28.1.2010 | 10:23
Hættulegt að hugsa um jafntefli.
"Íslenska liðinu dugar jafntefli." "Þriggja marka tap getur dugað." "Hagstæð önnur úrslit geta dugað."
Hugarfarið í ofangreindum þremur setningum getur verið varasamt ef það síast inn í undirmeðvitund íslenska landsliðsins í handbolta í leiknum við Norðmenn í dag.
Í tveimur leikjum liðsins kom í ljós hve stutt er á milli þess að vinna með einu marki eða gera jafntefli og það er alveg jafn lítill munur á því að gera jafntefli og tapa.
Íslenska liðið fór greinilega inn í síðustu leiki sína með því hugarfarið að vinna og sama hugarfar mun reynast þeim drýgst í leiknum við Norðmenn í dag.
EM: Sama munstur og 2002? | |
Tilkynna um óviðeigandi tengingu við frétt |
Athugasemdir
Rétt hjá þér Ómar. Í guðanna bænum hættið þið fjölmiðlamenn og allir hinir að hamra á þessu í tíma og ótíma. Sem betur fer eru strákarnir einbeittir í þessu verkefni sínu og eru ekkert að hugsa um annað en sigur í þessum leik sem öðrum. Þeir eru ekki að hugsa um ef og kannski ef, né heldur að leggja það í hendurnar á öðrum liðum að ráða því hvort þeir fara áfram eður ei.
Þeir ætla sjálfum sér þá ánægju og þann árangur.
Viðar Friðgeirsson, 28.1.2010 kl. 11:14
Tek undir með ykkur, Viðari og Ómari
Gunnar Th. Gunnarsson, 28.1.2010 kl. 13:10
Þetta er alltaf það fyrsta sem kemur upp í huga fréttamanna.Eins og þeir vilji að liðið reyni að sleppa létt frá leiknum.
Áfram Ísland
ekkert nema sigur
Haraldur G Magnússon, 28.1.2010 kl. 14:18
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.