Katla minnir líka á sig.

Sum Kötlugos og hamfarahlaup úr Kötlu hafa verið þannig á forsögulegum tíma að valda myndi stórfelldum vandræðum og tjóni á okkar dögum. 

Þar er ekki aðeins um að ræða hættuna á hrikalegu hamfaraflóði niður Markarfljót og alla leið út í Hólsá um Landeyjar, heldur hefur eldfjallið fyrrum sent frá sér gríðarlegt öskufall.

Katla, Bárðarbunga, Grímsvatnasvæðið og Öræfajökull búa yfir sérstakri hættu vegna íshellunnar sem liggur ofan á eldstöðvunum. r

Það er hrollvekjandi að horfa ofan í sigkatla þessara eldfjalla, og mun ég setja inn myndir af slíkum fyrirbærum við Kötlu og Bárðarbungu. 

Ef gosið brýst upp í gegnum íshelluna verður úr því gríðarlegt öskugos, sem getur ógnað flugsamgöngum um allan heim auk annarra búsifja og tjóns. 

 

Rafleiðni í Múlakvísl eykst áfram

Athugasemdir

[Þorsteinn Briem, 18.11.2017 kl. 18:17]

"Talið er að suðurströnd Íslands hafi færst fjóra kílómetra suður í Kötluhlaupinu 1918.

Þá myndaðist Kötlutangi sem var syðsti punktur Íslands í nokkra áratugi, uns hafið hafði nagað hann burt og borið efnið vestur með ströndinni og meðal annars bætt vel í ströndina hjá Vík í Mýrdal.

Á landnámsöld, og allt til 1179, var Hjörleifshöfði að minnsta kosti að hluta umlukinn sjó og fyrir vestan hann var Kerlingarfjörður, hin ágætasta höfn, sem fylltist í Kötluhlaupi árið 1179 (Höfðárhlaupi).

Þessi tvö litlu dæmi sýna hve mikilvirk jökulhlaupin eru í því að mynda sandana á Suðurlandi - Kötluhlaup, Skaftárhlaup, Skeiðarárhlaup - en Katla hefur stundum hlaupið undan Sólheimajökli og myndað þannig Skógasand og Sólheimasand, auk þess sem hún hefur hlaupið niður í Þórsmörk og þannig lagt til aura Markarfljóts.

Þar fyrir utan bera jökulárnar kynstur af framburði til sjávar ár og síð, frá Hvítá í vestri til Jökulsár í Lóni í austri."

Vísindavefurinn - Hvers vegna er suðurströnd Íslands sandströnd eða sandeyrar frá Djúpavogi að Þorlákshöfn?

[Þorsteinn Briem, 18.11.2017 kl. 18:18]

22.8.2004:

Kötlutangi enn syðsti oddi Íslands

[Anna Sigríður Guðmundsdóttir (IP-tala skráð) 18.11.2017 kl. 19:49]

Ómar minn. Það er ekki frétt fyrir mig, að það sé hætta á eldgosi á Íslandi?

Það er bara "smjörklípunnar" frétt :)

Fjölmiðlamafíu blekkingarnar eru hættulegustu ljón nútímans, fyrir almenning heimsins.

 

Ég endurtek; hættulegastar fyrir almenning heimsins!

En ég reikna ekki með því að orð mín verði talin marktæk.

Enda er ég algjörlega skólafrímúrara-gráðuburðardýrslaust fífl :) Og Guði sé lof og þökk fyrir það :)

M.b.kv.

[Ómar Ragnarsson, 18.11.2017 kl. 22:17]

Vaxandi eldvirkni með minnkandi jöklum er ekki mín hugarsmíð, heldur viðurkennd spá jarðvísindamanna.  Set kannski inn á facebook litla frétt frá nóvember 2004 sem gæti orðið talsvert stærri áður en þessi öld er úti. 

[Þorsteinn Briem, 19.11.2017 kl. 17:21]

[Þorsteinn Briem, 19.11.2017 kl. 23:22]

Hvað gerist ef Katla gýs? - Vísindavefurinn

[Þorsteinn Briem, 19.11.2017 kl. 23:23]

Kötluhlaup mestu vatnsflóð á jörðinni nú á tímum - Helgi Björnsson jöklafræðingur

[Þorsteinn Briem, 19.11.2017 kl. 23:24]

"Mest hætta stafar af jökulhlaupum sem fylgja Kötlugosum.

Gos innan öskjunnar verða undir þykkum jökli og öll orka gossins fer því í upphafi til að bræða ísinn.

Bræðsluvatnið nær ekki að safnast fyrir og brýst fram í gríðarlegu hlaupi.

Ösku- og jarðvegsblandað vatnið rífur með sér jakaflykki sem berast langt frá eldstöðinni.

Kötluhlaup standa yfirleitt ekki lengi en eru þeim mun öflugri. Vatnsmagnið jafnast á við margfalt rennsli stærstu fljóta heims.

Flest falla hlaupin niður á Mýrdalssand en einnig geta þau fallið niður á Sólheima- og Skógasand eða niður á Markarfljótsaura."