Hve löng er "röðin" í raun í bólusetningunum?

Orðalagið "til gamans" í viðtengrdi frétt á mbl.is bendir til þess að það að gefa fólki hugmynd um hve framarlega það sé í bólusetningaröð sé eins konar samkvæmisleikur. 

Ýmsir óvissuþættir hafa verið nefndir að undanförnu varðandi endanlegan fjölda bólusetninga, svo sem að hægt sé að komast hjá því að bólusetja alla, heldur hætta talsvert löngu áður en slíkum áfanga sé náð. 

Hugtakið hjarðónæmi hefur verið nefnt í því sambandi og einnig að bólusetja eftir slembiúrtaki, og þar að auki hefur verið nefnt að stórum hluta þjóðarinnar verði leyft að velja um hvort hann verði bólusettur eða ekki.  

„Þú ert númer 156669 í röðinni!“

Langur sýningarsalur eins af vorboðunum.

Fyrsti maí er fyrst og fremst dagur verkalýðsins og launþega en bæði í ár og í fyrra olli plágan því að fella varð niður hinar hefðbundnu fjöldasamkomur dagsins.  Vonandi ekki framar. 

Þó var ekki alveg laust við að vorboðar þessa dags væru á stjái, því að hægt var að fara í árlegan fjöldaakstur Sniglanna, bifhjólasamtaka lýðveldisins, sem heppnaðist vel að vanda. 

Þátttakendum var skipt nður í 50 manna hópa, og í akstrinum sjálfum sá eðli máls, fjarlægð á milli hjólanna og hjálmanotkun knapanna um það að viðhalda fjarlægð og tryggja sóttvarnir. 

Ótal merkileg og glæsileg hjól mátti sjá í þessari löngu röð á leiðinni frá Laugavegi upp á lóð Bauhaus.  

Sum hjólin eru lúxus ferðahjól allt að hálft tonn að þyngd með hvers kyns þægindum, en svo mátti líka finna vélhjól, sem eru sérhönnuð fyrir jafnt hraðbrautir, borgarumferð og umferð bæði á malbikuðum brautum sem á torfærum jeppaslóðum.  

Fjölhæfustu hjólin sem sjá mátti í ökuferðinni í gær eru líklega hin indversku Royal Enfield Himalayan.

Eins og nafnið bendir til eru hönnuð fyrir gríðarlega fjölbreytni í öllum heimsálfum, jafnframt því að vera einföld, sterk, ódýr, langdræg og notadrjúg næstum hvar sem er.  

Hjólin eru bæði sterk og létt, innan við 200 kíló, með eins strokks 411 rúmsentimetra hreyfil sem eyðir aðeins um þremur lítrum á hundraðið. 

Hámarkshraðinn er 130 km/klst. 

Löng fjöðrun og framhjól með tommu felgu að framan tryggir stýrishæfni í torfærum, og til að auka endingu hreyfilsins er hámarkssnúningshraði hans óvenjulega lágur og togið jafnt og mikið.  

Búið er að fara á þessum hjólum um allt hálendið að sögn eigendanna sem róma fjölhæfni þeirra.  

Þau eru aðeins eitt af hundruðum dæma um þann glæsileik og fjölbreytni sem þátttakendurnir í dag nutu í ríkum mæli í hinum árlega hópakstri Sniglanna. 

„Hvað er sýnilegra en 1.000 mótorhjól?“

Kon-Tiki og víkingaskipin; gargandi tæknisnilld!

Færa má líkur að því að ef nútíma siglingamálastofnanir hefðu verið starfrækt fyrir þúsundum ára hefðu hvorki Kon-Tiki flekinn né víkingaskipin fengið haffærnisskírteini til þess að fara tímamótaferðir sínar um heimshöfin.  

Til dæmis er í báðum tilfellum um það að ræða, að þessar fleytur væru ekki nógu sterkbyggðar miðað við nútíma styrleikakröfur, heldur væri hreyfing innibyggð í þau sjálf sem benti til þess að þau væru of veikbyggð. 

Kon-Tiki var byggður upp með burðarvirki, sem fólst í flókinni samsetningu á stögum og þótti gagnrýnendum þess fyrirkomulags þetta kerfi vera bókstaflega allt of laust í reipunum.

Vegna slíkra athugasemda þorði Thor Heyerdal ekki annað en að fara eftir aðfinnslum um það að Kon-Tiki flekinn yrði hertur upp til þess gefa í engu eftir haföldunni.  

Þegar síðan var lagt í hann á flekanum fór þannig fljótlega, að stögink, em héldu honum saman, átu sig inn í viðinn við álagið, þannig að flekinn hefði nagast í sundur við langsiglningu. 

Var því horfið aftur til þess horfs, sem verið hafði í upphafi, að stögin væru stillt þanngi, að þau létu eftir álagi haföldunnar og flekinn hreyfði sig á svipaðan hátt og vængir nútíma farþegaþotna gera í ókyrrð og álagi. 

Svipað er að segja um víkingaskipin, að innbyggð í þau er geta þeirra til þess að aðlaga sig haföldunni á siglingu upp að vissu marki og bæði þola hana betur til lengdar og smjúga betur í gegnum öldurnar. 

Flutt nokkra metra fyrir milljarð