Hvað með okkar tungl?

Um miðja síðustu öld fóru á flot kenningar um að líf á jörðinni myndi eyðast við það að tugl hennar félli niður á hana.

Var því, hvernig tunglið nálgaðist jörðina hægt og bítandi lýst á dramatískan hátt í bókinni "Undur veraldar" og átti orsökin að vera stórfelldar virkjanir sjávarfalla á jörðinni.

Tungl jarðarinnar er það stórt, að það er eins gott að það haldist sem stöðugast í sinni 380 þúsund kílómetra fjarlægð frá okkur.

Tungl Mars að sundrast

Athugasemdir

[Húsari. (IP-tala skráð) 19.11.2015 kl. 08:45]

Sæll Ómar.

Samkvæmt rannsóknum hefur tunglið fjarlægst jörðu
sem nemur 1- 3 cm á ári hverju í langan tíma.

Tunglið gerir hvorugt, að falla á jörðina
eða hverfa frá henni; náttúrulegt lögmál í því
sigurverki sem alheimur nefnist.

[Hábeinn (IP-tala skráð) 19.11.2015 kl. 09:00]

Það er semsagt ekki nýtt að færustu sérfræðingar telji að aðgerðir manna muni steypa jörðinni í glötun.

[Þorsteinn Briem, 19.11.2015 kl. 09:57]

Upp á kom það Framsókn flatt,
forðum hana unga,
tunglið oná tærnar datt,
af töluverðum þunga.

[Þorsteinn Briem, 19.11.2015 kl. 10:19]

Í dag:

"Forsætisráðuneytið hefur ekki tekið afstöðu til þess hvort að tölvuárás Anonymous-liða verði kærð en víðtækar tölvuárásir voru í síðustu viku á nokkrar vefsíður vegna hvalveiða Íslendinga.

Ráðist var á mbl.is, vef HB Granda, forsætisráðuneytisins og Reðursafnsins."

[ls (IP-tala skráð) 19.11.2015 kl. 10:55]

Og eru stundaðar hvalveiðar á tunglinu? Eða hafa hvalveiðar áhrif á tunglið? Eða geta tölvuárásir haft áhrif á hvort tunglið færist nær eða fjær?

[Brynjólfur Þorvarðsson, 19.11.2015 kl. 11:32]

Það ku víst vera rétt að tunglið færist fjær og hægir á sér vegna sjávarfalla (þar á sér stað togstreita - tunglið togar í yfirborð sjávar, en jörðin snýst og tekur sjávarföllin með sér)

Þessu myndi ljúka samkvæmt útreikningum með því að jörðin færi umhverfis jörðu á 47 dögum og í talsvert meiri fjarlægð, en jörðin myndi einnig snúast á 47 dögum og því alltaf snúa sömu hlið að tunglinu.

Áður en það gerist mun sólin þó klára eldsneyti sitt og þenjast út. Þar sem tunglið fer nær sólu en jörðin þá mun tunglið fyrst verða fyrir auknu viðnámi vegna stækkandi sólar og hægja hratt á sér, færast nær jörðu og fyrir rest splundrast þegar aðdráttarafl jarðar nær að yfirgnæfa aðdráttarafl tunglsins sjálfs.

Þetta gerist eftir c.a. 5 milljarði ára og lítil ástæða til að hafa áhyggjur.

[Helgi Jónsson (IP-tala skráð) 19.11.2015 kl. 12:22]

Tunglið tunglið taktu mig
og berðu mig upp til skýja.
Hugurinn ber mig hálfa leið
í heimana nýja.
Mun þar vera margt að sjá
mörgu hefurðu sagt mér frá,
þegar þú leiðst um loftin blá
og leyst til mín um rifin skjá.
Litla lipurtá.
Litla lipurtá.
Komdu litla lipurtá
langi þig að heyra.
Hvað mig dreymdi, hvað ég sá
og kannski sitthvað fleira.
Ljáðu mér eyra.
Ljáðu mér eyra.

 

[Haukur Kristinsson (IP-tala skráð) 19.11.2015 kl. 15:02]

Rétt hjá Húsara og Brynjólfi. Tunglið fjarlægist jörðina og hægir á sér vegna þeirrar togstreitu sem Brynjólfur lýsir. Ástæðan fyrir þessu heitir á máli eðlisfræðinnar; conservation of momentum. 

[Anna Sigríður Guðmundsdóttir, 19.11.2015 kl. 15:32]

Broskallinn í tunglinu var með óvenju stóran geislabaug í gær. Og óvenju bjart.

M.b.kv.

[Haukur Kristinsson (IP-tala skráð) 20.11.2015 kl. 10:45]

Viðbót við ummæli min fyrir ofan.  Tunglið fjarlægist jörðina um 4 sentimetra á hverju ári. Ástæðan er "frichtion" eða togstreita, eins og Brynjólfur orðar það, vegna flóð og fjöru. Við það hægir á rotation jarðarinnar. Sú breyting er agnar lítil, en samt mælanleg og nemur 0,002 sekúndu á einni öld eða 100 árum.

Ástæðan fyrir þessu er nánar tiltekið; conservation of angular momentum, þar sem um rotation jarðar og tungls er að ræða.

[Haukur Kristinsson (IP-tala skráð) 20.11.2015 kl. 10:46]

Edit: friction.

[Aztec, 26.11.2015 kl. 01:57]

"Þessu myndi ljúka samkvæmt útreikningum með því að jörðin færi umhverfis jörðu á 47 dögum og í talsvert meiri fjarlægð, en jörðin myndi einnig snúast á 47 dögum og því alltaf snúa sömu hlið að tunglinu." (Brynjólfur, aths. #6)

Fer jörðin umhverfis jörðina? Það er víst eitthvað nýtt.