Afganistan og Vietnam: Löngu töpuð spil.

Sovétmenn beygðu sig fyrir því eftir innrás í Afganistan að vonlaust væri að halda yfirráðum yfir þessu ógreiðfæra landi, jafnvel fyrir risaveldi. 

Viss hliðstæða var 1954 í Vietnam þegar Frakkar áttuðu sig á því eftir tap orrustunnar við Dienbienfú að stríð þeirra var tapað.  

Í báðum tilfellum stigu Bandaríkin á sviðið. 

Þau reyndu, eins og Joe Biden talar um nú varðandi Afganistan, að eyða miklum fjármunum og veru "ráðgjafa" í að halda leppstjórn við völd í Suður-Vietnam.

Það var vonlaust í Víetnam og mun verða vonlaust í Afganistan. 

Eins og venjulega telur Donald Trump að hann hefði ekki tapað stríðinu frekar en neinu öðru á hans ferli.

 


mbl.is Trump segir aðgerðir Biden óásættanlegar
Tilkynna um óviðeigandi tengingu við frétt

Eitt af varanlegum baráttumálum 21. aldarinnar: Stríð við veirur og sýkla.

Öll heimsbyggðin horfist í augu við nýjan og varanlegan langtímaveruleika; svipaðan þeim, sem mannkynið hefur háð frá örófi alda; stríðið við veirur og sýkla. 

Alvarleika þess má sjá í litlu, en þó stóru dæmi hvað snertir það að skurðaðgerðir Landsspítalans eru lamaðar að hálfu vegna áhrifa bardagans við kórónuveiruna skæðu. 

Þegar Þórólfur Guðnason og aðrir helstu sérfræðingar okkar tæða um langtímaaðgerðir, er best að leggja vel við hlustir. Þeir sögðu svipað þegar fyrir 30 árum, en fengu litla áheyrn. 

Nú verður ekki lengur hjá henni komist, og það á heimsvísu. Við blasir að mikið umrót er í heilbrigðiskerfinu sem kallar á stanslausar breytingar til þess að bregðast við breyttum aðstæðum, sem til dæmis aukinni gjörgæslu vegna COVID-19 sem raskar hlutföllum á milli mismunandi sviða í heilsugeislunni.  


mbl.is Boðar langtímaaðgerðir innanlands
Tilkynna um óviðeigandi tengingu við frétt

Vel heppnaður þáttur hjá Páli í í kvöld.

Fyrirkomulag nýs umræðuþáttar um þjóðmál undir stjórn Páls Magnússonar tókst bara vel í kvöld og kaflaskiptingin liðkaði fyrir góðri útkomu. 

Páll, sem er hokinn af fjölbreyttri reynslu að aftan og framan og allt um kring í pólitíkinni, virðist vera á heimavelli í þessu eftir að sloppið úr verunni hjá Goðmundi á Glæsivölllum svipað og Grímur Thomsen forðum, sem lýsti því með þessum orðum: "Kalinn á hjarta þaðan slapp ég."

Katrín sýndi vel lagni sína í umgengni við aðra, sem hefur skilað henni meira trausti í skoðanakönnunum en sést hefur síðan Steingrímur Hermannsson var "vinsæll og vissi´af því."


mbl.is „Heilbrigðisstefna Marteins Mosdals“
Tilkynna um óviðeigandi tengingu við frétt

Bloggfærslur 12. ágúst 2021

Innskráning

Ath. Vinsamlegast kveikið á Javascript til að hefja innskráningu.

Hafðu samband