Vaxandi órói í kvöld.

Nú er óróinn aftur að aukast eftir smá lægð í kjölfar síðustu hrinu, og skjálftar upp undir tvö stig í Kötluöskjunni. Ég var á ferli austur við Hellu og Hvolsvöll nú síðdegis og Mýrdalsjökull þakinn nýföllnum hvítum snjó.

En hitinn sem undir kraumar er hins vegar síst að minnka ef marka má skjálfta og óróa. 

Fara yfir áætlanir um viðbrögð

Athugasemdir

[Guðrún María Óskarsdóttir., 7.9.2011 kl. 23:40]

Sæll Ómar.

Sé að þú liggur yfir óróamælunum eins og sú er þetta ritar.

kv.Guðrún María.

[Jón Frímann Jónsson, 8.9.2011 kl. 00:40]

Það hefur verið vindur að aukast á svæðinu. Ég hef ekki séð að óróinn hafi verið að aukast núna í kvöld. Þó hefur eitthvað verið um jarðskjálfta (smáa), en mig grunar að færri jarðskjálftar komi fram vegna verra veðurs, sem dregur úr næmni jarðskjálftamæla í kringum Kötlu.

Hinsvegar er ljóst að þarna er eldgosa undirbúningur í gangi. Núna er spurningin bara hvenar, en ekki hvort að það gjósi í Kötlu.