Athyglisverðar vangaveltur Skrúðsbóndans um makrílinn, súluna og lundann.

Makríllinn er tiltölulega nýkominn í íslenska lögsögu.  Af því leiðir, að tilkoma hans hafi einhver áhrif á lífríkið. 

Í sjónvarpsþættinum "Náttúran mín" á RÚV í gærkvöldi sem fjallaði um mann þann, sem hefur gert eyðieyjuna  Skrúð að sinni náttúru, viðraði hann ýmsar fróðlegar athugasemdir um vangaveltur sínar vegna tilkomu makrílsins í íslensku lífríki. 

Þess á meðal var stórfjölgun súlu í eyjunni og áhrifin á lundastofninn, sem eru versnandi skilyrði fyrir hann.   

Í þessum áhugaverða þætti komu fram ýmsar hliðar þess hvernnig maðurinn staðsetur sig í náttúrunni, eins og nafn þáttarins bendir til.   


mbl.is Segir Íslendinga stefna að „makrílkrísu“
Tilkynna um óviðeigandi tengingu við frétt

6,2 km undir Eldvörpum.

Fyrir suðvestan Svartsengi liggur ríflega tíu kílómetra þráðbein gígaröð, sem nefnist Eldvörp. Eldvörp. Reykjanes fjærst.

Þau liggja á svo beinni línu, að þau eiga sér ekki jafnoka nema farið sé austur í Lakdagíga. 

Gígaröðin segir sína sögu um það, sem nú er á ferðinni á þessu svæði allt norðaustur til Meradala, og er eitt af því sem gefur til kynna stærð þess viðfangsefnis sem nýjar aldir eldvirkni á Reykjanesskaga geta fært íbúum hans. 

Skjálfti í morgun af stærðinni þremur beint undir Eldvörpum er að vísu hvergi nærri eins nálágt yfirborðinu og hraunkvikan undir Meradölum var dagana fyrir gosið þar. 

Nú er bara að vona það, að ekki stefni í nýja útgáfu af Eldvörpum á svæðinu næst Grindavík og Svartengi heldur verði eldurinn áfram á svipuðum slóðum og hann hefur verið í gosunum í fyrra og i ár. 

 


mbl.is Þriggja stiga skjálfti sjö kílómetra frá Grindavík
Tilkynna um óviðeigandi tengingu við frétt

Bloggfærslur 8. ágúst 2022

Innskráning

Ath. Vinsamlegast kveikið á Javascript til að hefja innskráningu.

Hafðu samband