Askja hafði fengið að vera í friði 1967. En Gjástykki á að umturna.

Þegar tunglfararnir fóru í Öskju 1967 var það svæði ósnortið.  Alþjóðleg samtök áhugafólks um ferðir til mars völdu árið 2002 svæði í Gjástykki sem hentugt æfingasvæði fyrir marsfara framtíðarinnar.

Bob Zubrin, heimsþekktur forsvarsmaður samtakanna, hafði áður komið til landsins og verið í opnuviðtali í tímaritinu Time. 

En nefnd um skipulag miðhálendisins hefur einróma skilgreint Gjástykki sem iðnaðar/virkjunarsvæði fyrir um 45 megavatta virkjun í stíl Kröfluvirkjunar og Hellisheiðarvirkjunar. Og fyrir liggur einbeittur (brota)vilji virkjanafíkla og landeigenda gegn ósnortinni náttúru Gjástykkis. 

Hefðu tunglfararnir farið í Öskju 1967, ef svo hart hefði verið sóst eftir að reisa slíka virkjun þar að hún verið risin áður en þeir voru hér á landi?   

Barnabörn Armstrongs afhjúpuðu minnisvarða

Athugasemdir

[B.N. (IP-tala skráð) 16.7.2015 kl. 00:37]

Þegar ég var í einni hringferðinni með erlenda ferðamenn um fagra Ísland þegar ég var í þeim brasanum var Jóhannes Reykdal farastjóri. Hann sagði mér þegar við vorum á Mývatni frá því að hann og hans félagar störfuðu þar við landmælingar og þeir hafi hitt Armstrong og félaga hans í tjaldbúðunum við Öskju sennilega 1967 ferðinni. Ég man ekki alveg en þú Ómar þekkir væntanlega Jóhannes Reykdal betur en ég en hann var fréttamaður á ruv sem dæmi. Það væri gaman að fá þessa sögu kannski betur á blað svona upp á sögunna þegar fyrstu tunglfararnir og íslensku landmælingarmennirnir hittust í Öskju.

Baldvin Nielsen

[Ómar Ragnarsson, 16.7.2015 kl. 13:04]

Ég þekki Jóhannes vel úr bransanum og skal hafa samband við hann. Takk.