband