"Víst ertu snjall og vís, Björn..."

Eðli málsins samkvæmt og í samræmi við nafn dýrsins, ætti hvítabjörn að sjást vel á auðri og dökkri jörðinni á Melrakkasléttu og ekki að verða skotaskuld úr því fyrir þaulvana leitarmenn Landhelgisgæslunnar að finna hann úr lofti í því góða veðri,, sem leikið hefur við fólk á norðaustanverðu landinu. 

En soltinn hvítabjörn á vergangi er ekkert gamanmál, það ætti gömul reynsla að sýna. 

Að vísu hefur verið nær íslaust á milli Íslands og Grænlands undanfarnar vikur, en þó hafa þrálátar suðvestanáttir hrakið hrafl og einstaka borgarísjaka yfir að norðurströndinni. 

Einn borgarísjaki sást um daginn, og einn borgarísjaki er nóg til að flytja eitt stykki hvítabjörn það nálægt landi, að bangsi geti synt restina. 

Þegar þetta er ritað, er málið óleyst, og þá á kannski enn einu sinni við gömul vísa, sem ég gerði í þakkarskyni við mann með nafni þessa dýrs, sem hafði veitt dýrmæta aðstoð við að leysa úr vandamálum mínum. 

Af því að fyrirbærið björn getur bæði verið innlent og erlent, var limran sett fram á tveimur tungumálum og nýtur sín ekki til fulls nema farið sé með hana upphátt:  

 

Víst ertu snjall og vís, Björn, 

og vin engan betri ég kýs, Björn. 

You solve my case 

and sav my face 

so sweetly with grace 

and ease, Björn. 

Tíðindalaust af bjarndýrsvaktinni

Athugasemdir

[ólafur (IP-tala skráð) 10.7.2018 kl. 10:02]

Það yrði nú kómískt ef bangsa mundi svo skjóta upp sunnar og skófla þar í sig eitthverjum vegan brjálæðingum sem kalla veiðar morð.. og þá helst þegar þeir eru að naga gulrót og drekka eitthvað njólaseiði😉

[Már Elíson, 10.7.2018 kl. 12:00]

Góð vísa..Eiginlega frábær.

[Húsari. (IP-tala skráð) 10.7.2018 kl. 13:00]

Sæll Ómar.

Í Dýraverndaranum 1949 greinir frá 
svonefndum urðargeitum en þær eru afkvæmi 
fjallageitar og norrænu geitarinnar 
sem prýðir betri býli um land allt.

Um háfengitímann verða þær alhvítar að lit 
og ekki er ólíklegt að ferðalangarnir hafi hitt 
fyrir eina í slíkum ham.

Draumur heimamanna er að sökkva Melrakkasléttunni alfarið 
og að hún verði uppistöðulón fyrir það rafmagn sem leitt 
verður um sæstreng til Bretlands árið 2024.

Frekari leit á Melrakkasléttu eftir ísbjörnum
er óþörf með öllu.

[Húsari. (IP-tala skráð) 10.7.2018 kl. 13:57]

Beware of the Ice-Goat!