Íslands þúsund ár

30.10.2013 | 15:03

Tveir atburðir hafa gerbreytt stöðunni.

Fyrir rúmri viku vissi enginn nema að Jón Gnarr ætlaði í framboð í næstu borgarstjórnarkosningum.

Þá leit líka út fyrir að flugvallarmálið yrði svo mikið hitamál í næstu kosningum að jafnvel nýtt framboð um hann gæti komið til skjalanna.

Nú hefur hvort tveggja breyst, Jón Gnarr á förum en flugvallarmálið fryst ( þó ekki na-sv-brautin, því miður) og allt önnur staða er komin upp í einu vetfangi í borginni.

Jón Gnarr skilur eftir sig merkan feril og áhrif, þótt ekki sé nema fyrir það, að hann er fyrsti borgarstjórinn í meira en áratug, sem situr heilt kjörtímabil.

Á árunum 2002-til 2010 voru nefnilega hvorki meira né minna en sjö borgarstjórar í embætti í Reykjavík !

Meðal fylgismanna Jóns er Óttar Proppé og hann kemur fyrst upp í hugann sem arftaki Jóns, skarpur maður og snjall.

En nú er erfitt að spá um hvað tekur við og spennandi tímar framundan í borgarmálunum.

	Jón Gnarr hættir í vor
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

Framsóknar hér fylgið þvarr,
full er hún af götum,
en svakalega sveitó Gnarr,
í sexí peysufötum.

Þorsteinn Briem, 30.10.2013 kl. 15:28

Lofaði maðurinn ekki að svíkja ALLT

svo hvað er að marka hann núna?

Grímur (IP-tala skráð) 30.10.2013 kl. 15:48

Þögn reyndi Gnarrinn að rjúfa,
og rak sig - ef fréttum má trúa.
Afsögn er bezt
með athyglisbrest 
Ó  þarna er fiðrildi að fljúga!

Þjóðólfur í Frekjuskarði (IP-tala skráð) 30.10.2013 kl. 16:16

Harla ólíklegt að flugvallarmálið hafi breytt einhverju til hins verra fyrir Besta flokkinn í Reykjavík.

Þar að auki eru sumir borgarfulltrúar Sjálfstæðisflokksins fylgandi því að flugvöllurinn fari af Vatnsmýrarsvæðinu.

Og Vinstri grænir gætu myndað meirihluta með Samfylkingu og Bjartri framtíð (Besta flokknum) í Reykjavík.

20.10.1013:

Besti flokkurinn fengi sjö borgarfulltrúa

Þorsteinn Briem, 30.10.2013 kl. 17:13

20.10.2013 átti þetta nú að vera.

Samfylkingin, Björt framtíð og Vinstri grænir gætu myndað næstu ríkisstjórn, jafnvel með þátttöku eða stuðningi Pírata, samkvæmt skoðanakönnun núna.

30.10.2013 (í dag):

Nær helmingur fylgis Framsóknar farinn

Þorsteinn Briem, 30.10.2013 kl. 17:38

Gnarr er eins og Ronald Regan skemmtikraftur sem vill lífga upp á tilveruna og umgjörðina. Framboð hans í upphafi var eins og að blankur trúður kæmi að borðinu. Regan var orðinn leiður á Hollywood en Gnarr á borginni og stjórnmálum. Regan gerði stjórnmálin að áskorun og kjósendur sína ánægða. Hvar sem hann kom lyftist brúnin á mönnum.

Aukning á gjöldum borgarinnar umfram verðhækkanir hefur líklega fyllt mælirinn. Gnarr var orðinn áhyggjufullur. Borgarsirkusinn varð honum ofjarl þar sem ekki sást til sólar. Stjórnmálamenn eins og trúðar vilja sá árangur, bros á vör eftir erfiðið. Áhyggjuefni að enginn vill leysa málin fyrir okkur. Létta gönguna, minnka byrðar.

Jóns Gnarr verður getið sem borgarbarns sem vildi vel. Reynsla hans á eftir að koma honum að góðu gagni í nýjum verkefnum. Gnarr myndi lífga upp á RÚV sem ekki hefur sýnt góðan skemmtiþátt lengi.

Sigurður Antonsson, 30.10.2013 kl. 17:40

"Gnarr var orðinn áhyggjufullur."

Harla einkennileg fullyrðing í ljósi þessarar nýlegu skoðanakönnunar:

20.10.2013:

Besti flokkurinn fengi sjö borgarfulltrúa

Þorsteinn Briem, 30.10.2013 kl. 17:53

"Gnarr er eins og Ronald Regan skemmtikraftur sem vill...", skrifar Sigurður Antonsson.

OMG, maður upplifir alltaf of mikið af asnalegum ummælum hér á klaka-blogginu.

Haukur Kristinsson (IP-tala skráð) 30.10.2013 kl. 18:03

Haukur

Ekki veit ég hvernig klakinn er í Sviss. Væri ekki nær fyrir þig að lýsa betur hvaða reynslu þú hefur af stjórn borgarinnar. Bera þau saman við Mið-Evrópu borgarrekstur, þar sem þú þekkir best til. Það er ekki verið að tala niðrandi um leikara. Þeir hafa mjög víða komið við í stjórnmálum og oft gert vel.

Það hlýtur að vera áhyggjuefni fyrir borgarstjórann að sveitafélagið með mestu tekjurnar af atvinnulífinu skuli vera jafn illa statt. Jón Gnarr segir að borgin hafi í hans tíð þurft að ganga í gegnum mestu erfileika allra tíma. Steini Briem, sérð þú ekki áhyggjusvipinn á borgarstjóranum?

Sigurður Antonsson, 30.10.2013 kl. 20:26

Gríðarleg uppbygging verður hér í Reykjavík næstu árin.

Reist verður stórt hótel og fleiri stórhýsi við tónlistar- og ráðstefnuhúsið Hörpu, fjöldinn allur af íbúðarhúsum verða byggð við Gömlu höfnina og Skerjafjörð, þar sem nú er NA/SV-braut Reykjavíkurflugvallar.

Íbúðir verða einnig reistar í til að mynda Úlfarsárdal og um þrjú þúsund leiguíbúðir hér í Reykjavík næstu fimm árin.

17.10.2013:

Um þrjú þúsund nýjar leiguíbúðir í Reykjavík

14.6.2013:

Lóðir í Úlfarsárdal og Reynisvatnsási boðnar út

Hótelum hér í Reykjavík fjölgar nú verulega og Vísindagarðar verða byggðir skammt frá húsi Íslenskrar erfðagreiningar.

19.9.2013:

Lyfjafyrirtækið Alvogen reisir hátæknisetur í Vísindagörðum fyrir sex milljarða króna

Og Planið varðandi Orkuveitu Reykjavíkur gengur vel.

Þar af leiðandi er engin ástæða til að hafa áhyggjur af Reykjavíkurborg, hvorki fyrir núverandi borgarstjóra né aðra.

31.7.2013:

Planið hjá Orkuveitu Reykjavíkur gengur betur en áætlað var

Lánshæfismat Orkuveitu Reykjavíkur í október 2013