Hvenær sem er getur Hekla gosið eftir klukkustund.

Gríðarlegar framfarir hafa orðið hér á landi í mælingum á jarðskjálftum og landi, sem hafa komið á undan alls 21 gosi á 41 ári, frá Heimaeyjargosinu til Holuhraungossins 2014. 

Þó sáu menn það ekki fyrr en eftir að gosið í Heimaey hófst, að skjálfti fyrir gosið hafði verið fyrirboði þess, en það var vegna þess að einn þeirra þriggja skjálftamæla, sem þurfti tið að staðsetja gosið, var ekki virkur. 

Mælafjöldinn og nákvæmnin eru orðin það mikil, að oft hefur aðdragandinn gefið vísindamönnum tækifæri á að spá fyrir með býsna mikilli nákvæmni, hvenær gos yrði. 

Eitt eldfjall hefur samt nokkrra sérstöðu, því miður, en það er sjálf Hekla, sem öldum saman var lang þekktasta eldfjall Íslands, og víða eina eldfjallið, sem þekkt var í útlöndum. 

Gosinu árið 2000 var spáð með innan við klukkustundar fyrirvara, en vitað var fyrir það gos, að land hafði lyfst á svæðinu, sem fjallið er á, upp fyrir þá stöðu, sem það var í fyrir gosið 1991. 

Nú hefur hefur þessi landhækkun staðið lengur og orðið mun meiri en 2000, en ekkert gerist. 

Það eina; sem spá má fyrir um, er að þegar þar að kemur muni verða hægt að spá fyrir um gos með um einnar klukkustundar fyrirvara. 

Útlendingar spyrja stundum, hvaða eldfjall sé líklegast að gjósa næst. Svarið kemur þeim á óvart:  Það eru Grímsvötn, Bárðarbunga og Katla innan nokkurra vikna eða mánaða, - og hugsanlega Öræfajökull líka, -  en Hekla getur orðið á undan þeim öllum með klukkustundar fyrirvara hvenær sem er. 

Eldgosin gera boð á undan sér

Athugasemdir

[Húsari. (IP-tala skráð) 20.5.2018 kl. 02:09]

Sæll Ómar minn!

Ertu nú að ganga frá einhverri svamptertunni!

Þær eru stórhættulegar! Fer alltof mikið í þær 
af því sem ekki má nefna. 

Vona að þessum bakstri ljúki hjá þér og 
endist þér örugglega ekki hvenær sem er eftir klukkustund!

[Húsari. (IP-tala skráð) 20.5.2018 kl. 11:12]

<Gleðilega hátíð!>