Gætu lifað samtals í 2240 ár !

Það getur verið bæði skemmtilegt, uppllýsandi og gefandi að leggja saman aldurstölur eins og gert er í frétt á mbl.is varðandi samanlagðan aldur systkinahóps sem reynist vera 882 ár.

Ég fór að skoða að gamni mínu hve mörg æviár samtals mætti búast við að afkomendur okkar Helgu gætu lifað, ef gengið er út frá 80 ára meðalaldri í hópnum.  

Það er einfalt reiknisdæmi í hópi sem í eru 7 börn og 21 barnabarn, alls 28 manneskjur:  

28 x 80 = 2240 ár! 

Svipuð æviáratala og hjá manni, sem hefði lifað frá árinu 228 fyrir Krists burð til dagsins í dag ! 

Þegar maður veltir upp svona tölu og einnig því að þessi börn og barnabörn eiga eftir að lifa meirihlutann af þessum árum, nánar tiltekið í 1430 ár, verða peningaáhyggjur og jarðneskar eignir í dauðum hlutum næsta lítils virði.

1430 æviár er svipuð æviáratala og væri hjá manni, fæddum næstum 300 árum fyrir landnám Íslands, ef hann væri enn á lífi!

Kannski skilur maður ekki orðið barnalán til fulls og áttar sig á mestu verðmætunum, sem hægt er að skapa, fyrr en maður skoðar svona reikningsdæmi.

Athugasemdir

[DoctorE (IP-tala skráð) 28.8.2012 kl. 15:50]

Er þetta ekki eins og að marg-telja sama peninginn... Fjölskylda með einn þúsundkall gæti byrjað á að setja hann í vasann á pabba; 1 þúsund, svo í vasa mömmu, 2 þúsund... bla bla

[P.Valdimar Guðjónsson, 28.8.2012 kl. 17:48]

Svo eru sumir í vafa hvort sé líf eftir dauðann !    Sumir vilja jú alltaf aukabónus, en þetta eitt og sér  (líf afkomenda okkar)   er  vanmetin gæfa.  Þ.e. þeirra sem eru svo heppnir að eiga börn.

[Ómar Ragnarsson, 28.8.2012 kl. 21:03]

Sumir þeirra sem ekki voru "svo heppnir að eignast börn" gætu líka leikið sér að því að spá í það samlagningardæmi hve mörg ár samtals þeir hefðu aukið ánægju annarra.