12.2.2016 | 17:38
Ekkert lík. Hvað þá? Allt mögulegt.
Manneskja er horfin. Finnst ekki þrátt fyrir ákafa og yfirgripsmikla leit, hvorki lifandi né dauð.
Niðurstaða: Talin af og það fært í bækur.
En ekki alltaf.
Íslendingur, sem hvarf fyrir aldarfjórðungi í Bandaríkjunum, var talinn af og "afskráður".
Birtist síðan sprelllifandi tólf árum síðar.
Áströlsk kona sem talin var af, kom nýlega í leitirnar hún mætti í sína eigin minningarathöfn.
Tveir menn hurfu fyrir rúmum 40 árum á Íslandi og hefur ekki fundist tangur né tetur af þeim.
Með skipulegu harðræði sem stóð mánuðum saman, og allt upp undir ár, fengust játningar sem sveifluðust og breyttust í allar áttir, en töldust nýtilegar til sakfellingar.
Maður var sem fréttaþulur látinn lesa langa lýsingu í sjónvarpsfréttum á átökum, morði, og líkflutningi í Dráttarbrautinni í Keflavík, sem eftir á reyndist tóm steypa þegar aðrar játningar urðu til og maður lenti líka í því að lesa þær sem jafn heilagan sannleika og hinar fyrri.
Ekkert lík, ekkert morðvopn, engin ástæða, en málið samt talið upplýst að fullu.
Fékk minnið eftir 30 ár | |
Tilkynna um óviðeigandi tengingu við frétt |
Athugasemdir
"Ekkert lík, ekkert morðvopn, engin ástæða, en málið samt talið upplýst að fullu."
Sem sagt, dauði Samfylkingarinnar.
Þorsteinn Briem, 12.2.2016 kl. 18:07
Eins dauði er annars brauð.
Með kveðju,
prestar og píratar.
Þorsteinn Briem, 12.2.2016 kl. 18:17
Ég var ekki nema 16 ára þá, en málið fór alveg fram af mér. Eftir á, er ekki laust við að sú hugsun rati mér í koll, að um skipulagðar "sjónhverfingar" hafi verið að ræða.
Bjarne Örn Hansen (IP-tala skráð) 12.2.2016 kl. 23:04
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.